Fréttablaðið - 01.05.2004, Síða 54

TÖLVULEIKUR „Þetta er óstaðfest
heimsmet í þessum geira,“ segir
Magnús Bergsson, markaðsstjóri
CCP sem framleiðir tölvuleikinn
Eve Online. Þau merku tíðindi
bárust fyrr í vikunni að 10.396
notendur voru samtímis að spila
tölvuleikinn víðs vegar um heim-
inn og er ekki vitað um tölvuleik,
sem spilaður er á netinu þar sem
jafnmargir eru að spila í einu.
„Við erum að reyna að finna út
hvort aðrir tölvuleikir hafi haft
jafnmarga spilarara í einu. Það er
samt ósennilegt því aðrir leikir og
allir stærstu leikirnir skipta sín-
um leikjaheimum upp í litla heima
þar sem 2000 spilarar geta spilað í
einu. Þetta þýðir að vinir í Banda-
ríkjunum og í Danmörku geta
ekki spilað saman, því þeir spila
ekki á sömu sviðum. Með stórum
leikjaheimi eins og í Eve er mun
meiri gagnvirkni á milli þeirra
sem eru í leiknum en ef leikja-
heimnum er skipt upp. Þetta er
líka mun flóknara tæknilega séð.
Gagnagrunnurinn okkar er mun
stærri en hjá Reiknistofu bank-
anna og við höfum sextíu net-
þjóna sem hýsa allan leikinn þan-
nig að þetta er geysistórt.“
Að undanförnu hefur fjöldi
leikmanna í leiknum vaxið með
miklum hraða og fyrir örfáum
vikum voru samtíma spilarar um
7000. „Um leið og CCP fékk rétt-
inn til að selja leikinn sjálfur hef-
ur það skilað sér í betri árangri.
Fyrir einum og hálfum mánuði
gerðum við samning við tvo
stærstu leikjavefina í Bandaríkj-
unum, sem hafa sameinast í
IGN/Gamespy, um að þeir fengju
að dreifa á vefnum hjá sér tíu
daga prufuútgáfu af Eve. Í fram-
haldi af því fóru þeir út í ýmsa
markaðssetningu á vefnum hjá
sér. Leikurinn varð á þeim tíma
vinsælasta niðurhal á þeim vef og
það voru 30.000 aðilar sem byrj-
uðu á að sækja sér leikinn í gegn-
um þá. Í framhaldi erum við að
fara í frekara samstarf með
þeim.“
Tölvuleikurinn er hlutverka-
leikur sem gerist í vetrarbraut
órafjarri jörðinni sem byggir á
kapitalísku umhverfi. Þar velja
leikmenn sér hlutverk og skapa
persónu sem þeir stýra í samræmi
við markmið sín og áhuga hverju
sinni. Hlutverkin geta til dæmis
verið geimræningjar, viðskipta-
jöfrar, kennarar eða endurskoð-
endur svo eitthvað sé nefnt og í
gegnum þau vinna leikmenn sér
inn traust vina og virðingu óvina.
Sjálfur segist Magnús hafa
byrjað að spila fyrir tveimur
mánuðum síðan og sé alveg dol-
fallinn yfir leiknum. „Þetta er
mjög flókinn leikur með mikilli
pólitík og miklum viðskiptum. En
meðalaldur spilara er um 26 ár
og það er eiginlega enginn undir
14 ára í þessum leik. Af þeim sem
spila á netinu er það umtalað
hvað samfélagið í kringum þenn-
an leik er sterkt enda leggjum
við mikið upp úr að halda vel
utan um þá sem spila og öll sam-
skipti við þá. Í gegnum tölvupóst
og spjallborð notum við líka
þennan kraft sem býr í þessu
leikjasamfélagi til að endurbæta
leikinn og þróa hann.“ ■
1. maí 2004 LAUGARDAGUR
BÍTLAGÍTAR Á UPPBOÐI
John Lennon gaf Alexis Mardas þennan
Vox Kensington gítar frá árinu 1966.
Hann verður seldur á uppboði í
London á miðvikudaginn kemur. Þeir
sem hafa áhuga geta mætt til Christies
uppboðshaldarans og keypt gítarinn.
Þeir sem eiga ekki að minnsta kosti um
10,5 milljónir króna í lausafé geta spar-
að sér ferðina, því þar byrjar uppboðið.
Fréttiraf fólki
…með allt fyrir bragðlaukana
Pondus eftir Frode Øverli
Ég veit ekki
hvort ég get
þetta! Ég er
svo tauga-
strekkt!
Ekki núna,
mamma!
Það bíða
allir í
kirkjunni!
Já, en ég hef
aldrei gert
þetta áður!
Taktu þig
saman í
andlitinu!
Þú ferð bara og
segir já við mann-
inn þarna!
Að dólg-
ast með
sína eigin
móður,
já...
Ég get
út-
skýrt...
Ég vildi
gjarnan vera
í kirkjunni!
Ég skil,
ég skil...
EVE ONLINE
Hlutverkaleikur sem krefst mikillar herkænsku ætli leikmenn að verða sterkir spilarar
sem stjórna umhverfi sínu.
Íslenskur tölvuleikur
setur heimsmet
MAGNÚS BERGSSON
Segir trúlegt að heimsmet hafi verið slegið þegar rúmlega 10.000 manns spiluðu tölvuleikinn þeirra samtímis.
Poppprinsessan Britney Spearsvar á andlegu nótunum í við-
tali við MTV í Þýskalandi á dög-
unum og var ófeimin við að lýsa
yfir trú sinni á mátt Guðs. „Það
er ótrúlegt hvernig alheimurinn
gengur fyrir
sig. Þegar þú
reynir að fela
þig eða hlaupa
burt frá vanda-
málunum
koma þau bara
aftur í bakið á
þér síðar,“
sagði Britney.
„Þið skuluð
aldrei vanmeta
mátt Guðs. Sannleikurinn sigrar
alltaf og hvers vegna að fela sig
fyrir honum? Maður á alltaf að
vera hreinskilinn og segja það
sem manni finnst, meira að segja
aðdáendum sínum.“
Söngkonan Christina Aguilerahefur neyðst til að
hætta við tónleika-
ferð um Bandaríkin í
sumar með rappar-
anum Chingy vegna
mikils álags á radd-
böndin. Læknar hafa
fyrirskipað henni að
hvíla röddina vilji
hún ekki verða
fyrir langvarandi
skaða. „Ég hlakka
mikið til að halda
tónleika á ný. Ég
ætla að nota þennan
tíma til að semja lög
á næstu plötu mína,“
sagði Aguilera, sem
er nýkomin úr
tónleikaferð um
heiminn.