Morgunblaðið - 30.09.2005, Blaðsíða 11

NÍU dómarar skipa Hæstarétt. Sá
sem er með lengstan starfsaldur
er Guðrún Erlendsdóttir en Jón
Steinar Gunnlaugsson hefur
skemmst setið í réttinum.

Guðrún Erlendsdóttir. Dómari
við Hæstarétt frá 30. júní 1986.

Hrafn Bragason. Dómari við
Hæstarétt frá 8. sept. 1987.

Garðar Gíslason. Dómari við
Hæstarétt frá 23. desember
1991.

Markús Sigurbjörnsson. Dóm-
ari við Hæstarétt frá 1. júlí
1994.

Gunnlaugur Claessen. Dómari
við Hæstarétt frá 1. september
1994.

Árni Kolbeinsson. Dómari við
Hæstarétt frá 1. nóvember
2000.

Ingibjörg Benediktsdóttir.
Dómari við Hæstarétt frá 1.
mars 2001.

Ólafur Börkur Þorvaldsson.
Dómari við Hæstarétt frá 1.
september 2003.

Jón Steinar Gunnlaugsson.
Dómari við Hæstarétt frá 15.
október 2004.
Níu dómarar í Hæstarétti
MORGUNBLAÐIÐ FÖSTUDAGUR 30. SEPTEMBER 2005 11
FRÉTTIR
FIMM dómarar munu taka þátt í
meðferð Hæstaréttar á kæru rík-
islögreglustjóra vegna úrskurðar
Héraðsdóms Reykjavíkur um að
vísa Baugsmálinu frá í heild sinni.
Hæstaréttardómararnir Garðar
Gíslason, Guðrún Erlendsdóttir,
Gunnlaugur Claessen, Markús Örn
Sigurbjörnsson, og Ingibjörg
Benediktsdóttir skipa dóminn.
Í 7. grein laga um dómstóla seg-
ir að þegar fimm eða sjö dómarar
skipi dóm skuli eiga þar sæti þeir
dómarar sem lengst hafa verið
skipaðir hæstaréttardómarar.
Bæði Hrafn Bragason og Árni Kol-
beinsson hafa verið hæstaréttar-
dómarar lengur en Ingibjörg
Benediktsdóttir.
Dómur í síðasta
lagi 14. október
Þorsteinn A. Jónsson, skrifstofu-
stjóri Hæstaréttar, sagði að slíkt
gerðist oft en að engar sérstakar
skýringar væru gefnar á því af
hálfu réttarins. Öll gögn vegna
kærunnar höfðu borist Hæstarétti
sl. föstudag. Dómurinn hefur í
mesta lagi þrjár vikur frá því
gögnin bárust til að kveða upp
dóm. Í síðasta lagi verður dómur
því kveðinn upp 14. október næst-
komandi.
Í kærumálum sem þessum er al-
menna reglan sú að dæmt er á
grundvelli fyrirliggjandi gagna en
málflutningur fer ekki fram.
Hæstiréttur getur þó ákveðið ann-
að, telji hann ástæðu til.
Fimm dómarar fjalla um
frávísun Héraðsdóms
Morgunblaðið/Brynjar Gauti
Dóms er að vænta um frávísun Baugsmálsins innan tveggja vikna.
JÓN Gerald Sullenberger mun í
næstu viku kæra Fréttablaðið og
blaðamanninn sem skrifað hefur
fréttir byggðar á tölvupóstum
sem fóru milli hans og Tryggva
Jónssonar, fyrrverandi forstjóra
Baugs, fyrir birtingu þeirra í
blaðinu í gær og fyrradag.
Jón Gerald segir að þar sem
póstarnir séu samkvæmt frétt
Morgunblaðsins ekki komnir frá
Tryggva ætli hann að leita réttar
síns.
„Ég er búinn að kanna stöðu
mína og það lítur út fyrir það að
þessi póstur sé illa fenginn og ég
mun leita réttar míns,“ segir Jón
Gerald.
Mun kæra Fréttablaðið
og blaðamann þess
HALLDÓR Ás-
grímsson for-
sætisráðherra
hefur að ósk
Geirs H. Haarde
utanrík-
isráðherra leyst
hann undan
störfum í stjórn-
arskrárnefnd. Að
tillögu Sjálfstæð-
isflokks hefur
Halldór skipað Bjarni Benediktsson
alþingismann í nefndina.
Tekur sæti í
stjórnar-
skrárnefnd
Bjarni
Benediktsson
HRAFNKELL V. Gíslason, forstjóri
Póst- og fjarskiptastofnunar, telur að
ekki hafi komið fram haldbær gögn
sem rökstyðji það að tölvupóstur
sendur fyrir mörgum árum hafi kom-
ist í hendur Fréttablaðsins frá fjar-
skiptafyrirtæki eða netþjónustuað-
ila. Slíkt sé þó vissulega tæknilega
mögulegt og þá sérstaklega ef við-
komandi viðskiptavinur geymir
tölvupóstinn sinn hjá viðkomandi
þjónustuaðila allan tímann. Hann
segir menn hafa verið fljóta til að
ásaka fjarskiptafyrirtækin, sem eigi
allt sitt undir trausti viðskiptavina
sinna. „Mér finnst að menn hafi nán-
ast gefið sér sökudólginn í þessu
máli, sem verður að teljast óráðlegt
þar sem þarna er um að ræða gögn
frá því 2002. Það hefur mikið gerst á
fjarskiptamarkaðnum síðan, t.d. má
benda á að Og Vodafone er stofnað í
apríl 2003.“
Hrafnkell telur koma til greina að
setja einhvers konar flokkunarkerfi á
öryggi netþjónustu fjarskiptafyrir-
tækja. Fyrirtækin gætu þá t.d. boðið
upp á mismunandi og misdýrar leið-
ir, þar sem dulkóðun gagna væri sú
öruggasta. Sú aðferð veitir að hans
sögn nánast 100% öryggi í flutningi
póstsins en er lítið notuð af almenn-
ingi. Hrafnkell telur til greina koma
að opinberir aðilar gangi hér undan
með góðu fordæmi og innleiði slíka
notkun í stjórnsýsluna.
Þegar unnið að auknu öryggi
Samgönguráðherra hefur í ljósi
umræðu um fjarskiptaöryggi undan-
farna daga og ásakana í garð fjar-
skiptafyrirtækja sent Póst- og fjar-
skiptastofnun bréf þess efnis að
stofnunin bregðist sérstaklega við til
þess að tryggja öryggi á þessu sviði.
Hrafnkell segir að margvísleg vinna
sé þegar í gangi þar sem fjarskipta-
öryggi er kannað og leiðir til bóta
skoðaðar. „Aukið öryggi fjarskipta
er ekki skammtíma viðfangsefni,“
bendir hann á. „Við höfum verið að
auka net- og upplýsingaöryggi í all-
langan tíma,“ segir Hrafnkell og seg-
ir vinnuhóp samgönguráðherra vera
dæmi um það.
„Síðan höfum við verið að vinna að
stefnumótun í öryggismálum. Þá er
m.a. kafli um öryggi og persónu-
vernd í nýrri fjarskiptaáætlun. Þetta
er grundvöllurinn að því sem við
munum halda áfram að vinna með til
að tryggja aukið öryggi fjarskipta.“
Í fjarskiptaáætlun er m.a. fjallað
um öryggi í notkun Netsins. Í því
felst m.a. að setja fram viðmið um
rekstraröryggi þeirra sem veita net-
þjónustu.
„Það er spurning hvað eigi að
ganga langt í setningu slíkra við-
miða,“ segir Hrafnkell. Verði það
gert, verður það í formi gæðastaðla
og væntanlega krafist gæðavottorða
frá fjarskiptafyr-
irtækjunum sem
telja sig uppfylla
viðmiðin. „Það er
tímafrekt og
kostnaðarsamt
starf að ná slíkri
gæðavottun og
því frekar á færi
stærri og öflugri
fyrirtækja,“ segir
Hrafnkell. „Slíkar
aðgerðir myndu því hugsanlega tor-
velda smærri og nýjum fyrirtækjum
að komast inn á þennan markað.“
Flokkunarkerfi
„Mér finnst ekki úr vegi að varpa
þeirri hugmynd fram á markaðinn og
fá viðbrögð þeirra sem þar starfa að
búa til einhvers konar flokkunar-
kerfi,“ segir Hrafnkell. „Þá geta
menn boðið upp á mismunandi ör-
yggisstig í þjónustu og verðlagt hana
í samræmi við það, allt eftir þörfum
viðskiptavinarins.“
Hrafnkell segir það almennt við-
urkennt að tölvupóstur geti verið
óöruggur í eðli sínu. „Tölvupóstur
sem sendur er frá a til b fer í gegnum
allt internetið á ódulrituðu formi og
fræðilega séð geta þeir sem hafa
nægilega góða þekkingu og eru í að-
stöðu til þess séð hvað fer um net-
kerfin, t.d. um þráðlaus netkerfi sem
nú eru algeng,“ segir Hrafnkell.
Hann bendir á að nánast öll upp-
lýsingatæknifyrirtækin á Íslandi séu
þegar búin að innleiða eða eru að inn-
leiða alþjóðlega staðla varðandi ör-
yggi upplýsingakerfa.
En hverju breytir það fyrir hinn
almenna notanda?
„Þetta er trygging fyrir ákveðnum
vinnubrögðum varðandi net- og upp-
lýsingaöryggi. Það er t.d. ákveðinn
rekjanleiki tryggður.“
En er tæknilega mögulegt að sjá í
gögnum fjarskiptafyrirtækja, hvort
þaðan hafi verið farið ólöglega inn í
tölvupóstkerfi viðskiptavina og gögn
sótt þaðan?
„Tæknilega séð er svarið bæði já
og nei,“ segir Hrafnkell. „Kerfin eiga
að geta skráð alla umferð en einstak-
lingur með ákveðna þekkingu og að-
stöðu getur reynt að fela slóð sína ef
einbeittur brotavilji er til staðar.“
Hann ítrekar að engin haldbær
gögn hafi komið fram síðustu daga
sem styðji þær fullyrðingar að tölvu-
póstar þeir sem Fréttablaðið hefur
birt séu komnir frá fjarskiptafyrir-
tæki. „Eins og komið hefur fram í
fjölmiðlum undanfarna daga eru fjöl-
margar aðrar leiðir færar en að mis-
nota kerfi fjarskiptafyrirtækja til að
nálgast slík gögn,“ segir Hrafnkell.
Mikilvægt er að upplýsa almenning
um hættur varðandi net- og upplýs-
ingaöryggi og bendir Hrafnkell í því
sambandi m.a. á neytendahluta
heimasíðu Póst- og fjarskiptastofn-
unar á www.pfs.is undir net- og upp-
lýsingaöryggi.
Netþjónusta
verði flokkuð
eftir öryggi
Hrafnkell
V. Gíslason
Forstjóri Póst- og fjarskiptastofnunar
Eftir Sunnu Ósk Logadóttur
sunna@mbl.is
BARNAHÚS að íslenskri fyr-
irmynd verður opnað í Linköping í
Svíþjóð í dag, að viðstöddum þeim
Silvíu Svíadrottningu, Braga Guð-
brandssyni, forstjóra Barnavernd-
arstofu, og Svavari Gestssyni,
sendiherra Íslands í Svíþjóð,
ásamt fleirum. Bragi mun flytja
erindi við opnunina, ásamt því að
taka þátt í fréttamannafundi að at-
höfn lokinni.
Sænsku konungshjónin komu til
Íslands í opinbera heimsókn haust-
ið 2004. Silvía drottning heimsótti
þá Barnahúsið hér á landi, sem
leiddi til þess að hún beitti sér fyr-
ir stofnun svipaðrar starfsemi í
Svíþjóð. Drottningin er stofnandi
World Childhood Foundation, sem
hefur það að markmiði að bæta
réttindi og aðstæður barna í heim-
inum. Fékk hún því framgengt að
veita sérstöku fjármagni úr þeim
sjóði til að barnahús gæti orðið að
veruleika í Svíþjóð.
Samkvæmt upplýsingum frá
Barnaverndarstofu eru uppi áform
um að koma á fót fleiri barna-
húsum í Svíþjóð. Norðmenn hafa
einnig stofnað vinnuhóp til að
skoða fyrirkomulag og starfsemi
Barnahússins á Íslandi og meðferð
þess á kynferðisbrotum gegn börn-
um.
Morgunblaðið/Sverrir
Frá heimsókn Silvíu Svíadrottningar í Barnahúsið fyrir rúmu ári í fylgd
Dorritar Mousaieff forsetafrúar, Braga Guðbrandssonar og barna.
Barnahús opnað í
Svíþjóð í dag að
íslenskri fyrirmynd
ÖRN Sigurðsson
arkitekt hefur
lýst yfir fram-
boði sínu í próf-
kjöri Sjálfstæð-
isflokksins í
Reykjavík vegna
borgarstjórn-
arkosninga vorið
2006. Sækist
hann eftir fjórða
til fimmta sæti á lista.
Örn er fæddur 9. júní árið 1942
í Reykjavík. Hann lauk stúdents-
prófi frá stærðfræðideild MR árið
1962 og lokaprófi í arkitektúr árið
1972 frá Tækniháskólanum í
Braunschweig.
Hann hefur unnið á ýmsum
arkitektastofum í Reykjavík og í
Þýskalandi og rekið eigin arki-
tektastofu í Reykjavík frá árinu
1980.
Örn var einn af stofnendum
Samtaka um betri byggð og síðar
einn af stofnendum Höfuðborg-
arsamtakanna, sem hann hefur
veitt forstöðu síðan 2002.
Þá hefur hann skrifað fjölda
blaðagreina og greinargerða um
borgarskipulag, en skipulagsmál
eru einmitt mjög ofarlega á baugi
hjá Erni.
Örn í prófkjör hjá
Sjálfstæðisflokki
í Reykjavík
Örn Sigurðsson