Fréttablaðið - 20.06.2005, Blaðsíða 30

Björgvin Guðmundsson
skrifar
Náðst hafði samkomulag um það, á milli Jóns Ás-
geirs Jóhannessonar, forstjóra Baugs Group, og
Þórðar Más Jóhannessonar, forstjóra Straums fjár-
festingarbanka, í maí síðast liðnum að Straumur
myndi selja hlut sinn í Íslandsbanka til nýs eignar-
haldsfélags samkvæmt heimildum Markaðarins.
Karl Wernersson, stjórnarmaður í Íslandsbanka og
annar stærsti hluthafinn á eftir Straumi, átti að
eiga meirihluta í nýja félaginu. Jón Ásgeir og fleiri
áttu að eiga minnihluta og var FL Group, undir for-
ystu Hannesar Smárasonar, nefnt í því samhengi.
Þessu neita Straumsmenn staðfastlega. Þeir
segja ekkert samkomulag hafa verið í gildi. Við-
ræður Þórðar Más og Jóns Ásgeirs hefðu vissulega
farið fram en þegar rætt var um sölu á bréfum
Straums hefði svarið alltaf verið neikvætt. Þetta
hafi ekki einu sinni verið rætt í stjórn Straums.
Það var samt með fullvissu fyrir því, að þetta
samkomulag gilti, að Karl Wernersson ákvað að
upplýsa sína nánustu samstarfsmenn um þessi
áform. Fer hann því á fund Steinunnar Jónsdóttur,
sem situr með honum í stjórn Íslandsbanka, ásamt
stjórnarmönnunum Einari Sveinssyni og Jóni
Snorrasyni. Samkvæmt heimildum Markaðarins
var markmið fundarins einungis að setja Steinunni
inn í málið en ekki falast eftir fjögurra prósenta
hlut hennar í Íslandsbanka.
Viðmælendur Markaðarins segja að viðbrögð
Jóns Helga Guðmundssonar í Byko, föður Steinunn-
ar, hefðu verið harkaleg þegar hann frétti af efni
fundarins daginn eftir. Tengja flestir það við að
Hannes Smárason, sem er fyrrverandi eiginmaður
Steinunnar, hafi verið nefndur í þessu sambandi. Í
kjölfarið gerist tvennt; Steinunn ákveður að selja
hlut sinn í Íslandsbanka og hætt er við sölu Straums
á hlut sínum í Íslandsbanka.
Straumi og Einari Sveinssyni, stjórnarformanni
Íslandsbanka, var boðið að kaupa hlut Steinunnar.
Ákveðið var að hann breytti ekki valdahlutföllum í
bankanum og því ekki réttlætanlegt að borga yfir-
verð fyrir fjögur prósent í Íslandsbanka. Þetta var
sunnudaginn 5. júní. Eftir það var hluturinn seldur
Burðarási, sem lýtur stjórn Landsbankamanna, fyr-
ir 7,3 milljarða króna 8. júní. Sjá fréttaskýringu bls. 10
Vika Frá áramótum
Actavis -4% 2%
Atorka -1% 1%
Bakkavör 0% 46%
Burðarás -1% 22%
Flaga Group -7% -25%
FL GROUP 8% 58%
Íslandsbanki 1% 21%
Kaupþing Bank -1% 19%
Kögun -2% 28%
Landsbankinn 2% 38%
Marel 0% 14%
Og fjarskipti 1% 27%
Samherji 0% 9%
Straumur 3% 29%
Össur 1% 2%
*Miðað við gengi í Kauphöll á mánudag
MIÐVIKUDAGUR 15. JÚNÍ 2005 MARKAÐURINN2
F R É T T I R
G E N G I S Þ R Ó U N
410 4000 | www.landsbanki.is
Við færum þér fjármálaheiminn
Nú býðst þér að eiga milliliðalaus verðbréfaviðskipti með E*TRADE í gegnum
netið á stærsta verðbréfamarkaði heims, Wall Street í Bandaríkjunum, og á
mörkuðum í Svíþjóð, Finnlandi og Danmörku.
Kynntu þér málið á www.landsbanki.is
Hagvöxtur var á fyrsta ársfjórð-
ungi 2,9 prósent og er það
minnsti hagvöxtur sem mælst
hefur á einum ársfjórðungi frá
árinu 2002, segir á vef greining-
ardeildar Íslandsbanka.
Hagvöxturinn er lítill í saman-
burði við spár fyrir árið, en
Seðlabankinn spáði 6,6 prósent
hagvexti og fjármálaráðuneytið
5,5 prósent. Ingólfur Bender, for-
stöðumaður greiningardeildar Ís-
landsbanka, segir að ljóst sé að
endurskoða þurfi hagvaxtarspár
í ljósi þessara talna: „Þetta er vís-
bending um hægari hagvöxt en
þessar spár gerðu ráð fyrir“.
Hann segir tölurnar sýna hið
mikla ójafnvægi sem sé í hag-
kerfinu: „Viðskiptahallinn er í
sögulegum hæðum og eftirspurn
innanlands mikil. Hátt gengi
krónunnar gerir það svo að verk-
um að samdráttur er í þeim
greinum sem eiga sitt undir er-
lendri eftirspurn. Það er mikið
ójafnvægi í hagkerfinu“.
Dregið hefur úr hagvexti frá
síðasta fjórðungi ársins 2004
þegar hann reyndist 4,2 prósent,
en mestur reyndist hann í fyrra
sjö prósent á þriðja ársfjórð-
ungi. - jsk
Sendinefnd Alþjóðagjaldeyris-
sjóðsins segir frammistöðu ís-
lenska hagkerfisins eftirtektar-
verða, kom þetta fram í áliti Bens
Hunt formanns nefndarinnar.
Nefndin hefur dvalið hér á landi
undanfarna daga og átt fundi með
fulltrúum stjórnvalda og atvinnu-
lífs.
Hagstjórn Seðlabankans var
hrósað og stefnu ríkisstjórnarinn-
ar, sem sögð var hafa lagt grunn-
inn að stöðugum hagvexti. Nefnd-
in taldi áhrif stóriðjufram-
kvæmda í heildina jákvæð en
framkvæmdir hefðu þó stuðlað að
ójafnvægi í hagkerfinu. Nefndin
taldi að meginmarkmið stjórn-
valda ætti að vera að koma á efna-
hagslegum stöðugleika. Til þess
væri þörf á meira aðhaldi en
fælist í fjárlögum ársins 2005.
Lagði nefndin til að skatta-
lækkunum yrði slegið á frest og
að reynt yrði að halda aftur af
neyslu þar til stóriðjufram-
kvæmdum væri lokið. -jsk
Bræðurnir Ormsson hafa fest
kaup á heildsölunni Vörukaup.
Vörukaup hafa sérhæft sig í
aukahlutum fyrir kælikerfi og er
stærsta fyrirtæki landsins á
þeim markaði.
Gunnar Örn Kristjánsson,
stjórnarformaður Bræðranna
Ormsson, staðfestir að fyrirtæk-
ið hafi fest kaup á Vörukaupum.
Hann segir þó að ekki verði gerð-
ar neinar róttækar breytingar á
rekstrinum: „Rögnvald Erlings-
son sem við keyptum Vörukaup
af verður framkvæmdastjóri.
Fyrirtækið er vel rekið og engin
ástæða til breytinga“. Kaupverð
fæst ekki upp gefið. -jsk
Bræðurnir Ormsson kaupa
Bræðurnir Ormsson hafa keypt Vörukaup, sem versla með aukahluti í
kælikerfi. Er það stærsta sinnar tegundar á landinu. Kaupverð trúnaðarmál.
Lítill hagvöxtur
Hagvöxtur á Íslandi er langt undir væntingum. Sér-
fræðingur segir að endurskoða þurfi hagvaxtarspár.
Hagkerfið í góðu lagi
Sendinefnd Alþjóðagjaldeyrissjóðsins telur frammi-
stöðu hagkerfisins eftirtektarverða. Engu að síður
valdi stóriðjuframkvæmdir sveiflum í hagkerfinu.
Vilja viðbótargögn
vegna sölu Símans
Fjárfestar fái aukadag í gagnaherbergi.
Greiða fyrir
Eimskip
Avion Group lýkur við að fjár-
magna kaupin á Eimskipafélagi
Íslands í dag. Í kaupsamningnum
var gerður fyrirvari um að fjár-
mögnunin takist innan fjórtán
daga. Magnús Stephensen, yfir-
maður fjárfestatengsla hjá Avion,
segir að þetta muni ganga eftir.
Avion greiðir 12,7 milljarða
króna með peningum fyrir hlut
Burðarás í félaginu og 8,9 millj-
arða með hlutabréfum í Avion
Group. Síðari hlutinn skal greið-
ast eigi seinna en í janúar á næsta
ári þegar Avion verður skráð á
markað – gangi allt eftir. – bg
Verið er að skoða það innan
einkavæðingarnefndar að gefa
þeim tólf aðilum, sem eiga þess
kost að skila inn bindandi
kauptilboði í Símann, að fá að-
gang að svokölluðu gagnaher-
bergi Símans einn dag í viðbót í
lok ferilsins sem nú stendur yfir.
Í þessu herbergi eru skrár með
mikilvægum upplýsingum úr
rekstri Símans sem hver fjár-
festahópur fær aðgang að í
fimm daga. Fyrstu þrír hóparnir
voru alla síðustu viku að yfir-
fara þessi gögn og nú eru aðrir
þrír hópar þar að störfum.
Jón Sveinsson, formaður
einkavæðingarnefndar, segir að
þessi viðbótardagur geti komið
til eftir að þessu ferli er lokið og
hóparnir hafi átt viðtöl við fram-
kvæmdastjórateymi Símans. Þá
hafi menn tækifæri til að tékka
af gögn sem þeir þegar hafa afl-
að sér. Einnig sé hugsanlegt að
viðbótargögn verði lögð fram,
eins og áreiðanleikakönnun sem
fyrirtækið Landwell vann fyrir
Símann. Hafa fjárfestar meðal
annars kallað eftir þeirri
skýrslu.
Jón segir ekki rétt að skila
inn viðbótargögnum á þessu
stigi því allir bjóðendur verði að
sitja við sama borð. – bg
BJARNI ÁRMANNSSON OG EINAR SVEINSSON Bjarni keypti
stóran hlut af Jóni Helga Guðmundssyni í Íslandsbanka. Dóttir Jóns,
Steinunn Jónsdóttir, bauð Einari Sveinssyni að kaupa sinn hlut síð-
ar en menn töldu ekki nauðsynlegt að borga yfirverð fyrir fjögurra
prósenta hlut í Íslandsbanka.
Fr
ét
ta
bl
að
ið
/P
je
tu
r
SENDINEFND ALÞJÓÐAGJALDEYRIS-
SJÓÐSINS Hrósaði Seðlabankanum og rík-
isstjórninni. Leggur þó til að skattalækkun-
um verði slegið á frest þar til stóriðjufram-
kvæmdum lýkur.
Bauðst hlutur
Steinunnar
Stjórnarformanni Íslandsbanka bauðst að kaupa fjögurra
prósenta hlut Steinunnar Jónsdóttur í Íslandsbanka. Ekki
var gengið að tilboðinu og seldi hún þá Burðarási hlutinn.
HÖFÐABORG FJÁRFESTA Ráðgjafar fjár-
festa dvelja í húsi ríkissáttasemjara í Borgar-
túni við að yfirfara gögn Símans.
FERÐAMENN Í REYKJAVÍK Ójafnvægi er
í hagkerfinu og gerir hátt gengi krónunnar
það að verkum að samdráttur er í þeim at-
vinnugreinum sem eiga sitt undir erlendri
eftirspurn.
BRÆÐURNIR ORMSSON
Hafa keypt heildsöluna Vörukaup en
hyggjast ekki gera neinar róttækar breyt-
ingar á rekstrinum.