Fréttablaðið - 09.12.2007, Side 104

36 9. desember 2007 SUNNUDAGUR
Steinar Berg Ísleifsson var í ára-
tugi einn helsti hljómplötuútgef-
andi á Íslandi og hóf feril sinn með
útgáfu Sumars á Sýrlandi. Fyrir
fáum árum vatt hann sínu kvæði í
kross og gerðist ferðabóndi í Borg-
arfirðinum. Þau hjónin, hann og
Ingibjörg, keyptu bæinn Fossatún
og settust þar að og hafa síðan gert
umfangsmiklar breytingar á landi
á bökkum Grímsár. Áin og umhverfi
hennar ollu því að Steinar settist
niður og skrifaði litla sögu fyrir
börn og fullorðna, Tröllasögu, sem
hefur fengið góða dóma og er fáan-
leg bæði á ensku og íslensku með
fallegum myndum eftir Brian Pil-
kington, sem Steinar kallar annan
höfund verksins.
Hvað olli því að þú söðlaðir um og
sóttir inn á vettvang sem þú hafðir
aldrei verið orðaður við?
Það átti sér smá aðdraganda. „Ég
hafði gælt við þá hugmynd að setja
eitthvað niður á blað. Ég hafði allt-
af haft gaman af að skrifa, en það
varð aldrei nein alvara úr því,
maður var að vasast í svo mörgu.
Áður en þessi saga varð til hafði ég
tekið smá tilhlaup og skrifað smá-
vegis í formi sagna, en þessi saga
kviknaði bara út frá umhverfinu
þar sem ég var. Ég bý við fossa sem
heita Tröllafossar og það skagar
þar út í ána klettur sem er með
tröllkonumynd og það kveikti hug-
myndina að segja sögu þessarar
tröllkonu sem er þar orðin að steini
og er sátt við það því hún brosir.“
Var þetta andlit sem enginn hafði
tekið eftir?
„Nei, enginn veit hvernig nafn-
giftin að Tröllafossum er komin til.
Þeir eru allt annað en tröllslegir,
þetta eru fallegir smáfossar. Áin
breiðir þarna úr sér og er mjög fal-
leg á stórum kafla. Ég leitaði að
heimildum um nafnið og fann ekk-
ert. Það eru hins vegar ofan við
fossana Sýslumannsbrot og fylgir
þeim sú saga að þar hafi tröllkona
elt sýslumann og farið þarna yfir
ána. Ég fór að velta fyrir mér hvort
ekki væri hægt að búa til rými
þarna fyrir sögu, sérstaklega vegna
þess að hún er svo greinileg þessi
tröllkona.“
Þú hefur ekkert veigrað þér við að
sækja inn á ritvöllinn?
„Ég kem úr tónlistarbransanum og
var þar innanbúðarmaður og veit
að það er rammi utan um bók-
menntirnar líka. Ég vogaði að
banka upp á og taldi mig hafa
erindi. Ég átti ekki von á að mér
yrði boðið til stofu í fyrsta gang. Ég
vona bar að mér verði þokkalega
tekið en að sjálfsögðu hafa menn
fyrirvara á nýjum höfundi á þess-
um vettvangi. Ég er kominn á miðj-
an aldur og tek upp á að gera eitt-
hvað sem ég hef ekki áður gert
opinberlega.“
Nú er mikil vakning í Borgarfirði að
vekja upp hinn forna söguheim
héraðsins?
„Já, ég hafði tekið þátt í fjölda
funda þar sem það var mikið rætt
að nýta söguarfinn; efla menn til
dáða til að lífga upp á svæðið til að
draga að fleiri ferðamenn. Ég hef
tekið þátt í því sem áheyrandi fyrst
og fremst. Það hafði engin áhrif á
að ég vildi skrifa þessa sögu. Ég
gerði mér grein fyrir þegar ég var
búinn að setja hana á blað að hún
fellur alveg að þessari hugsun. Hún
var í vinnu kölluð Tröllafossar og
ég ákvað að setja inn í hana staðar-
heiti, örnefni úr nágrenni þeirra.
Gunnuklauf við Varmalæk sem
enginn veit hvers vegna heitir því
nafni, hylurinn Viðbjóður í Grímsá
tengist lauslegri sögu um að ein-
hver hafi dáið þar. Þessum örnefn-
um flétta ég inn í söguna. Þekktari
staðir koma líka við sögu.“
Ég ákvað að skrifa söguna í stíl
þjóðsagna og leitaði þangað, notaði
þaðan orðtök og reyndi að smíða
ný orðtök í þessum stíl. Ég vildi
nota orðfæri úr nútímanum en
byggði samt sem áður á þessum
stíl. Hvort þessi saga er barnabók
eða ekki er seinni tíma markaðs-
pæling sem er mjög skiljanleg, ég
gerði mér grein fyrir að þetta væri
ekki smábarnabók. En rétt eins og
þjóðsögur fyrri tíma voru bæði
fyrir börn og fullorðna gerði ég
mér vonir um að fullorðnir hefðu
gaman af að lesa þessa sögu fyrir
börn. Jafnvel að sá lestur vekti
spurningar hjá fullorðnum sem
þeir þyrftu að svara börnunum.
Hvernig líður ykkur í Borgarfirðin-
um?
Okkur líður vel þar, við stöndum í
miklum framkvæmdum, en eftir að
ég setti þessa sögu saman langar
mig að gera meira af slíku. En ef
maður er framkvæmdaglaður verð-
ur það að víkja um sinn, hvað sem
verður.
Tröllamynd
skapar nýja sögu
STEINAR BERG Með bókin sína sem spratt af örnefnum og andliti í kletti við Grímsá í
Borgarfirði. FRÉTTABLAÐIÐ/GVA
Reykjavík Faxafen 12 S. 533-1550. Keflavík Hafnargata 25 S. 421-3322
Virka daga 10 – 18
Laugard. 11 – 16
Sunnud. 13-17
NÝTT KORTATÍMABIL
LAUGARDAGUR 8. DES KL. 13
TKTK: GÍTARTÓNLEIKAR
JÓN GUÐMUNDSSON
Miðaverð 1500/500 kr.
SUNNUDAGUR 9. DES KL. 20
Ó Ó INGIBJÖRG – ÚTGÁFUT.
ÓSKAR, ÓMAR OG INGIBJÖRG
GUÐJÓNSBÖRN
Miðaverð 2000/1600 kr.
LAUGARDAGUR 12. JAN KL. 17
TÍBRÁ: NÝÁRSTÓNLEIKAR
HULDA BJÖRK OG SALONSVEIT
SIGURÐAR INGVA SNORRASONAR.
AÐEINS NOKKUR SÆTI LAUS
Miðaverð 2000/1600 kr.
GEFÐU UPPLIFUN !
NÝ OG FALLEG GJAFAKORT
OG MARGIR FRÁBÆRIR
TÓNLEIKAR Í BOÐI !
Hringdu í síma
ef blaðið berst ekki