Fréttablaðið - 06.05.2006, Side 2

2 6. maí 2006 LAUGARDAGUR
Reglur um rafhlöður Evrópusam-
bandið hefur samþykkt nýjar reglur
um endurvinnslu á rafhlöðum. Hvert
land verður að hafa hleypt af stað
verkefni fyrir árið 2008, sem ætlað
er að minnka mengun sem stafar af
rafhlöðum á ruslahaugum. Söluaðilum
verður jafnframt gert að taka við ónýtum
rafhlöðum án endurgjalds.
EVRÓPUSAMBANDIÐ
KOSNINGAR Fréttablaðið og vefur-
inn visir.is bjóða kjósendum að
leggja spurningar fyrir frambjóð-
endur flokkanna sem bjóða fram í
Reykjavík fyrir bæjar- og sveitar-
stjórnarkosningarnar 27. maí.
Sérstakur kosningavefur hefur
verið opnaður á visir.is þar sem
hægt er að koma á framfæri
spurningum um hvað eina sem
skiptir borgarbúa máli.
Nú gefst tækifæri til að spyrja
frambjóðendur beint. Svörin birt-
ast síðan í Fréttablaðinu og vefn-
um visir.is. - ssal
Frambjóðendur
svara lesendum
BORGARFJÖRÐUR Nýr menntaskóli,
Menntaskóli Borgarfjarðar, hefur
verið stofnaður. Menntaskólinn,
sem verður einkaskóli, verður
reistur á gamla íþróttavellinum í
Borgarnesi þar sem tjaldsvæði
hefur verið síðustu árin. Ráðgert
er að framkvæmdir við byggingu
nýja skólans hefjist síðla sumars.
Stefnt er að því að kennsla hefj-
ist haustið 2007. Námið verður
einstaklingsmiðað og stefnt er að
nánu samstarfi við Landbúnaðar-
háskólann á Hvanneyri og Við-
skiptaháskólann á Bifröst.
Nemendur verða 150 talsins og
ljúka þeir námi á þremur árum.
- ghs
Borgfirðingar efla menntun:
Stofna nýjan
menntaskóla
TSJAD, AP Þó að flest virðist benda
til þess að forseti Tsjad, Idriss
Deby, hafi sigrað í forsetakosning-
unum sem fram fóru þar í landi á
miðvikudag greinir ríkisstjórnina
og andstæðinga hennar gríðarlega
á um tölur yfir kosningaþátttöku.
Stjórnarandstaðan hvatti fólk til
þess að sniðganga kosningarnar.
Talsmaður kosningaeftirlitsins
í Tsjad, Ahmad Mahamat Bashir,
sagði AP-fréttastofunni á fimmtu-
dag að minnst 75 prósent skráðra
kjósenda hefðu kosið, en Ibni
Oumar Mahamat Saleh, talsmaður
stjórnarandstöðunnar, sagði þátt-
tökuna hafa verið innan við tíu
prósent. - smk
Forsetakosningar í Tsjad:
Deilt um hversu
margir kusu
KOSNINGAR Idriss Deby, forseti Tsjad, og
kona hans, Hinda. FRÉTTABLAÐIÐ/AP
LÖGREGLUMÁL Gæsluvarðhald var í
gær framlengt um hálfan mánuð
yfir fjórum mönnum sem sitja inni
vegna tilraunar til smygls á á fjórða
tug kílóa fíkniefna sem falin voru í
bensíntanki bifreiðar.
Fíkniefnasmyglararnir fjórir,
þeir Ólafur Ágúst Ægisson, Ársæll
Snorrason, Hörður Eyjólfur Hilm-
arsson og Hollendingurinn Johan
Handrick, þurfa að sæta gæsluvarð-
haldi til 19. maí samkvæmt úrskurði
Héraðsdóms Reykjavíkur í gær.
Þrír þeirra, Ólafur Ágúst, Ársæll
og Hollendingurinn, voru staðnir að
verki að kvöldi skírdags, þegar þeir
voru að losa fíkniefnin úr bensín-
tanki bifreiðar í iðnaðarhúsnæði á
Krókhálsi. Bifreiðin hafði verið
flutt frá Hollandi, en starfsmaður
Tollgæslunnar fann efnin í henni
við eftirlit í Sundahöfn 3. apríl. Bif-
reiðin var síðan tollafgreidd 11.
apríl og þremur dögum síðar góm-
aði lögreglan mennina þrjá. Hinn
fjórði, Hörður Eyjólfur, var hand-
tekinn síðar um kvöldið í heimahúsi
í borginni. Sá fimmti, Herbjörn Sig-
marsson, var svo handtekinn í
tengslum við málið og úrskurðaður
í gæsluvarðhald til 9. maí.
Rannsókn málsins hefur miðað
vel, samkvæmt upplýsingum lög-
reglu. Brotið er það stórt að gera má
ráð fyrir að mennirnir sitji inni þar
til dómur gengur í máli þeirra. - jss
SUNDAHÖFN BMW-bifreiðin sem efnin
voru falin í beið í rúma viku í bílaflotanum í
Sundahöfn áður en hún var tollafgreidd.
Héraðsdómur framlengdi gæsluvarðhald yfir fíkniefnasmyglurum:
Fimm áfram í einangrun
VIÐSKIPTI „Mjúk lending hagkerf-
isins er langlíklegust,“ segir Leif
Beck Fallesen, ritstjóri og fram-
kvæmdastjóri Danska viðskipta-
blaðsins Bör-
sen. Fallesen
flutti erindi á
ársfundi
Útflutnings-
ráðs Íslands
sem haldinn
var í Salnum í
Kópavogi í
gær.
Fallesen
segir harkalega
lendingu hins vegar ekki útilok-
aða en ólíklega vegna þess hve
staðan í efnahagsmálum heims-
ins sé góð. Hann segir nokkuð
mikið gert úr fjárfestingum
Íslendinga í Danmörku því þær
nemi ekki nema um þremur pró-
sentum af heildarfjárfestingum
útlendinga í landinu en hrósar
Íslendingum fyrir góðan árangur
í fyrirtækjarekstri ytra. - óká
Ritstjóri Börsen á Íslandi:
Mjúk lending
sögð líklegust
LEIF BECK FALLESEN
SVEITARSTJÓRNAR-
KOSNINGAR 2006
SPURNING DAGSINS
Steinar, kanntu líka að laða
að furðufugla?
Í slíkum tilfellum gildir lögmálið: líkur
sækir líkan heim.
Steinar Björgvinsson garðyrkjufræðingur held-
ur námskeið á morgun þar sem hann kennir
fólki að laða að fugla í garða.
FJÖLMIÐLAR Ríkisútvarpið skilaði
196 milljóna króna tapi á síðasta
ári, sem er þrefalt hærri upphæð
en árið áður. Stofnunin hefur verið
í rekstrarvandræðum allan þennan
áratug og tapað samanlagt 1.143
milljónum króna frá ársbyrjun
2000.
Frá árslokum 2000 hefur eigið
fé stofnunarinnar farið úr því að
vera jákvætt um 893 milljónir í það
að vera neikvætt um 186 milljónir
króna í árslok.
Guðmundur Gylfi Guðmunds-
son, framkvæmdastjóri fjármála-
deildar RÚV, bendir á að hluti
rekstrarhalla hafi fallið til vegna
atriða sem hafi verið utan áætlana
og nefnir þar úrskurð skattayfir-
valda vegna verktakagreiðslna og
ófyrirséðar afskriftir. „Þegar tekið
hefur verið tillit til þessara atriða
hafa útgjöld ekki verið að hækka
meira en sem nemur almennum
verðhækkunum.“
Rekstrartekjur RÚV voru 3.555
milljónir króna á síðasta ári og
hækkuðu um rúm fjögur prósent á
milli ára. Afnotagjöld voru 2.469
milljónir króna, auglýsingar og
kostun 971 milljón og aðrar tekjur
116 milljónir. Auglýsingatekjur
hækkuðu um rúm sex prósent á
milli ára.
Rekstrargjöld stofnunarinnar
námu um 3,3 milljörðum króna,
sem er tæplega níu prósenta aukn-
ing milli ára. Dagskrárgerð var
langstærsti útgjaldaliðurinn, um
72 prósent útgjalda. Guðmundur
Gylfi getur ekki gefið upp kostn-
að vegna afnotadeildar en segir
hann hafa hækkað vegna aukins
bankakostnaðar. Samkvæmt árs-
reikningi voru útistandandi
afnotagjöld 128 milljónir króna
um áramótin.
Eignir RÚV voru 4,7 milljarðar
króna um síðustu áramót og
drógust saman um 1,1 prósent frá
sama tímabili í fyrra. Langíma-
skuldir lækkuðu en skammtíma-
skuldir hækkuðu.
Guðmundur Gylfi segir að Rík-
isútvarpið standi á tímamótum.
Til standi að bæta eiginfjárstöðu
þess og endurmeta eignir þess í
tengslum við áform stjórnvalda
um að breyta því í hlutafélag um
mitt ár. - eþa
Tap Ríkisútvarpsins
nam 196 milljónum
Tap Ríkisútvarpsins í fyrra er þrefalt hærra en árið áður og samanlagt tap
stofnunarinnar síðustu sex ár nemur rúmum 1,1 milljarði króna. Eigið fé var
neikvætt í fyrsta skipti um síðustu áramót.
TAPREKSTUR RÚV 2000-2005 *
Rekstrarár Rekstrartap Eigið fé í árslok
2005 -196 -186
2004 -50 10
2003 -314 82
2002 -188 396
2001 -303 658
2000 -92 893
Heildartap -1.143
* Upphæðir í milljónum króna
Slapp ómeiddur Bíll valt við
Ísafjarðardjúp í gær en ökumaðurinn,
sem var einn í bílnum, slapp ómeiddur.
Ökumaður hafði misst stjórn á lítilli
jeppabifreið í beygjunni við brúna yfir
Botnsá.
LÖGREGLUFRÉTTIR
VINNUMARKAÐUR Íslendingar þurfa
að taka saman og gefa út upplýs-
ingar á 15-20 tungumálum um
vinnumarkað og samfélag, bæta
íslensku- og samfélagskennslu,
bæta þjónustu túlka og taka
saman upplýsingar um réttindi
og skyldur þannig að fólk geti
sjálft gætt hagsmuna sinna.
Einar Skúlason, framkvæmda-
stjóri Alþjóðahúss, segir að þetta
verði að gera kerfisbundið í sam-
vinnu milli stjórnvalda, atvinnu-
rekenda, verkalýðshreyfingar og
sveitarfélaga. Kostnaðurinn geti
numið um 70 milljónum króna á
ári ef vel eigi að vera.
Stjórnvöld hafa lítið sem ekk-
ert gert til að búa sig undir frjálst
flæði vinnuafls á næstu vikum og
mánuðum en sumir verkalýðsfor-
kólfar spáðu fólksflóði inn í landið
í ræðum sínum 1. maí.
Fréttablaðið hafði samband við
Útlendingastofnun, embætti Rík-
isskattstjóra og Velferðarsvið
Reykjavíkurborgar og kom þar í
ljós að ekki hefði verið gripið til
sérstakra ráðstafana ef fólk
flæddi inn í landið og talið hugsan-
legt að þess gerðist ekki þörf.
Félagsmálaráðherra hefur hins
vegar stofnað vinnuhóp til að
styrkja reglur á vinnumarkaði og
fara yfir stöðu útlendinga til að
treysta stöðu þeirra og réttindi.
Hópurinn á að ljúka störfum fyrir
1. nóvember. - ghs
MÓTTÖKU ÚTLENDINGA ÁBÓTAVANT Íslendingar þurfa að taka sig verulega á í að taka á
móti útlendingum, stórefla upplýsingar og bæta íslensku- og samfélagskennslu.
Íslendingar þurfa að gefa út upplýsingar og bæta kennslu meðal útlendinga:
Kostar 70 milljónir á ári
ÚTVARPSHÚSIÐ EFSTALEITI Dagskrárgerð var langstærsti útgjaldaliðurinn, um 72 prósent
útgjalda. Samkvæmt ársreikningi voru útistandandi afnotagjöld 128 milljónir um áramótin.