Fréttablaðið - 09.12.2007, Blaðsíða 30

Fréttablaðið - 09.12.2007, Blaðsíða 30
MENNING 4 A fi minn og amma gátu spurt sig í upphafi 20. aldar: Verðum við sjálfstæð þjóð? Foreldrar mínir spurðu í miðju kaldastríðinu: Erum við raunverulega sjálfstæð þjóð? Ég er af þeirri kynslóð, sem getur spurt: Hvað er þjóð og hvað er sjálfstæði? Til hvers? Ég get spurt af því að í dag er erfitt að efast um raunverulegt sjálfstæði og fullveldi þessarar þjóðar. Erlent setulið/varnarlið hefur yfirgefið eyjuna okkar og Ísland þar með flutt að heiman undan væng ameríska arnarins og komið út á götuna í alþjóðlegt samfélag þjóðríkja. Svo erum við nýrík. Og því hljótum við að vera raunverulega fullvalda og sjálfstæð því eins og Davíð minnti okkur alltaf á hvern einasta 17. júní: ? sjálfstæði án efnahagslegs sjálfstæðis er orðin tóm og einskis virði. En ég vil vekja athygli á því að forsetinn minn, hann Ólafur Ragnar Grímsson, lét víst hafa eftir sér, að útrás Íslendinga í jarðvarmann í Kína gæti orðið svo stórt verkefni að orkufyrirtækin og allir bankar Íslands kæmust ekki yfir að gera neitt annað. Hann var nýkominn heim eftir að hafa lagt alla atorku sína og dugnað í að ryðja brautina fyrir íslenska viðskiptamenn inn í miðju kínverska flokkræðisins því eins og allir vita er það eina leiðin til að fá að græða peninga í Kína. Á meðan forsetinn okkar var í Kína var verið að berja niður allt andóf í nágrannaríkinu Búrma. Nú þegar þetta er skrifað er löngu búið að hreinsa allt draslið af götunum eftir munkana og annað andófsfólk. Kínversk stjórnvöld voru margbeðin um að grípa inn í gang mála. Búrma er jú einhverskonar rassvasaríki Kínverja. En þeir máttu ekki vera að því. Það hefur sjálfsagt þótt ankannanlegt í Peking að vera beðinn um að beita sér gegn herforingjum í Búrma fyrir vinnubrögð sem eru viðtekin í Kína. Í Kína beita núverandi stjórnvöld stefnu gagnvart þegnum sínum sem kalla mætti aðskilnaðarstefnu (Apartheid). Þeir sem ekki hugsa, trúa og tjá sig rétt og í góðum flokksanda eru skilgreindir sem annarsflokks þegnar og eiga á hættu að vera sviptir réttindum og stöðu, fangelsaðir, pyndaðir eða skotnir með vélbyssu úti á torgi. Það má líka kalla þetta kúgunarstefnu og hún hefur verið viðloðandi kínverska stjórnarhætti í háa herrans tíð. Reyndar er mannkynssagan rík af dæmum um stjórnvöld sem hafa tileinkað sér þessa aðferð um lengri eða skemmri tíma. En í dag, þegar þetta er skrifað, er það nú samt svo að ekkert ríki í veröldinni hefur stofnanavætt ofbeld- ið gegn borgurunum jafn grímulaust og Kínverska alþýðulýðveldið. Virðist vera grundvallaraðferð innan stjórnsýsl- unnar. Það hefur verið trú margra vestrænna stjórnmála- manna að hægt væri að lækna Kína af mann- vonskunni með því að gefa því inn: kapítalisma. Af efnalegri velsæld myndi spretta húmanismi og eignaréttindum myndu fylgja mannréttindi. Þessvegna hefur hið kapítalíska sólskin baðað Kína í áratugi, mörgum til peningalegra hagsbóta. En það má öllum vera ljóst að virðing fyrir manneskjunni virðist ekki vaxa í þessu vestræna sólskini. Samkvæmt nýjustu skýrslu Amnesty International hefur ástandið versnað í Kína og ofsóknir á hendur fólki hafa aukist. En þó lyfið virki ekki tímir læknirinn ekki að hætta að gefa út lyfseðlana því á einhverju verða læknar að lifa. Vesturlönd hafa með öðrum orðum eflt þennan dreka og gefið honum voldugan töfrastaf í aðra hönd sem stráir peningum yfir þá sem klóra honum á maganum en í hinni hendi heldur hann á blóðugum refsivendi sem hann beitir miskunnarlaust á kínversku þjóðina. Ætli forsetinn minn sé búinn að átta sig á þessu? Á síðasta flokksþingi fyrir framan suðandi sjónvarpsvélar lofaði forseti Kína, Hu Jintao, því sem hann kallaði ?takmarkaðar lýðræðisumbætur?. Samt á þó að fara varlega því þannig breytingar gætu tekið ?tug eða jafnvel tugi kynslóða?. Sé miðað við klassískan kynslóðareikning þá eru hverri kynslóð gefin 30 ár. Þrjár kynslóðir á öld. Lýðræðisumbætur sem ná fram eftir einn tug kynslóða taka ca 300 ár. Ef við erum að tala um fleiri tugi kynslóða, segjum bara 3 tugi. Þá er hann Hu Jintao að boða lýðræðisumbætur sem ná fram eftir ca 900 ár. Það vita allir að þetta lýðræðistal Hu Jintao er bara sleikipinni, réttur Vesturlöndum til að taka með sér á Ólympíuleikana í Peking. Og vonandi endist þessi sleikipinni út alla leikana svo við getum með góðri samvisku horft á eitthvað skemmtilegt í sjónvarpinu næsta sumar. Í dag er vitað meira um ofsóknir kínverska ríkisvaldsins og mannréttindabrot heldur en vitað var um ofsóknir stjórnvalda í Þriðja ríkinu þegar heimurinn skundaði á leikana í Berlín 1936. Samt voru ofsóknirnar í Þýskalandi ekkert leyndarmál. Lagabálkar sem útilokuðu gyðinga og þinghúsbrennan töluðu sínu máli og flóttamenn um allan heim sem reyndu eins og þeir gátu að upplýsa heiminn um glæpalýðinn, sem kominn var þar til valda. Í dag getum við furðað okkur á vilja nágrannaþjóð- anna á þeim tíma til að líta í hina áttina. Samstarfs- viljinn og samvinnupólitíkin með fasismanum er skammarblettur í sögu Evrópu. Einn af mörgum. Í dag finnst okkur hreinlega skammarlegt hve margir vinstrimenn á vesturlöndum sýndu kúgunar- stefnu Sovétríkjanna og austurblokkarinnar mikinn stuðning og samúð. Enn sorglegri er samstaða frjálslyndra hægri- manna með utanríkispólitík Bandaríkjamanna sem studdu glæpamannaherforingastjórnir um allan heim sem ofsóttu borgara sína jafn miskunnarlaust og vondu kallarnir hinumegin við járntjaldið. Sleikipinninn sem menn stungu upp í sig, þar sem þeir húktu ofaní kaldastríðs skotgröfum, hafði bragð af tilgangi sem helgaði meðalið. Utanríkisráðherrann minn hún Ingibjörg Sólrún sagði um daginn ?að mannréttindi eiga að vera samofin öllu atferli í utanríkisstefnu Íslendinga?. Ég er henni þakklátur fyrir að lýsa þessu yfir. Ég trúi því að það sé mikilvægt fyrir allan heiminn að lítið þjóðríki eins og Ísland taki mannréttindi alvarlega og standi með mennskunni og helgi lífsins. Ég trúi því að það geti skipt máli og þokað einhverju til betri vegar, sett viðmið, orðið til eftirbreytni. Að fulltrúar smáríkisins Íslands æpi af öllum kröftum þegar keisarinn er ekki í neinum fötum. Þetta hefur alltaf verið mikilvægt og er það einnig nú á okkar tímum þar sem við búum í heimi þar sem ríkja þrjú ill stórveldi. Þar fer fremst ríki hræsninnar: Bandaríkin. Leiktjaldalýðveldið Rússland. Og svo þriðja ríkið: Kína. Þessi þrjú stórveldi beita kúgunarstefnu á einn eða annan hátt gegn borgurum sínum eða öðrum borgurum í öðrum ríkjum. Þau ljúga markvisst að heimsbyggðinni. Þau ógna einstaklingum og öðrum þjóðum og öll liggja þau í einhverskonar hernaði eða hersetja önnur ríki. Þau beita pyntingum og fangelsunum án dóms og laga. Er henni Ingibjörgu þetta ljóst? Herra Sigurbjörn Einarsson biskup skrifaði greinarkorn í Morgunblaðið um daginn sem mér fannst vera stílað á fulltrúa mína á alþjóðavettvangi en einnig á mig sjálfan af því að ég er borgari með atkvæðisrétt og utanríkispólitík Íslands er rekin meðal annars í mínu umboði. Þar að auki er ég Reykvíkingur og þar með einn af eigendum Orkuveitunnar. Og svo finnst mér þetta bréf eiga erindi við Svandísi Svavarsdóttur og Dag B. Eggertsson borgarstjórann minn sem er með mastersgráðu í mannréttindum. ?Síðar meir hafa fallið þungir dómar um þá, sem töldust bera ábyrgð á slysförum mannkyns? () Enginn vildi vera því marki brenndur sem þeir fengu og gengu með síðan. Ekki er hitt síður satt og sannreynt, að menn hafa fallið fyrir blekkingum og lygum, kropið fyrir slóttugum föntum, hyllt kjassið og sleikt hófa og klær samviskulausra níðinga. En þegar menn og atburðir liðins tíma eru dæmdir á einn veg andmælalaust virðist enginn þurfa að spyrja sjálfan sig, hvernig honum hefði farist á þeim tíma og í sporum þeirra , sem þá féllu illa á prófi. Hvort hann hefði stutt eða fellt Sókrates. Hvort hann hefði játast eða hafnað Kristi. Og hvað hann styður eða hverju hann bregst á líðandi stundu.? Ég vil leggja til að ríkisvaldið og allir þessir öflugu menn og konur sem þyrstir í kínverska útrás, taki nú höndum saman og standi fyrir alþjóðlegri ráðstefnu í Reykjavík um mannréttindi í Kína og þróun þeirra. Bjóði hingað háttsettum kínversku valdsmönnum, fræðimönnum, sagnfræðingum, mannréttindapost- ulum og útlægum andófsmönnum, fulltrúum Falun gong og svo að sjálfsögðu Dalai Lama. Þetta er sjálfsagt og nauðsynlegt svo við sem sjálfstæð og fullvalda þjóð getum tekið upplýsta ákvörðun um hvort og hvernig við ætlum að gera heiminn betri með því að ganga undir vænginn á kínverska drekanum. Benedikt Erlingsson er leikhúsmaður og áhugamaður um mannréttindi og íslenska utanríkispólitík. ER KÍNA ÞRIÐJA RÍKIÐ? Pistillinn Benedikt Erlingsson leikstjóri A nnað kvöld stíga Jimmy Page, Robert Plant og John Paul Jones á svið í fyrsta sinn eftir tólf ára hlé. Verður það á tónleikum í London til heiðurs Ahmet Ertegun, fyrrverandi yfirmanni Atlantic sem gaf plötur hljómsveitarinnar út. Með þeim á sviðinu verður Jason Bonham, sonur John Bonham trommuleikara sem lést af völdum ofdrykkju 1980. Við andlát hans tilkynntu þremenningarnir að nú væri ferli hljómsveitarinnar lokið. Þeir komu að vísu fram er þeir voru heiðraðir í Frægðar- höll rokksins 1995, en það taldist vart með. Þeir sem til þekkja segja endurkomu lengi hafa staðið til og lengi var fjandskap þeirra Plant og Page við John Paul Jones kennt um að ekki varð af. Hann var raunar sá sem vann allar útsetningar Zeppelin á þeim tólf árum sem bandið starfaði. Ef Page og Plant voru spurðir hvað væri þeim efst í minningunni sögðu þeir það kraftinn á sviðinu. Þeim var þá bent á að þeir þyrftu ekki að hitta John Paul Jones nema þar. Og í sumar kom bandið saman á ný ?einhvers staðar í Englandi? eins og sagt er. Hinn 10. júni var slegið í og tekin nokkur lög aftur og eftir rennsli í gegnum nokkra ópusa voru menn himinlifandi: reynslunni líktu allir þrír við hreinsun, verulega tilfinningasamur eftirmiðdagur. Einhver stakk upp á lagi og svo var spilað, eins og menn hefðu engu gleymt á þessum áratugum frá því bandið vann saman. Eftirvænting er mikil fyrir tónleikana annað kvöld og er eins víst að bandið leggi aftur fyrir sig konserta. Raunar er þetta ein sú af hljómsveitum sjöunda og áttunda áratugsins sem margir vildu sjá spila á ný. Enn má kaupa miða fyrir annað kvöld þegar þetta er skrifað: þeir kosta frá 113 þúsund upp í 353 þúsund. Það er því ekki nema von að eitthvað af miðum sé eftir. LED ZEPPELIN ANNAÐ KVÖLD Led Zeppelin í blábyrjun 1968 meðan allt var í góðu gengi, drykkjan ekki farin að setja sinn svip á líf og háttu John Bonham. MY ND / R EUTERS
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84
Blaðsíða 85
Blaðsíða 86
Blaðsíða 87
Blaðsíða 88
Blaðsíða 89
Blaðsíða 90
Blaðsíða 91
Blaðsíða 92
Blaðsíða 93
Blaðsíða 94
Blaðsíða 95
Blaðsíða 96
Blaðsíða 97
Blaðsíða 98
Blaðsíða 99
Blaðsíða 100
Blaðsíða 101
Blaðsíða 102
Blaðsíða 103
Blaðsíða 104
Blaðsíða 105
Blaðsíða 106
Blaðsíða 107
Blaðsíða 108
Blaðsíða 109
Blaðsíða 110
Blaðsíða 111
Blaðsíða 112
Blaðsíða 113
Blaðsíða 114
Blaðsíða 115
Blaðsíða 116
Blaðsíða 117
Blaðsíða 118
Blaðsíða 119
Blaðsíða 120

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.