Fréttablaðið - 30.09.2005, Qupperneq 42
8 ■■■ { hús & heimili } ■■■■■■■■■■■■■■■■■■■■■■■■■■■■■■■■■■■■■■■■■■■■■■
FR
ÉT
TA
B
LA
Ð
IÐ
/P
JE
TU
R
Eldhúsinnréttingar fylgja duttlung-
um tískunnar eins og aðrir hlutir.
Einfaldar innréttingar hafa verið
áberandi undanfarið og þannig
verður það áfram. Að minnsta kosti
um sinn. Tískan einkennist af and-
stæðum þar sem viði og stáli er
stefnt saman og svart mætir hvítu.
Bylgja Ríkharðsdóttir hjá Brúnás
innréttingum segir að eikin sé alls-
ráðandi í eldhúsinnréttingatísk-
unni. „Eikin er búin að vera vinsæl
mjög lengi og mér sýnist ekkert lát
vera á því. Hnotan er líka vinsæl og
hvítlakkaðar og háglansandi inn-
réttingar eru einnig að koma sterk-
ar inn. Þetta þrennt er mest áber-
andi en eikin er alveg yfirgnæf-
andi,“ segir Bylgja og bætir því við
að eikin sé líklega ekki á leiðinni út
á næstunni. „Eikin er mjög sterk og
þar sem hún er vinsæl í húsgögnum
líka hugsa ég að hún verði inni
næstu tvö árin eða svo.“
Bylgja segir að þótt alltaf sé ein-
hver ráðandi tíska þá sé í raunini
allt leyfilegt. „Núna eru flestar inn-
réttingarnar sem við hönnum ein-
faldar og stílhreinar og það er mjög
lítið um liti. Fólk vill hafa þetta
slétt og fellt og leyfa viðnum að
njóta sín. Það er til dæmis lítið um
höldur og vinsælt að láta fræsa grip
úr viðnum,“ segir Brynja.
Sigurður Sigurjónsson, smiður hjá
SBS innréttingum, tekur í sama
streng. „Eikin er langvinsælust en
það er orðið vinsælt að hafa ein-
hvern lit með henni, oftast hvítt.
Oft eru neðri skáparnir hafðir í lit
en efri skáparnir úr viði. Viðurinn
er þá hafður berstrípaður og liggj-
andi þannig að línurnar í viðnum
mynda láréttar línur en ekki lóð-
réttar eins og í mörgum eldri inn-
réttingum.“
Hjá SBS innréttingum eru allar inn-
réttingar sérsmíðaðar og Sigurður
segir að þeir smíði úr ýmsu efni.
„Það er til dæmis vinsælt að hafa
borðplötuna úr graníti en það er
dýrt efni. Marmarinn er líka alltaf
vinsæll og það er mikið um hann
núna. Margir vilja líka hafa borð-
plötuna úr massívum viði, en slíkur
viður er ekki sérlega hentugur í
borðplötur. Þá reynum við að
benda fólki á eitthvað annað.“
Hjá Bræðrunum Ormsson eru seld-
ar HTH innréttingar. Um er að ræða
danska hönnun sem byggir á ótelj-
andi einingum sem raða má saman
á óteljandi vegu. Steinunn Jóns-
dóttir er innanhússarkítekt hjá HTH
innréttingum og hún segir að ein-
faldar og stílhreinar innréttingar
séu allsráðandi.
„Það sem er vinsælast hjá okkur
núna er höldulausar hvítar innrétt-
ingar. Sprautulakkaðar háglansandi
innréttingar hafa líka verið að
koma inn og við erum með nokkrar
slíkar í boði bæði hvítar og svartar.
Annars er lítið um liti og svart,
hvítt, viður og stál einkennir tísk-
una,“ segir Steinunn og bætir því
við að flestir velji tæki úr stáli eða
áli. „Álið er mjög flott og við
höfum til dæmis boðið upp á
veggjapanil úr áli sem er vinsælt að
setja í staðinn fyrir flísar.“ Láréttar
línur einkenna innréttingarnar og
breiðar skúffur eru áberandi. Þá
segir Steinunn að lágir og mjóir
efriskápar séu vinsælir og skáparn-
ir séu sjaldan látnir ná alveg upp í
loft. „Margt yngra fólk vill ekki
hafa neina efri skápa. Oft eru efri
skáparnir breiðir en lágir og
kannski með sandblásnu gleri,“
segir Steinunn.
Hvað varðar heildarhönnun eld-
hússins eru flestir sammála um að
litlar breytingar séu í vændum. Eld-
húsin eru opin og þau eru látin
flæða saman við borðstofu eða opið
rými. Háfarnir vinsælu eru enn
allsráðandi og frístandandi eld-
unareyjar eru ekkert á leiðinni út.
Stílhrein hvít innrétting frá Brúnási. Allar
innréttingarnar frá Brúnási eru íslensk
hönnun.
Eldunareyja frá HTH úr birki og með
svartri plastplötu. Háfar og eldunareyjar
eru alls ekki á útleið.
Sérsmíðuð innrétting frá SBS. Það er vin-
sælt að blanda saman hvítum lit og viði.
Einfaldleikinn er allsráðandi
Tískan í eldhúsinnréttingum er einföld og stílhrein. Hönnuðir hjá Brúnási, SBS innrétt-
ingum og HTH innréttingum eru sammála um að litlar breytingar séu í vændum hvað
eldhúsinnréttingatískuna varðar.
Skemmtileg innrétting frá Brúnási. Gráir
sprautulakkaðir skápar, stállituð tæki og
skemmtileg tekkklæðning gera góða
blöndu.
Falleg og stílhrein, sprautulökkuð innrétt-
ing frá HTH. Láréttar línur eru allsráðandi
og hurðirnar eru höldulausar. Borðplatan
er úr graníti.