Fréttablaðið - 18.11.2005, Síða 42

4 ■■■ { Austurland } ■■■■■■■■■■■■■■■■■■■■■■■■■■■■■■■■■■■■■■■■■■■■■
Bæjarstjórnin á Fljótsdalshéraði
hefur opnað aðsetur á annarri hæð
við hlið bæjarstjórnarskrifstofanna
á Egilsstöðum þar sem hinir ýmsu
listamenn á Héraði geta fengið að-
stöðu til þess að sinna listum sín-
um. Meðal annars fara þar fram
listsýningar og tónleikar, hljóm-
sveitir geta æft, fólk getur fengið
aðstöðu til að mála og búa til önn-
ur listaverk, og hægt er að halda
myndlistarnámskeið í Kompunni.
„Aðstaðan er lánuð endur-
gjaldslaust, en fólk þarf að hafa
samband áður en það fær inni,“
segir Karen Erla Erlingsdóttir,
menningar- og frístundarfulltrúi
Fljótsdalshéraðs.
Eins sinna eldri borgarar bók-
bandi í Kompunni, leirlistakona
hefur aðsetur þar og til stendur að
vefari setji upp vefstól sinn þar.
Listamenn fá inni í
Kompunni
Bætt aðstaða fyrir listamenn á Héraði.
Leirlistakonan Anne Kampp hefur aðsetur í Kompunni.
Leiklistin er þeirra líf og sál
Leikfélag Fljótsdalshéraðs er kraftmikið leikfélag með vel yfir 100 meðlimi, og hefur fé-
lagið svo sannarlega ekki ráðist á garðinn þar sem hann er lægstur í uppfærslum sínum.
„Við erum svo heppin að vera með
fagfólk í flestum geirum sem koma
að leiksýningum, sviðsmynd, lýs-
ingu, förðun og svo framvegis. Þetta
er ekki fólk sem við höfum pantað,
heldur er þetta fólk sem hefur flutt
hingað, hefur unnið til dæmis í
Borgarleikhúsinu, og heldur áfram í
leiklistinni hér svo við njótum góðs
af,“ segir Þráinn Sigvaldason, for-
maður leikfélagsins.
Sautján manns stofnuðuð leikfé-
lagið í ágúst 1966, og nú, tæpum
40 árum síðar, er það enn ein af
aðal lífæðum Egilsstaða og ná-
grennis. Áhugi á leiklist á Héraði á
sér þó enn lengri sögu, en það var
tilkoma héraðsheimilisins Vala-
skjálfs árið 1966 sem olli straum-
hvörfum. Sviðið í Valaskjálf varð
aðalvettvangur sýninga félagsins
og margir stigu þar sín fyrstu spor
á leiksviði, en félagið hefur innan
sinna vébanda stóran hóp fólks
með mikla reynslu og þekkingu,
auk kraftmikillar unglingadeildar.
„Þrátt fyrir sjónvarps-, mynd-
banda- og tölvuvæðingu, er starf-
semin nú öflugri en nokkru sinni
fyrr og ekki útlit fyrir annað en að
félagið muni hér eftir sem hingað
til skipa stóran sess í menningarlífi
Héraðsbúa,“ segir Þráinn, og bætir
við að næstu tvö árin verði afar
skemmtileg, því haldið verður upp
á 40 ára afmæli félagsins með
pompi og prakt og, að sjálfsögðu,
ýmiss konar leiksýningum og uppá-
komum.
Félagið hefur sýnt rúmlega 50
leikrit, fyrir utan ýmiss konar
skemmtanir sem það hefur staðið
fyrir og tekið þátt í, svo sem árviss
jólaverkefni, barna- og unglinga-
skemmtanir, skáldakynningar og
17. júní hátíðarhöld. Auk þess held-
ur það margskonar námskeið á ári
hverju.
Meðal þeirra leikrita sem félagið
hefur sýnt eru Valtýr á grænni
treyju, Þorlákur þreytti, Gullna
hliðið, Piltur og stúlka, Karíus og
Baktus, Fiðlarinn á þakinu, Ævin-
týrariddarinn Don Kíkóti, Dagbók
Önnu Frank, Draumur á Jóns-
messunótt, og My Fair Lady, ásamt
fjölmörgum fleiri erlendum og ís-
lenskum verkum.
Um þessar mundir sýnir leikfé-
lagið Sex í sveit eftir Marc Camolett,
í leikstjórn Odds Bjarna Þorkelsonar.
Sýningin er haldin í félagsheimilinu
að Iðavöllum, sem leikfélagið hefur
gert upp á afar smekklegan hátt.
Jódís Skúladóttir og Friðjón Magnússon í hlutverkum sínum sem afbrýðisöm eiginkona og viðhald hennar í leikritinu Sex í sveit.
Uppákomur fyrir
Austurland á Eiðum
Eiðastóll hefur nýverið ráðið starfskraft.
Ég hef verið að skipuleggja uppá-
komur sem eru meira ætlaðar fyrir
þá sem búa á Austurlandi,“ segir
Lára Vilbergsdóttir, nýráðinn starfs-
maður Eiðastóls, en Eiðar eru 12
kílómetrum norðan við Egilsstaði.
Á dagskránni eru dansnámskeið,
fyrirlestrar og þögul listsýning á
aðventu sem ætlað er að hjálpa
fólki að slaka á í jólastressinu.
Fyrir fjórum árum keyptu
Sigurður Gísli Pálmason og Sigur-
jón Sighvatsson eignir Alþýðu-
skólans að Eiðum með það í huga
að setja á fót alþjóðlega mennta-
og menningarmiðstöð. Síðan þá
hafa stakar uppákomur verið
haldnar að Eiðum aðallega á
sumrin, en nú er hafin vinna við
að gera framtíðarsýn Eiða að
veruleika. Fleira starfsfólk verður
ráðið um áramótin.
Lára Vilbergsdóttir var nýverið ráðin starfs-
maður Eiðastóls.
Strikið á Íslandi
Þjónustugata á Egilsstöðum ber kunnuglegt nafn.
Í sumar samþykkti bæjarráð Fljóts-
dalshéraðs tillögu skipulags- og
byggingarnefndar þess efnis að
verslunar- og þjónustugata sem
fyrirhugað er að liggi um nýjan
miðbæ Egilsstaða muni heita Strik-
ið.
Gatan verður mjög áberandi í nýja
miðbænum en hún verður bæði
hellulögð og malbikuð. Rauðleitum
náttúrulegum steinefnum verður
blandað saman við malbikið og því
mun gatan liggja sem rauðbrúnt
strik frá ráðhúsi bæjarins, sem ætl-
unin er að reisa við enda Striksins,
og í gegnum allan miðbæinn.
Við annan enda þess verður reist
veglegt menningar- og stjórnsýslu-
hús, en eins mun íbúðarhús aldr-
aðra rísa við götuna.
Sveitarfélagið er þessa dagana að
kaupa land af einkaaðilum, því
ólíkt flestum bæjum landsins á
Fljótsdalshérað afar lítið land sjálft.
Strikið fyrirhugaða á Egilsstöðum.
Viðskiptafræðingur á Egilsstöðum
Á skrifstofu KPMG á Egilsstöðum vantar viðskiptafræðing til starfa. Starfsmenn KPMG vinna einkum við
endurskoðun og reikningsskil fyrir viðskiptavini sína sem eru annars vegar fyrirtæki á almennum markaði
og hins vegar fyrirtæki og stofnanir í opinberri þjónustu. Við leitum að metnaðarfullum og framsýnum
einstaklingi sem hefur áhuga á starfsþróun og spennandi vinnuumhverfi í félagsskap fagfólks.
Við metum mikils sjálfstæði í vinnubrögðum, sveigjanleika, frumkvæði og aðlögunarhæfni. Hæfileiki til að
vinna með öðrum er mikilvægur því mikið er unnið í hópum innan félagsins og með viðskiptavinum.
Menntunar- og hæfniskröfur

Háskólanám í viðskiptafræðum

Viðskiptatengd starfsreynsla

Mjög góð þekking á bókhaldi og reikningsskilum

Gott vald á íslensku og ensku

Mjög góð þekking á Excel
Ef þú telur að eiginleikar þínir og þekking fari saman við óskir okkar hvetjum við þig til að senda okkur umsókn.
Nánari upplýsingar veita Andrés Guðmundsson, starfsmannastjóri KPMG, agudmundsson@kpmg.is, sími 545 6077 og
Hlynur Sigurðsson, forstöðumaður KPMG á Egilsstöðum, hlynursigurdsson@kpmg.is, sími 545 6061. Fyllsta trúnaðar verður
gætt varðandi allar umsóknir, fyrirspurnir og persónulegar upplýsingar. Umsókn ásamt ítarlegri ferilsskrá sendist í tölvupósti.
Umsóknarfrestur er til 1. desember næstkomandi.
© 2005 KPMG Endurskoðun hf., íslenski aðilinn að KPMG International, svissnesku samvinnufélagi.
04-05 lesið 17.11.2005 15:12 Page 2