Fréttablaðið - 15.06.2007, Qupperneq 66

Því miður var ég staddur erlendis þegar umræðan um málefni Tónlist.
is stóð sem hæst. Málið er greinilega afar flókið og þrátt fyrir að hafa
reynt að kynna mér málið nokkuð nákvæmlega er margt sem ég á erfitt
með að skilja, aðallega þó einhvers konar lagalegar flækjur. En af um-
fjölluninni og viðbrögðum fólks og tónlistarmanna að dæma var auð-
veldlega hægt að lesa þrennt út; 365 er Satan, Tónlist.is er fégráðugur
púki þess og íslenskir tónlistarmenn voru hreinlega teknir upp í óæðri
endann. Nú er langt því frá ætlun mín að fara að verja einn né neinn,
heldur finnst mér eingöngu sorglegt að sjá að aðilar á þessum litla
markaði sem íslenska tónlistarsenan er geti ekki sæst og unnið saman
að því að betrumbæta tónlistarumhverfið. Einnig furða ég mig á því að
skilvirknin milli félaga- og hagsmunasamtaka tónlistariðnaðarins sé
svona afleit.
Brot Tónlist.is eru vissulega alvarleg og umræðan um vefinn algjör-
lega nauðsynleg. Að setja tónlist inn á netið og selja hana þar án sam-
þykkis né vitundar listamannanna sjálfra er að sjálfsögðu siðlaust og
í raun lögbrot. Varðandi stjörnugjöfina þá er það ekkert annað en einn
stór brandari. Forráðamenn Tónlist.is hafa sýnt ábyrgðarleysi og fram-
koma þeirra við einhverja tónlistarmenn og útgefendur hefur verið
til skammar. Hins vegar verður að minnast þess að vefur eins og Tón-
list.is er gagnlegur, að mörgu leyti merkilegur og í raun mikilvægur í
framvindu tónlistarmarkaðsins á Íslandi til þess að fylgja þróun tónlist-
ar sem er að færast yfir á netið. Þess vegna finnst mér leiðinlegt að sjá
suma íslenska tónlistarmenn eins og litla vælukjóa úti í horni.
Fyrst og fremst þarf að endurskoða allt umhverfi Tónlist.is, til hags-
bóta fyrir tónlistarmennina. Ekki síður þarf ,,að stokka upp hjá hags-
munasamtökum tónlistarfólks og sjá til þess að þar á bæ vinni menn
vinnuna sína og fyrst af öllu VERÐA þessi hagsmunasamtök að losa sig
út úr hagsmunatengslum við hljómplötuframleiðendur. Sú blanda getur
aldrei verið tónlistarmönnum til hagsbóta,“ eins og einn bloggarinn
(anno.blog.is) komst að orði . Menn þurfa samt nauðsynlega að grafa
stríðsöxina og ræða málin manna á milli en ekki í gegnum fjölmiðla.
Það hlýtur að vera hagur íslenskra tónlistarmanna að afurðir þeirra séu
sýnilegastar sem flestum og aðgengi almennings að þeim sem mestur.
Málefni Tónlist.is er að flestu leyti afar leiðinleg en ef að rýnt er í um-
ræðuna eru þessar neikvæðu hliðar að mörgu leyti byggðar á misskiln-
ingi og samskiptaleysi, eitthvað
sem á ekki að viðgangast í svona
litlu samfélagi. Nú þegar ákveðin
fjarlægð er komin á alla þessu um-
ræðu er því kominn tími á sætt-
ir. Skaðinn verður vonandi aldrei
meiri en hann er nú orðinn og því
hlýtur stefnan aðeins að liggja upp
á við. Besta við þetta allt saman
er að tónlistarmenn þorðu að rísa
upp og svara almennilega fyrir
sig. Gagnrýnina verður samt að
nýta betur og koma henni í rétt-
an farveg.
Af umræðunni um Tónlist.is
Systkinasveitin The White
Stripes hefur lifað lengur
en margar rokksveitir sömu
kynslóðar. Hún fagnar tíu
ára starfsafmæli í næsta
mánuði, en eftir helgina
kemur sjötta platan hennar
í verslanir. Trausti Júlíus-
son skoðaði Icky Thump.
„Við gerðum plötuna á þremur
vikum. Við ræddum málin og þræl-
uðum okkur ekki út 12 tíma á dag
eins og áður. Ég vildi að þetta væri
afslappað og við tækjum okkur
tíma í að gera hlutina” segir Jack
White um gerð nýju White Stripes-
plötunnar, Icky Thump, sem kemur
út í næstu viku. Og hann bætir við:
„Samt kom ekki til greina að eyða
ævinni í þetta. Það væri fáránlegt
að eyða milljónum dollara í eina
plötu. Icky Thump er okkar dýr-
asta plata. Hver dagur í hljóðveri
við gerð hennar var dýrari en upp-
tökurnar á öllum hinum plötunum
okkar til samans”.
Icky Thump er sjötta plata White
Stripes. Það heyrist greinilega
þegar maður hlustar á hana hvaða
sveit er þarna á ferðinni, en samt
er hún töluvert ólík fyrri plötun-
um. Þung gítarriff eru áberandi, en
það er líka sekkjapípuleikur í einu
lagi og mariachi-blástur í öðru.
Blúsinn er á sínum stað og sums
staðar fer þetta út í hálfgert prog-
rokk. Stemningin er á köflum hrá
og æst eins og á fyrstu plötunum,
en svo koma poppaðri lög inn á
milli. Platan virkar svolítið rugl-
ingsleg við fyrstu hlustun, en tekur
á sig mynd þegar betur er hlustað.
Icky Thump var tekin upp í Black-
bird-stúdíóinu í Nashville. Það er
vel búið og nýtískulegt hljóðver og
þess vegna ólíkt þeim hljóðverum
sem White Stripes hafa áður notast
við. Jack segir að Blackbird eigi
ógrynni hljóðnema og sé vel búið
af gömlum upptökutækjum þó að
þau séu lítið notuð.
„Kántrý-tónlist dagsins í dag er
tekin upp á tölvur,” segir hann og
bætir við að eina sveitin sem hafi
notað gömlu upptökugræjurnar í
Blackbird-stúdíóinu nýlega fyrir
utan White Stripes sé Kings Of
Leon.
Jack og Meg eru bæði flutt frá De-
troit þar sem þau voru farin að
verða fyrir miklu aðkasti og „nei-
kvæðri athygli“ eins og Jack orðar
það.
Meg flutti til Los Angeles, en
Jack til Nashville þar sem hann
unir sér mjög vel. Hann skoðaði
meðal annars hús Johnny Cash
þegar hann var að leita sér að hús-
næði, en ákvað að kaupa það ekki
þar sem hann óttaðist að honum
myndi líða meira eins og safnverði
heldur en íbúa ef hann flytti þar
inn.
Jack er ennþá í hljómsveitinni The
Raconteurs og er þessa dagana að
klára plötu númer tvö með henni.
The White Stripes er núna orðin tíu
ára og fram undan er stór tónleika-
ferð. Og þau eru ekkert að fara að
hætta. Jack segist hafa hagnast
það vel á tónlistinni undanfarin ár
að hann gæti vel tekið sér frí í tíu
ár og slakað á með fjölskyldunni,
breska ofurmódelinu Karen Elson
og dótturinni Scarlett Theresu. Og
hann væri alveg til í það. En þörf-
in til að búa til tónlist er öllu öðru
sterkari. Hann segist samt gera
hlutina á öðrum forsendum í dag.
Hann segist „hættur að spá í það
hvað hipsterunum eigi eftir að
finnast“ um það sem hann gerir.
Það á eftir að koma í ljós hvað hip-
sterunum finnst um Icky Thump,
en gagnrýnendur virðast ánægðir.
Platan er að fá fína dóma, til dæmis
fjórar stjörnur af fimm möguleg-
um, bæði í Mojo og Uncut.
Radiohead sagði frá því á heimasíðu sinni fyrr í vik-
unni að sveitin væri langt komin með nýja plötu.
Hljómsveitin lokaði sig af í stúdíói síðasta
haust og hefur unnið að plötunni með
stuttum hléum síðan þá.
Stefnt er á að platan komi út síðar
á þessu ári en ekkert hefur verið
ákveðið með útgáfu. Sex platna samn-
ingur Radiohead við EMI rann út eftir
útgáfu síðustu plötu og ætlar hljóm-
sveitin ekki að semja við nýtt fyrir-
tæki eða taka aðrar ákvarðanir um út-
gáfu fyrr en nýja platan er tilbúin.
Fjögur ár eru síðan síðasta plata
þeirra, Hail to the Thief, kom út.
Hljómsveitin á gríðarlega stóran að-
dáendahóp um allan heim og víst að
marga er farið að þyrsta eftir nýrri
tónlist frá henni.
Meðlimir Radiohead hafa lítið gefið frá
sér um hvaða stefnu þeir taka á þessari plötu. Thom
Yorke hefur þó sagt í viðtali að tilfinningalega sé hún
ef til vill líkust OK Computer. Ef marka má færsl-
ur á heimasíðu hljómsveitarinnar mun hún
líka halda áfram að vera pólitísk. Thom
á það nefnilega sameiginlegt með mörg-
um íslenskum tónlistarmönnum að
hafa miklar áhyggjur af stefnu stjórn-
valda í umhverfismálum og hvetur
fólk til að taka virkan þátt í mótmæl-
um gegn stefnu þeirra.
Af því nýja efni að dæma sem Radio-
head spilaði á tónleikum síðasta sumar
er líklegt að sveitin haldi áfram með
það sem hún byrjaði á á síðustu plötu,
að blanda saman gítarrokki eins og af
fyrstu plötunum og raftónlistartilraun-
um Kid A og Amnesiac. Þetta eru þó
allt spádómar og aðdáendur verða að bíða í nokkra
mánuði í viðbót eftir útgáfu plötunnar.
Radiohead með nýja plötu
H
V
ÍT
A
H
Ú
S
IÐ
/
S
ÍA
8
1
3
1
VILDAR
KLÚBBUR
GLITNIS
SKRÁÐU ÞIG
FYRIR 17. JÚNÍ!
Þú færð 10.000 ókeypis
Glitnispunkta með því að
skrá þig fyrir 17. júní
í Vildarklúbb Glitnis!