Fréttablaðið - 30.09.2005, Side 60
> Við búumst við ...
... harðri samkeppni milli liða í
Landsbankadeildinni um að
hreppa Sigurvin Ólafsson
sem verður ekki áfram í
Vesturbænum. Það er þó
líklegt að Eyjahjartað slái
enn ört og það er alveg
ljóst að hann myndi
styrkja lið ÍBV mikið fyrir
komandi sumar.
Tryggvi til Molde
... að Tryggvi Bjarnason, varnarmaður KR
er á leiðinni til Molde í upphafi næsta
mánaðar eftir að norska úrvalsdeildar-
félagið óskaði eftir að fá kappann til
reynslu í vikutíma. Tryggvi var fastamaður
í sumar í liði KR í Landsbankadeildinni
sem og lykilmaður í 21 árs landsliðinu
sem mun spila við Svía í næsta mánuði.
sport@frettabladid.is
32
> Við hrósum ...
.... enn og aftur Gunnari Heiðari
Þorvaldssyni sem raðar inn
mörkum þessa dagana með
sænska liðinu Halmstad og
skiptir þá engu máli hvort
hann spilar í deildinni eða í
Evrópukeppninni. Nú er
bara vona að hann fá i
langþráð tækifæri með A-
landsliðinu.
Grétar Rafn Steinsson og félagar í AZ Alkmaar komust áfram á ævint‡ralegan
hátt en Kristján Örn Sigur›sson og Árni Gautur Arason eru úr leik.
Gunnar Heiðar skorar enn
FÓTBOLTI Landsliðsframherjinn
Gunnar Heiðar Þorvaldsson er
sjóðheitur þessa dagana en hann
skoraði fyrir Halmstad sem gerði
sér lítið fyrir og sló út stórlið
Sporting Lissabon í Evrópukeppni
félagsliða í gærkvöld. Gunnar
Heiðar, sem skoraði í fyrri leik lið-
anna úr vítaspyrnu, kom Halmstad
yfir á 15. mín. þegar hann slapp
einn í gegnum vörnina og læddi
boltanum í gegnum klofið á mark-
verðinum. Sporting jafnaði metin
en Dusan Djuric skoraði fyrir
Halmstad í uppbótartíma og þar
sem fyrri leikurinn fór 2-1 fyrir
Sporting þurfti að grípa til fram-
lengingar. Þar urðu Svíarnir fyrir
því óláni að skora sjálfsmark en
varamaðurinn Patrik Ingelsten var
hetja Halmstad þegar hann skor-
aði sigurmarkið á 114. mín. Halm-
stad vann Sporting 3-2 en saman-
lagt í báðum leikjunum 5-5 en
Halmstad komst áfram í riðla-
keppni Evrópukeppni félagsliða á
fleiri mörkum skoruðum á útivelli.
Grétar Rafn Steinsson og félag-
ar hans í hollenska liðinu AZ Alk-
maar komust áfram í riðlakeppni
Evrópukeppni félagsliða eftir æv-
intýralegan sigur á rússneska lið-
inu Krylia Sovetov, 3-1. Rússneska
liðið vann fyrri leikinn 5-3, leikirn-
ir báðir fóru samanlagt 6-6 og AZ
Alkmaar komst áfram á fleiri
mörkum skoruðum á útivelli. Grét-
ar Rafn kom inn á sem varamaður
á 90. mín.
Kristján Örn Sigurðsson lék all-
an leikinn fyrir Brann sem tapaði
fyrir Lokomotiv í Mosku 3-2 og
samanlagt 5-3. Håkan Opdal,
markvörður Brann, var rekinn út
af eftir hálftíma leik og vítaspyrna
dæmd. En varamarkvörðurinn Jo-
han Thorbjörnsen varði vítaspyrn-
una. Kristján Örn og félagar börð-
ust hetjulega og komust tvisvar
yfir en Rússarnir reyndust sterk-
ari á lokasprettinum og skoruðu í
tvígang.
Árni Gautur ekki með
Árni Gautur Arason lék ekki
með Vålerenga sem tapaði fyrir
Steaua Bukarest 3-1 og samanlagt
6-1. Árni Gautur fékk frí vegnn
smávægilegra meiðsla.
Ensku liðin Bolton og Middles-
brough komust áfram en Everton
er úr leik. Bolton komst í hann
krappann gegn gegn Lokomotiv
Plodiv. Búlgarska liðið komst yfir
1-0 og var á leiðinni í riðlakeppn-
ina. En Bolton tryggði sér sigur, 2-
1, með mörkum frá El-Hadji Diouf
og Jared Borgetti og Bolton vann
samanlagt 4-2. Middlesbrough
gerði markalaust jafntefli við FC
Xanthi í Grikklandi en enska liðið
vann samanlagt 2-0. Everton sigr-
aði Dinamo Bucharest 1-0 á Goodi-
son Park með marki Tim Cahill en
það dugði skammt því Dinamo
Bukarest vann fyrri leikinn 5-1.
Norska liðið Tromsö var senu-
þjófur gærkvöldsins. Tromsö gerði
sér lítið fyrir og sló út tyrkneska
stórliðið Galatasaray. Liðin gerðu
jafntefli 1-1 í Istanbul. Patrice
Bernier kom Tromsö yfir í fyrri
hálfleik en Hakar Sükur jafnaði
metin fyrir Galatasary sem átti
auk þess þrjú stangarskot í leikn-
um. Tromsö vann fyrri leikinn 1-0
og samanlagt 2-1. Hetja norska
liðsins var markvörðurinn Lars
Hirchfield sem varði eins og ber-
serkur. þg
LEIKIR GÆRDAGSINS
Evrópukeppni félagsli›a:
AZ – Krylya Sovetov 3–1
Van Galen (45.), Koevermans (79.),
Landzaat, víti (85.) – Adamu (16.).
Grétar Rafn Steinsson kom inn á sem
varamaður hjá AZ á 90. mínútu.
AZ Alkmaar vann samanlagt á fleiri
mörkum skoruðum á útivelli.
Aris – Roma 0–0
Roma vann samanlagt 5–1.
Anorthosis – Palermo 0–4
Caracciolo (5.), Makinwa 2(46. , 68.), Al-
berto Santana (53.)
Palermo vann samanlagt 6-1
Domûale – Stuttgart 1–0
Stuttgart vann samanlagt 2-1
Sporting–Halmstad 2–3
Wender (34.), sjálfsmark (102.) – Gunnar
Heiðar Þorvaldsson (15.), Djuric (90.),
Ingelsten (114.)
Halmstad vann á fleiri mörkum
skoruðum á útivelli.
Steaua – Vålerenga 3–1
Árni Gautur Arason var hvíldur eins og
margir lykilmanna liðsins.
Steaua vann samanlagt 6–1.
Mainz – Sevilla 0–2
Kanoute 2 (9., 40.).
Sevilla vann samanlagt 2–0.
Galatasaray – Tromsö 1–1
Sukur (78.) – Bernier (32.),
Tromsö vann samanlagt 2–1.
CSKA Sofia – Bayer Leverkusen 1–0
CSKA Sofia vann 2-0 samanlagt
Genk – Litex 0–1
Corea Sandrinho (56.).
Litex vann samanlagt 3–2.
Indriði Sigurðsson spilaði allan leikinn
fyrir lið Genk sem er úr leik.
Xanthi – Middlesbrough 0–0
Middlesbrough vann samanlagt 2–0.
Loko Plovdiv – Bolton 1–2
Iliev (51.)- Sjálfsmark (79.), Nolan (86.)
Bolton vann samanlagt 4-2
Austria – Viking 1–1
Rushfeldt (21.), Lasnik (47.) – Nygaard
(12.).
Viking vann samanlagt á fleiri mörkum
skoruðu á útivelli.
Allan Borgvardt var ekki í hópnum hjá liði
Viking þar sem að hann er ólöglegur.
Everton – Dinamo Búkarest 1–0
Cahill (28.).
Dinamo vann samanlagt 5–2.
Lokomotiv Moskva – Brann 3–2
Loskov (63.), Asatiani (78.), Bilyatetdinov
(90.) – Macallister (45.), Miller (75.)
Lokomotiv vann samanlagt 5–3.
Kristján Örn Sigurðsson lék allan með
Brann.
FC Zurich–Bröndby 2–1
Arauju Rafael 2 (15., 89.) – Elmander
(46.). Bröndby vann samanlagt 3–2.
■ ■ LEIKIR
19.15 Grindavík og Keflavík mæt-
ast í Reykjanesmótinu í körfu karla.
■ ■ SJÓNVARP
07.00 Olíssport á Sýn. Þátturinn er
endursýndur þrisvar sinnum til
klukkan 9.00 og svo aftur klukkan
18.10.
18.00 Upphitun á Skjá einum.
18.40 Gillette-sportpakkinn á Sýn.
19.05 Motorworld á Sýn.
19.30 Meistaradeild Evrópu á Sýn.
Fréttir af leikmönnum og liðum í
Meistaradeildinni.
20.00 A1 kappaksturinn á Sýn.
Keppni frá Brands Hatch í Bretlandi
endursýnd.
21.50 K-1 á Sýn.
Reykjavíkurmót karla í körfubolta lauk í gærkvöldi með 87–59 sigri KR á ÍR:
KÖRFUBOLTI KR-ingar eru
Reykjavíkurmeistarar í
körfubolta eftir sannfærandi 28
stiga sigur á ÍR-ingum, 87–59, í
DHL-höllinni í gær.
KR-ingar unnu alla fjóra leiki
sína í mótinu með 28 stigum og
meira þar af unnu þeir nágranna
sína í Val með 80 stiga mun í
fyrsta leik. KR-ingar höfðu 10
stiga forskot í hálfleik, 37-27, og
gerðu út um leikinn í seinni hluta
þriðja leikhlutans eftir að ÍR-
liðið hafi náð að minnka muninn í
fimm stig.
Pálmi Freyr Sigurgeirsson
var stigahæstur í KR-liðinu með
21 stig en Ashley Champion
skoraði 16 stig og tók auk þess 10
fráköst. Skarphéðinn Ingason
átti þó tilkall í að vera maður
leiksins en hann var með 9 stig, 8
fráköst og 9 stoðsendingar á
þeim 27 mínútum sem hann
spilaði í leiknum. Þá voru þeir
Ólafur Már Ægisson og
Gunnlaugur Hafsteinn Erlends-
son með 9 stig hvor og
fyrirliðinn Steinar Kaldal
skoraði átta stig.
Hjá ÍR skoraði Theo Dixon
mest eða 21 stig og Ómar
Sævarsson var með 12 stig, 13
fráköst og 5 varin skot. Ales
Zivanovic, nýi útlendingurinn í
liði ÍR, náði sér engan veginn á
strik og skoraði aðeins 5 stig á 26
mínútum en 9 af 10 skotum hans
utan af velli rötuðu ekki rétta
leið. Eiríkur Önundarson og
Ólafur Jónas Sigurðsson skoruðu
báðir 7 stig. - óój
KR-ingar sannfærandi meistarar
Eiður Smári Guðjohnsen, fyrirliði ís-
lenska landsliðsins í knattspyrnu,
handabrotnaði á æfingu með Chelsea
fyrir skemmstu en þarf þó ekki að taka
sér frí frá æfingum eða keppni. „Það
hefur gengið á ýmsu hjá mér í upphafi
leiktíðar. Fyrst veiktist ég og þurfti að
taka mér frí í tvær vikur og svo
handarbrotnaði ég. En annars er ég
bjartsýnn á framhaldið og sáttur
með mína stöðu, þó það hefði
auðvitað verið skemmtilegra
að fá fleiri tækifæri með
liðinu hingað til,“
sagði Eiður Smári í
samtali við
Fréttablaðið í gær.
Eiður spilaði í rúman hálftíma gegn
Aston Villa í síðasta leik Chelsea og svo
virtist sem handarbrotið væri ekki að há
honum mikið þar sem Eiður
spilaði vel þann tíma sem
hann var inn á vellinum.
Línur er þegar teknar að
skýrast í toppbaráttunni
í ensku úrvals-
deildinni og svo
virðist sem
fátt geti
stöðvað
Chelsea.
Eiður
Smári
er þó
á því
að
Chelsea
eigi
mikið inni. „Mér finnst við vera að búnir
að spila þokkalega hingað til, en þó
hefur vantað svolítið upp á það að
sóknarleikurinn hafi gengið vel. Aðalá-
stæðan fyrir því að við erum efstir á
þessum tímapunkti er sú að aðalkeppi-
nautar okkar, Manchester United og
Arsenal, hafa tapað ódýrum stigum og
gert okkur auðveldara fyrir að verja
stöðu okkar á toppnum. En eflaust á
keppnin eftir að verða jöfn í vetur þó
það væri auðvitað best ef okkur tækist
að vinna deildina með yfirburðum.“
Eiður kom ekkert inn á í leik Liverpool
og Chelsea í Meistaradeild Evrópu í
fyrrakvöld en verður vonandi í leik-
mannahópnum á sunnudaginn þegar
liðin mætast á nýjan leik í ensku úrvals-
deildinni.
EIÐUR SMÁRI GUÐJOHNSEN: VERIÐ ÓHEPPINN ÞAÐ SEM AF ER LEIKTÍÐ
Ei›ur Smári er handabrotinn en er fló leikfær
STERKUR Pálmi Freyr Sigurgeirsson skoraði
21 stig á 26 mínútum í gær og hitti úr 7 af
11 skotum sínum. FRÉTTABLAÐIÐ/HEIÐA
HVAÐ? HVENÆR? HVAR?
27 28 29 30 1 2 3
Föstudagur
SEPTEMBER
30. september 2005 FÖSTUDAGUR
ENN Á SKOTSKÓNUM Gunnar Heiðar Þorvaldsson sést hér fagna marki sínu sem hann
skoraði fyrir Halmstad gegn Sporting Lissabon í gær. GETTYIMAGES
Breytingar hjá KR:
Ekki sami› vi›
Sigurvin aftur
FÓTBOLTI Stjórn KR-sports hefur
ákveðið að semja ekki að nýju við
miðjumanninn Sigurvin Ólafsson.
Samningur Sigurvins við KR renn-
ur út um áramótin og í gær til-
kynnti KR-sport þessa ákvörðun
félagsins og greinilegt að Teitur
Þórðarson, nýráðinn þjálfari KR,
er farinn að taka til í leikmanna-
hópnum.
Sigurvin sagði í samtali við
Fréttablaðið að hann vissi ekki
hvað tæki við hjá sér.
„Einn möguleikinn er að hætta í
boltanum en ég er opinn fyrir öllu.
Við sjáum til hvað verður,“ sagði
Sigurvin sem hóf ferilinn hjá ÍBV
og segist enn bera sterkar taugar
til félagsins. Sigurvin kom til KR
fyrir leiktíðina 2001 frá Fram og
varð Íslandsmeistari með félaginu
árin 2002 og 2003. - þg