Fréttablaðið - 07.10.2004, Side 4

4 7. október 2004 FIMMTUDAGUR
Kjarabarátta í landinu:
Áratugastarfi rústað
KJARADEILUR Fyrir handtöku á
bryggju Brims í gær sögðu for-
svarsmenn sjómannasamtaka að
ekki þyrfti annað til að leysa hnút-
inn varðandi Sólbak EA 7 en að
Guðmundur Kristjánsson, for-
stjóri Brims, færi „að kjarasamn-
ingum og lögum“. Þeir voru þó
meðvitaðir um að til handtöku
kynni að koma, en sögðu það ein-
ungis veita útgerðinni gálgafrest.
„Við höfum stuðning starfsgreina-
sambandsins og ljóst að þá verður
skipinu neitað um afgreiðslu þegar
það kemur næst í höfn,“ sagði Árni
Bjarnason, forseti Farmanna- og
fiskimannasambands Íslands og
óttaðist að ef Brim kæmist upp
með að semja við áhöfn Sólbaks án
aðkomu stéttarfélaga myndi fjöldi
atvinnurekenda fylgja í kjölfarið
með ámóta samninga. Hann sagð-
ist furða sig á hversu lítið hafi
heyrst frá stjórnmálamönnum
landsins vegna þessa mikla hags-
munamáls verkafólks í landinu.
„Eru menn sáttir við að rústað sé
áratugastarfi og baráttu stéttarfé-
laga í landinu?“ spurði hann. ■
Fyrirtæki verður ekki
rekið með ógnunum
Tekist er á um félagafrelsi og lágmarkslaun samkvæmt kjarasamningum í deilu samtaka sjó-
manna og útgerðarfélagsins Brims á Akureyri. Samtök sjómanna boða áframhaldandi aðgerðir,
en útgerðin segist hafa hreinan skjöld og telur aðgerðirnar ólöglegar.
KJARADEILUR Guðmundur Kristjáns-
son, forstjóri Brims, neitar því al-
farið að útgerðarfélagið sé komið á
svig við lög og reglur með samn-
ingum sínum við áhöfn Sólbaks.
„Það er félagafrelsi í landinu,“
bendir Guðmundur á og segir bæði
áhöfn Sólbaks og útgerðarfélagið
sátt við samninginn. „Landslög
kveða á um að ekki megi semja
undir gildandi lágmarkslaunum og
það erum við heldur ekki að gera,“
sagði hann og bætti við að ekki
væri hægt að tala um að kjaradeila
væri í gangi þar sem forsvars-
menn samtaka sjómanna væru
ekki með aðgerðir að beiðni áhafn-
arinnar. Guðmundur fordæmdi
það sem hann kallaði „ólöglegar of-
beldisaðgerðir“ forystumanna
samtaka sjómanna og sagði stór-
yrði þeirra síst til að stuðla að
lausn deilunnar.
Þá hafnar Guðmundur því al-
farið að útgerðin beiti áhöfn Sól-
baks ofríki. „Þetta er algjör della.
Það rekur enginn fyrirtæki með
því að ógna fólki. Vinnustaðir
þurfa samheldni,“ segir hann og
bætti við að í upphafi hefði útgerð-
in viljað vinna með stéttarfélögum
sjómanna í að aðlaga kjarasamn-
inga að þörfum útgerðarinnar sem
yrði að geta brugðist við auknum
kröfum um fljótari afhendingar-
tíma vörunnar. „En það fékkst
ekki, heldur fengum við bara „nei“
eins og alltaf,“ sagði hann. Þá benti
Guðmundur á að ekki hefðu tekist
samningar með útgerðarmönnum
og sjómönnum árum og áratugum
saman. „Það er eitthvað í kerfinu
sem þarf að breyta fyrst svona illa
gengur að ná samkomulagi,“ sagði
hann og taldi að samningar í ætt
við vinnustaðasamninga sem
Verslunarmannafélag Reykja-
víkur hafi hvatt til geta verið byrj-
unina á jákvæðri þróun.
olikr@frettabladid.is
Ertu sátt(ur) við fyrirhugaðar
skattalækkanir ríkisstjórnarinnar?
Spurning dagsins í dag:
Eiga aðgerðir forystu sjómanna gegn
Brimi rétt á sér?
Niðurstöður gærdagsins
á visir.is
56%
44%
Nei
Já
KJÖRKASSINN
Farðu inn á fréttahluta visir.is
og segðu þína skoðun
HANDTEKNIR
Ólafur Ásgeirsson aðstoðaryfirlögreglu-
þjónn tilkynnir forystumönnum sjómanna
að þeir séu handteknir.
Vinnudeila:
Teknir
höndum
KJARADEILUR Forsvarsmenn samtaka
sjómanna sem handteknir voru í
gær, eru þeir Sævar Gunnarsson,
formaður Sjómannasambands Ís-
lands, Konráð Alfreðsson, varafor-
maður Sjómannasambands Íslands
og formaður Sjómannasambands
Eyjafjarðar, Hólmgeir Jónsson,
framkvæmdastjóri Sjómannasam-
bands Íslands, Jónas Garðarsson,
formaður Sjómannafélags Reykja-
víkur, Birgir Hólm Björgvinsson,
stjórnarmaður Sjómannafélags
Reykjavíkur og Árni Bjarnason,
forseti Farmanna- og fiskimanna-
sambands Íslands. ■
KJARADEILUR Misræmis gætti í frá-
sögn lögregluyfirvalda og hafnar-
stjórnar um hvers vegna komið
hefði til handtöku forsvarsmanna
samtaka sjómanna við Akureyrar-
höfn í gær.
Lögregla segir hafnarstjórn hafa
farið fram á að mennirnir væru
fjarlægðir, en því neitar Hörður
Blöndal hafnarstjóri. Guðmundur
Kristjánsson, forstjóri Brims, segir
að útgerðin hafi sent erindi til hafn-
arstjóra um að fyrirtækið vildi að
tryggður yrði vinnufriður við höfn-
ina til að hægt yrði að skipa upp úr
Sólbaki AK 7. Hafnarstjóri heim-
sótti forsvarsmenn sjómanna um
hádegisbil og lýsti því yfir að hafn-
arstjórnin tæki ekki afstöðu í mál-
inu og gæti ekki kveðið upp úr um
hvort löglegar aðgerðir í vinnudeilu
væri að ræða eður ei. Þetta viðhorf
staðfesti svo Hörður í samtali við
blaðið. „Það er lögreglunnar að
túlka hvort aðgerðirnar voru lögleg-
ar eða ekki og við tókum enga af-
stöðu í málinu. Við bara hörmum
náttúrlega að menn gátu ekki komið
sér saman,“ sagði hann. „Við kröfð-
umst þess ekki að farið yrði í ákveð-
na aðgerð gegn forystumönnum sjó-
mannasamtakanna sem þarna voru,
heldur var þetta ákvörðun sýslu-
manns sem byggir á hafnarreglu-
gerð að hluta, en örugglega líka á
fleiri atriðum.“ ■
HAFNARSTJÓRI
Hörður Blöndal, hafnarstjóri á Akureyri,
segir það ekki hafa verið að sínu undirlagi
að forsvarsmenn sjómannasamtaka sem
komu í veg fyrir uppskipun úr Sólbaki EA 7
hafi verið handteknir.
Aðgerðir við uppskipun úr Sólbaki:
Misræmi í rökstuðningi handtöku
GUÐMUNDUR KRISTJÁNSSON
Forstjóri Brims fylgdist með aðgerðum á
bryggjunni út um skrifstofugluggann hjá
sér í gær. Hann þvertekur fyrir að lög séu
brotin með samningum útgerðarinnar við
áhöfn Sólbaks.
FR
ÉT
TA
B
LA
Ð
IÐ
/G
VA
TEKNIR HÖNDUM
Forystumenn samtaka sjómanna
handteknir og færðir til skýrslutöku.
MÁLIN RÆDD
Guðjón Björnsson, staðgengill sýslu-
manns á Akureyri (til vinstri), leitaði
samkomulags við Árna Bjarnason, for-
seta Farmanna- og fiskimannasambands
Íslands, áður en til handtöku forsvars-
manna sjómannasamtakanna kom í gær.
Slökkviliðsmenn:
Átelja
vinnubrögð
UPPSAGNIR Slökkviliðsmenn á Kefla-
víkurflugvelli átelja vinnubrögð við
uppsagnir sautján slökkviliðs-
manna í lok september síðastliðins.
„Löggiltum slökkviliðs- og
sjúkraflutningamönnum er sagt
upp á meðan ófaglærðir starfsmenn
halda áfram störfum. Það er ljóst að
þess háttar vinnubrögð líðast ekki
annars staðar á Íslandi,“ segir í
fréttatilkynningu frá Landssam-
bandi slökkviliðs- og sjúkraflutn-
ingsmanna. Þá er skorað á íslensk
stjórnvöld að upplýsa starfsmenn á
varnarsvæðinu um framtíð þeirra
og eyða þeirri óþolandi óvissu sem
þeir búa við. ■