Fréttablaðið - 09.12.2007, Qupperneq 4

4 9. desember 2007 SUNNUDAGUR
GJALDMIÐLAR KAUP SALA
HEIMILD: Seðlabanki Íslands
119,0918
GENGISVÍSITALA KRÓNUNNAR
61,50 61,80
125,00 125,60
89,98 90,48
12,063 12,133
11,215 11,281
9,569 9,625
0,5514 0,5546
97,16 97,74
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
SETT EHF • ASKALIND 2A • 201 KÓPAVOGUR • SÍMI: 534 1400 • WWW.SETT.IS
OPNUNARTÍMI:
MÁN. - FÖS 11:00 - 18:00
LAUGARDAGA 11:00 -16:00
SUNNUDAGA 13:00 - 16:00
BJÓÐUM
MIKIÐ ÚRVAL AF
TUNGUSÓFUM
Á HAGSTÆÐU
VERÐI
VÖNDUÐ HÚSGÖGN
SÓFASETT, HVÍLDARSÓFAR, BORÐSTOFUHÚSGÖGN, RÚM OG MARGT FLEIRA
Fakta tungusvefnsófi (Stærð: 237 x 160 sm)
Hægt að velja hvoru megin tungan er. Fæst einnig sem hornsófi
Verð kr. 109.900,-
FÉLAGSMÁL Íbúar í sambýlinu á
Miklubraut 18 segja matinn sem
þar er boðið upp á vera betri en
hann var í fyrra. Þetta kemur
fram í úttekt Velferðarsviðs
Reykjavíkur.
Stuðningsbýli fyrir heimilis-
lausa hefur verið rekið á Miklu-
braut 18 í rúm fjögur ár. Kristi-
legu samtökin Samhjálp annast
reksturinn samkvæmt samningi
við félagsþjónustuna. Pláss er
fyrir átta manns á heimilinu.
Ný úttekt á starfseminni byggir
á samtölum við starfsmann á
Miklubraut 18 og við heimilismenn
sjálfa og félagsráðgjafa þeirra.
Sambærileg úttekt í fyrra leiddi í
ljós að heimilismenn töldu að
stundum væri borinn skemmdur
matur á borð fyrir þá.
Að sögn íbúanna hefur þetta
breyst þótt heiti maturinn sem
boðið sé upp á sé misgóður. Þeir
lögðu þó áherslu á að gagnrýni á
matinn beindist alls ekki að mat-
ráðskonu hússins. Hún væru lífið,
hjartað og sálin í húsinu.
Ráðgjafar sögðu aðstöðuna á
Miklubraut vera slæma og við-
haldi hússins ábótavant. Flestir
þeirra voru sammála um að starf-
semin mótaðist af því að vera
rekin af kristilegum samtökum.
Það sögðu íbúarnir líka en tóku
fram að þeir teldu það ekki há
starfseminni. Flestir eru þeir í
vinnu eða endurhæfingu og geng-
ur vel að vinna að markmiðum
sem þeir hafa sett sér. - gar
Úttekt leiðir í ljós framfarir á sambýli fyrir heimilislausa þótt aðstaðan sé slæm:
Betri matur á Miklubraut 18
MIKLABRAUT 18 Átta heimilislausir búa
á sambýlinu sem opnað var á Miklu-
braut 18 í ágúst 2003.
Skeiðarárhlaup í rénum
Svo virðist sem hlaupið í Skeiðará
hafi náð hámarki síðdegis á föstudag-
inn. Gunnar Sigurðsson sérfræðingur
hjá Orkustofnun segir að hlaupið hafi
verið lítið.
NÁTTÚRA
KIRKJUMÁL Sóknarnefnd Seltjarnar-
neskirkju harmar þá atlögu sem
hún telur að gerð hafi verið gegn
kristni og kirkjunni í landinu að
undanförnu.
Í yfirlýsingu frá nefndinni segir
að svo sé að sjá sem hreinsa eigi
skólana af kristinni fræðslu og fara
með orðið „kristinn“ sem feimnis-
mál. „Það hefur verið dapurlegt að
verða vitni að þessu í aðdraganda
aðventunnar,“ segir í yfirlýsing-
unni. „Sá er illa læs á íslenska sögu
sem ekki er læs á kristið mál.
Menningaráhrif kristindómsins
eru mikil og margvísleg hér á
landi,“ segir í yfirlýsingunni. - ghs
Seltjarnarneskirkja:
Kristni orðin
feimnismál?
HARMAR ATLÖGU Sóknarnefnd Seltjarn-
arneskirkju harmar „atlögu gegn kristni
og kirkjunni í landinu“ að undanförnu.
ÍRAK Að minnsta kosti sjö létust í
bílasprengingu sjálfsmorðsárásar-
manns í bænum Baiji í norður-
hluta Íraks.
Árásin átti sér stað snemma í
gærmorgun og í það minnsta
ellefu særðust að auki. Árásinni
var beint að byggingu öryggis-
sveita Bandaríkjamanna og
íraskra hersveita. Fjórir þeirra
sem létust voru meðlimir öryggis-
sveitanna en þrír voru borgarar.
Á föstudaginn voru tvær
sjálfsmorðsárásir í nærliggjandi
héraði, Diyala, en þar létust 26
manns. Árásir uppreisnarmanna í
Norður-Írak hafa aukist eftir að
öryggissveitir neyddu þá frá mið-
og vesturhéruðum Íraks. - hs
Uppreisnarmenn í N-Írak:
Sjö láta lífið í
sjálfsmorðsárás
MANNFALL Í ÍRAK Uppreisnarmenn
réðust í gær á bækistöð norður af Bag-
dad og drápu í það minnsta sjö manns.
NORDICPHOTOS/AFP
Fjölga ekki hermönnum
Aðstoðarutanríkisráðherra Rússlands
segir að Rússar muni ekki fjölga
hermönnum við vesturlandamæri sín
ef NATO lætur hernaðaruppbyggingu
eiga sig. Vladimír Pútín hefur sagt upp
samningi um takmörkun hefðbundins
herbúnaðar í Evrópu.
RÚSSLAND
MEXÍKÓ, AP Stjórnvöld í mexí-
kósku landamæraborginni Ciudad
Juarez hafa ákveðið að láta grafa
upp meira en fjögur þúsund lík úr
fjöldagröfum og greina erfðaefni
þeirra svo hægt verði að bera
kennsl á líkin.
Tilgangurinn er meðal annars
sá að upplýsa um slæleg vinnu-
brögð lögreglunnar, sem er sökuð
um að hafa ekki rannsakað
nægilega fjölda morðmála og
mannshvarfa.
Líkin voru grafin á árabilinu
1991 til 2005. Upplýsingarnar
verða geymdar í gagnagrunni en
líkamsleifarnar síðan grafnar á ný,
og fær þá hvert lík sína gröf. - gb
Landamæraborg í Mexíkó:
Grafið upp úr
fjöldagröfum
VINNUMARKAÐUR Skoðanir á veik-
indafjarvistum á vinnumarkaði
eru skiptar milli Norðurlanda-
þjóðanna. Danir eru frjálslyndast-
ir hvað varðar fjarvist frá vinnu
vegna veikinda en Finnar og
Íslendingar eru íhaldsamastir.
Þetta kom fram í könnun sem gerð
hefur verið á vegum Norrænu ráð-
herranefndarinnar um atvinnulíf
og þróun veikindafjarvista á Norð-
urlöndunum.
Flestir Norðurlandabúar eru
þeirrar skoðunar að það sé í lagi
að vera heima þegar maður er
með kvef og hita, eða fimmtungur
aðspurðra. Einnig þykir í lagi að
vera heima þegar nánir fjölskyldu-
meðlimir þurfa á umsjón að halda
og sömuleiðis ef um einelti er að
ræða á vinnustað. Í þeim tilfellum
þykir líka í lagi að vera lengst frá
vinnu eða í 21 dag. Tólf prósent
svarenda telja ekki í lagi að vera
heima með kvef og hita.
Afgerandi verst þykir að vera
heima frá vinnu vegna timbur-
manna og mikillar drykkju daginn
áður. Mikill meirihluti Norð-
manna, eða 81 prósent, telur að
fólk eigi ekki að melda sig veikt
vegna timburmanna og þrír af
hverjum fjórum Finnum eru á
þessari skoðun. Ekki þykir gott að
vera heima vegna svefnleysis
nóttina áður eða vegna óánægju
með aðstæður á vinnustað.
Þegar ástæður veikindafor-
falla eru skoðaðar er lítill munur
á milli Norðmanna, Svía, Íslend-
inga og Finna. Í Danmörku eru
langjákvæðust viðhorf til veik-
indaforfalla af þjóðunum fimm.
Viðhorf til fjarvista eru mis-
jöfn milli kynja og eins milli ald-
urshópa. Þannig hafa konur frek-
ar skilning á fjarvistum en karlar
og þeir yngri frekar en þeir eldri.
Menntun hefur einnig áhrif á við-
horfin og sömuleiðis hvort svar-
endur vinna hjá hinu opinbera
eða á almennum markaði. Þeir
sem vinna í stórum fyrirtækjum
samþykkja til dæmis frekar fjar-
vistir frá vinnu en þeir sem vinna
í litlum fyrirtækjum.
Atvinnurekendur í Danmörku
og Noregi taka fjarvistartilkynn-
ingum betur en atvinnurekendur
í hinum löndunum óháð ástæð-
um. Þeir hafa skilning á fjarvist-
um í minnst sextán daga en
atvinnurekendur í Finnlandi og á
Íslandi hafa minnstan skilning á
fjarvistum og samþykkja bara
fjarvistir í allt að viku.

ghs@frettabladid.is
Kvef og hiti gefur
grænt ljós á fjarvist
Norðurlandabúar telja í lagi að vera heima frá vinnu vegna kvefs og hita og ein-
eltis á vinnustað. Atvinnurekendur í Danmörku og Noregi telja fjarvist í rúmar
tvær vikur í lagi en á Íslandi og í Finnlandi er aðeins í lagi að vera heima í viku.
FRÁ VINNU Í VIKU Á ÍSLANDI Fimmti hver Norðurlandabúi telur í lagi að vera heima
frá vinnu ef maður er með kvef eða hita en tíundi hver telur það ekki í lagi. Atvinnu-
rekendur í Danmörku eða Noregi telja í lagi að vera frá vinnu í sextán til sautján
daga en atvinnurekendur í Finnlandi og á Íslandi samþykkja bara fjarvist frá vinnu í
upp undir viku. Myndin tengist efni fréttarinnar ekki beint.
GARÐABÆR Afsláttur af fasteigna-
sköttum eldri borgara og öryrkja
hækkar ásamt hvatapeningum til
íþrótta- og tómstundastarfs barna
í Garðabæ á næsta ári. Fram-
kvæmdir munu einnig hefjast við
nýjan miðbæ í Garðabæ, sam-
kvæmt fjárhagsáætlun bæjarins
árið 2008 sem lögð var fram í
bæjarstjórn fyrir helgi.
Hvatapeningarnir hækka úr
tuttugu þúsund krónum á barn í
25 þúsund, og er einnig lagt til að
þeir verði greiddir til átján ára
aldurs í stað sextán ára. - sþs
Fjárhagsáætlun Garðabæjar:
Hvetja til
íþróttaiðkunar
GENGIÐ 07.12.2007