Morgunblaðið - 13.09.2005, Blaðsíða 16

16 ÞRIÐJUDAGUR 13. SEPTEMBER 2005 MORGUNBLAÐIÐ
ERLENT
SKREKKUR er hlaupinn í for-
ystumenn stjórnarandstöðunnar í
Þýskalandi vegna þess hve dregið
hefur saman með þeim og Jafn-
aðarmannaflokki Gerhards Schröd-
ers kanslara. Eru viðbrögðin meðal
annars þau, að nú keppast þeir við
að sverja af sér Paul Kirchhof, sem
hampað hefur verið sem líklegum
fjármálaráðherra, og kenningar
hans um einn flatan skatt á fólk og
fyrirtæki.
Angela Merkel, kanslaraefni
kristilegra demókrata og bróður-
flokksins, Kristilega sósíalsam-
bandsins í Bæjaralandi, hefur fram
að þessu lýst Kirchhof, sem er pró-
fessor í Heidelberg, allt að því sem
„sjáanda“. Hann leggur til, að einn
25% skattur verði lagður á alla,
einstaklinga sem fyrirtæki, og
einnig, að ríkið dragi úr eftirlauna-
greiðslum. Þetta hefur hins vegar
ekki farið vel í þýska kjósendur og
nú er farið að líta á Kirchhof sem
hvert annað lík í lestinni.
Edmund Stoiber, leiðtogi Kristi-
lega sósíalsambandsins, réðst
harkalega á skattatillögur Kirch-
hofs í fyrradag og ekki síður á til-
lögu hans um að lækka eftirlaun.
„Þær eru fáránlegar,“ sagði
Stoiber. „Okkar stjórn mun ekki
lækka eftirlaunin.“
Guido Westerwelle, leiðtogi
Frjálsra demókrata, væntanlegs
samstarfsflokks kristilegra, sagði
einfaldlega, að kristilegu flokkarn-
ir yrðu formlega að hafna kenn-
ingum Kirchhofs. „Kosningarnar
snúast ekki um sérskoðanir ein-
stakra manna, heldur um atvinnu,“
sagði hann.
Vatn á myllu Schröders
Schröder hefur að sjálfsögðu
ekki látið sitt eftir liggja í gagn-
rýninni á flata skattinn, sem hann
kallar „andfélagslegan, óréttlátan
og óframkvæmanlegan“, og það
hefur beinlínis komið fram í skoð-
anakönnunum, að það eru ekki síst
gælur kristilegu flokkanna við flata
skattinn, sem hafa orðið til að auka
jafnaðarmönnum fylgi.
Schröder segir, að 25% skattur á
alla, fátæka sem ríka, myndi þýða,
að ríkið yrði af skatttekjum upp á
3.360 milljarða íslenskra króna að-
eins á fyrsta árinu. Við því yrði
ekki brugðist nema með verulegum
niðurskurði á flestum sviðum.
Í margar vikur og mánuði hafa
kristilegu flokkarnir haft 10 pró-
sentustig umfram jafnaðarmenn í
skoðanakönnunum og stundum
meira en á síðustu dögum hefur
forskotið skroppið saman og er nú
ekki nema sex prósentustig. Jafn-
aðarmenn eru nú með um 34% en
kristilegir um 40%. Um leið verður
það enn ólíklegra en ella, að kristi-
legu flokkarnir og frjálsir demó-
kratar geti myndað saman stjórn
að loknum kosningunum á sunnu-
dag, 18. september. Er fylgi
frjálsra demókrata um 7% og hefur
lítið breyst.
Merkel heldur því nú fram, að
kenningar Kirchhofs hafi aldrei
verið partur af stefnuskrá kristi-
legra demókrata og því sé gagn-
rýni jafnaðarmanna á þær ekkert
nema hræðsluáróður. Hún varð
hins vegar til þess að skjóta kjós-
endum skelk í bringu þegar hún
játaði því, að líklega fengi Fried-
rich Merz, fyrrverandi þingflokks-
formaður kristilegra, ráðherra-
embætti en skattahugmyndir hans
þykja ekki gefa tillögum Kirchhofs
neitt eftir.
Skattatillögur Merkel eru nú
þær, að skattstiginn verði á bilinu
12 til 39% en hann er nú á bilinu 15
til 42%.
„Götuljósastjórn“?
Eftir sem áður má heita víst, að
kristilegu flokkarnir fái meira fylgi
en jafnaðarmenn en eins og staðan
er velta menn mjög fyrir sér hugs-
anlegum möguleikum á stjórn. Fái
kristilegu flokkarnir og frjálsir
demókratar ekki meirihluta saman,
þá blasir við mörgum „Stóra sam-
steypan“, sem svo er kölluð, sam-
stjórn stóru flokkanna. Jafnaðar-
menn, sem hafa útilokað samstarf
við hinn nýja Vinstriflokk, flokk
gamalla kommúnista í Austur-
Þýskalandi og klofningshóps jafn-
aðarmanna, hafa hins vegar á síð-
ustu dögum verið að ýja að öðrum
kosti, sem er „götuljósasamsteyp-
an“, það er að segja samstarf jafn-
aðarmanna, Græningja og frjálsra
demókrata. Er nafnið dregið af
einkennislitum flokkanna. Frjálsir
demókratar hafa áður hafnað
þeirri hugmynd en stjórnmálaskýr-
endur telja, að hún sé samt sem
áður uppi á borðinu hjá þeim.
Merkel sver af
sér flata skattinn
Fát er komið á leiðtoga þýsku stjórnarandstöðunnar
en dregið hefur saman með þeim og jafnaðarmönnum
Eftir Svein Sigurðsson
svs@mbl.is
AP
Líklega fer það ekki framhjá manninum á hjólinu hvert sé kanslaraefni
jafnaðarmanna í kosningunum á sunnudag: Gerhard Schröder.
Paul Kirchhof og kanslaraefnið
Angela Merkel. Fyrst var Kirchhof
hampað en nú er honum hafnað.
MAHMOUD Abbas, forseti Palest-
ínumanna, reisir fána þjóðarinnar
á Gaza-svæðinu í gær. Ísraelskir
hermenn tóku niður þjóðfána sinn
við hátíðlega athöfn skammt frá
yfirgefinni landtökubyggð gyðinga
á Gaza-svæðinu á mánudags-
morgun og síðustu hermennirnir
yfirgáfu svæðið. Er þar með lokið
38 ára hernámi þeirra á Gaza.
Palestínumenn fögnuðu ákaft
tímamótunum og klifruðu sumir
yfir öryggisgirðingu við Rafah á
landamærunum að Egyptalandi,
syðst á svæðinu.
Ringulreið ríkti við landamærin
í gær eftir að tugir Palest-
ínumanna, þar á meðal vopnaðir
vígamenn, fóru inn á hlutlaust
belti við landamærin. Egypskir
hermenn, sem gæta þeirra, skutu
einn Palestínumanninn til bana.
Merki herskáu samtakanna
Hamas og Heilags stríðs blöktu í
gærmorgun við rústir samkundu-
húss í Neve Dekalim á Gaza en
þar var áður stærsta land-
tökubyggð gyðinga á svæðinu.
Hakakross hafði verið málaður á
vegg hússins.
Ísraelar ráða enn lofthelginni
yfir svæðinu, umferð skipa og báta
úti fyrir ströndinni, sem og landa-
mærastöðvum. Frakkar og Jórd-
anir hvöttu í gær til þess að Ísrael-
ar tryggðu að Gaza yrði ekki
fangelsi fyrir íbúana vegna tak-
markana á ferðafrelsi. Leiðtogar
Palestínumanna benda á að eigi
efnahagslíf á Gaza að geta þróast
verði þeir að geta átt viðskipti við
umheiminn.
Reuters
Gaza endurheimt
GEORGE W. Bush Bandaríkja-
forseti kannaði í þriðja sinn að-
stæður á flóðasvæðunum á sunnu-
dag og heimsótti að þessu sinni
New Orleans. Hann heilsar hér
slökkviliðsmönnum sem einnig tóku
þátt í björgunaraðgerðum í New
York eftir árás hermdarverka-
manna á borgina fyrir réttum fjór-
um árum, 11. september 2001. Stað-
fest tala látinna í hamförunum við
Mexíkóflóa er enn um 400.
Reuters
Bush í New Orleans
Canberra. AP. | Stjórnvöld í
Ástralíu hafa nú til athugunar
að niðurgreiða verulega kostn-
að við megr-
unarmeðferð hjá
því fólki, sem á
henni þarf að
halda. Er það lið-
ur í baráttu þeirra
við aukakílóin en
áætlað er, að
sjúkdómar tengd-
ir þeim kosti sam-
félagið um 76
milljarða ísl. kr.
árlega.
Til stendur að
greiða 85% af kostnaði við 12
vikna meðferð en þó ekki
meira en sem svarar til tæp-
lega 10.000 kr. á ári, sem er
meðalkostnaður við slíka með-
ferð í Ástralíu.
Offituvandinn er óvíða meiri
en í Ástralíu og útgjöld vegna
sjúkdóma, sem honum tengj-
ast, sykursýki, heilablóðfalls,
hjartasjúkdóma og
krabbameins, vaxa
stöðugt. Eru helstu
læknasamtök í landinu
hlynnt fyrirhuguðum
niðurgreiðslum en
potturinn og pannan í
þessu máli er Mark
Wahlquist, formaður í
alþjóðlegum næring-
arsamtökum og einnig
í þeirri nefnd WHO,
Alþjóðaheilbrigðis-
stofnunarinnar, sem
fjallar um hollt mataræði.
Áætlaður heildarkostnaður
ríkisins við niðurgreiðslurnar
er rúmlega 2,4 milljarðar kr.
en Wahlquist segir, að í raun
verði hann minni vegna þess
sem sparast með bættri heilsu.
Niðurgreidd
megrun í Ástralíu
Reuters
Nýja-Delhí. AP. | Borgaryfirvöld í Nýju-
Delhí á Indlandi segja að rottufangarar
borgarinnar hafi ekki náð einu einasta
kvikindi í áratug. 97 rottufangarar eru á
launaskrá hjá borginni en þeir starfa hjá
svokallaðri rottueftirlitsdeild Nýju-Delhí.
Árið 1994 var annasamasti tími hjá starfs-
mönnum deildarinnar en þá braust út
plága nálægt borginni með þeim afleið-
ingum að 56 íbúar létust.
Frá þessu greinir indverska dagblaðið
Hindustan Times í gær.
Í blaðinu kemur fram, að rottufangari
hafi 3.500 rúpíur, rúmar 4.800 íslenskar
krónur, í laun á mánuði.
Tíðindum þykir sæta að fangararnir
hafi ekki unnið fyrir launum sínum í tíu ár
þótt rottur sjáist oft í almenningsgörðum,
á götum úti og á heimilum fólks. Ástæðan
fyrir lélegum feng er talin vera að margir
borgarbúar treysta ekki yfirvöldum til að
drepa kvikindin og hafa þeir sjálfir fengið
sér gildrur til að fanga rotturnar.
Þá kemur fram í blaðinu, að þegar emb-
ættismönnum berist fregnir af rottugangi
í öðrum stjórnsýsluskrifstofum setji þeir
strax upp gildrur. Embættismennirnir
muni hins vegar ekki lengur hvar eða hve-
nær þeir hafi síðast sett upp rottugildrur.
Duglitlir
rottufangarar