Fréttablaðið - 23.09.2006, Blaðsíða 46

■■■■ { skrifstofan } ■■■■■■■■■■■■■■■■■■■■■■■■■■■■■■■■■■■■■■■■■■■■■■■■4
Árið 1938 fékk ungverski blaða-
maðurinn László Bíró endanlega
nóg af því hversu tímafrekt það
var að fylla á blekpenna og hreinsa
síður sem blek hafði smitast á. Auk
þess átti hann það til að rífa blað-
síðurnar með hvössum oddi blek-
pennans og þar sem hann vann sem
ritstjóri á litlu dagblaði hafði hann
ekki tíma fyrir þess háttar vesen.
Bíró tók eftir því að blekið sem
notað var til að prenta dagblað-
ið þornaði mikið fyrr en venjulegt
pennablek og smitaði ekki. Hann
ákvað því að búa til penna sem nýtti
þess háttar blek. Það var hins vegar
þykkara og vildi því ekki renna út
úr pennanum. Bíró fékk því George
bróður sinn til að hanna nýja teg-
und af penna sem hefði einnar kúlu
legu á endanum sem flytti blekið á
pappírinn.
Galileo Galilei mun reyndar hafa
hannað svipað apparat á sautj-
ándu öld. Einnig eru til dæmi um
svipaðar uppfinningar frá 1888 og
1907, en engin þeirra tryggði jafnt
flæði bleksins líkt og penni þeirra
bræðra.
Árið 1943 fluttust bræðurnir til
Argentínu og stofnuðu pennaverk-
smiðju. Frá árinu 1990 hefur afmæli
Bírós, 29. september, verið fagnað
sem uppfinningadegi í Argentínu.
Kúlupenninn verður til
Kúlupennanum var upphaflega ætlað að
spara vesen og tíma við dagblaðaútgáfu en
er nú allrahanda ritfæri.
SAGA HLUTANNA
Skrifstofur eru fyrir löngu hættar
að vera bara skrifstofur, þær eru
miðstöð vinnustaðarins þar sem
ákvarðanir eru teknar og grunnur
að árangri er lagður. Stjórnendur
fyrirtækja gera sér einnig í aukn-
um mæli grein fyrir mikilvægi góðs
vinnuumhverfis. Krafan um meiri
skilvirkni og afköst í starfi eykst
stöðugt og í samræmi við aðra
þætti þarf skrifstofan að þróast í
takt við tímann.
Mörg hátæknifyrirtæki á borð
við Microsoft, Dell og fleiri gera
sér grein fyrir þessum kröfum
markaðarins og vinna nú hörðum
höndum að því að þróa samhæfð
kerfi fyrir skrifstofur. Þróunin snýst
mestmegnis að því að einfalda
fólki vinnuna og ekki síður að því
að auka samhæfni innan vinnu-
staðar, spara tíma og auka afköst.
Ýmis þráðlaus búnaður hefur verið
í mestri þróun að undanförnu sem
gerir fólki kleift að sinna vinnunni
sinni hvar sem er, hvenær sem er.
Hjá Dell hafa menn þróað búnað
sem skynjar þegar starfsmaður
kemur inn á skrifstofuna og skráir
hann inn til vinnu og lætur aðra
vita auk þess sem hann stillir birtu,
hita og önnur þægindi inni á skrif-
stofunni. Hjá Microsoft er áætlað að
á næsta ári eða því þarnæsta komi
út samhæfður vinnustaðabúnað-
ur, Center for Information Work
(Miðstöð fyrir upplýsingavinnu), en
flæði upplýsinga er einmitt orðið
eitt af því mikilvægasta í flestum
starfsgreinum í heiminum í dag.
Síðustu ár hefur einnig verið
í þróun búnaður til þess að halda
stafræna fundi. Búnaðurinn er allt-
af að verða betri og betri, og gerir
fundina auðveldari og persónulegri.
Skjáir hafa stækkað mikið og sumir
taka jafnvel upp á því að varpa
mynd af fjarlægum fundargestum
upp á vegg eða skerm sem sýna
fundarmenn í fullri stærð þannig
að fundirnir verða jafnvel enn
persónulegri, þar sem ekki virðist
eins mikil fjarlægð milli þeirra sem
fundinn sitja.
Umræðan um hvernig skrifstofur
og vinnuaðstaðan eigi að líta út og
vera er einnig afar merkileg, en sitt
sýnist hverjum. Eiga skrifstofur að
vera opnar, málaðar í mildum lit og
með stórum gluggum eða í sterkum
litum og með litla birtu; hvern-
ig skrifborð eru best, er betra að
hafa hátt til lofts og hvernig gólf-
efni skuli hafa eru góðar og gildar
spurningar sem innanhúsarkitektar,
stjórnendur og aðrir þurfa að velta
fyrir sér. Ekki er enn til uppskrift
að hinu fullkomna vinnuumhverfi
en menn halda þó áfram að hjálpa
fólki með því að auðvelda því vinn-
una og auka afköstin.
Skrifstofur framtíðarinnar
Athuganir á skilvirkni skrifstofunnar hafa á seinni árum færst í vöxt. Ekki er einungis
skoðað hvernig fólk getur unnið í húsnæðinu, heldur einnig hvernig fólki líður best
þar inni og í hvernig umhverfi hægt er að skila mestu afköstunum.
Frá sýningarfundarherbergi Microsoft sem hefur að geyma samhæfðan búnað til þess að auka og auðvelda upplýsingaflæði.
Fundarherbergi sem þetta, með fjölbreytt-
um snerti- og tölvuskjám, vefmyndavélum
og fleiru ætti ekki að vera óalgeng sjón
eftir nokkur misseri.
Ekki sitja beint á móti inngangi því þá ertu viðkvæm/ur fyrir neikvæðri orku
sem kann að koma inn um dyrnar.
Sittu eins langt frá inngangi og þú getur og snúðu bakinu í vegg. Þannig hef-
urðu góða yfirsýn yfir svæðið og það skynjast á þér að þú ert sú/sá sem fer með
völdin á svæðinu.
Á heimaskrifstofu skaltu ekki snúa baki í dyrnar. Í táknrænum skilningi koma
viðskipti til þín inn um dyrnar og þar af leiðandi skaltu ekki snúa baki við
þeim.
Hafðu tölvuna þína í norðvesturhorni
skrifstofunnar til að auka á sköpunar-
kraftinn. Hafðu hana í suðausturhorni
ef þú vilt auka tekjurnar.
Settu fiskabúr eða lítinn gosbrunn í
austur-, norður- eða suðausturhluta
skrifstofunnar. Lítið fiskabúr með svört-
um eða bláum fiskum á norðurhelmingi
borðsins, eða skrifstofunnar, mun örva
viðskiptin og velgengnina.
Feng-shui á skrifstofunni
550 5000
AUGLÝSINGASÍMI