Fréttablaðið - 09.12.2007, Page 112

44 9. desember 2007 SUNNUDAGUR
FÓTBOLTI Portsmouth lék sinn ell-
efta deildarleik í röð án taps og
vann sinn sjötta útisigur í röð
þegar liðið skellti Aston 3-1 á
Villa Park í gær. Þetta var fyrsti
sigur Portsmouth á þessum velli í
52 ár. Með sigrinum komst Port-
smouth upp í fimmta sæti deild-
arinnar en fyrir leikinn voru
bæði liðin með 27 stig.
Gana-maðurinn Sulley Muntari
innsiglaði sigurinn með tveimur
frábærum mörkum eftir að
sjálfsmark Craigs Gardner hafði
komið gestunum yfir í leiknum.
Harry Redknapp, stjóri Port-
smouth, var kátur í leikslok.
„Þetta var frábær frammistaða,
við höldum áfram að spila vel og
það er magnað að koma hingað og
vinna hið sterka lið Aston Villa.
Þetta er nefnilega einn erfiðasti
völlurinn til að spila á,“ sagði
Redknapp eftir leikinn og marka-
skorarinn Muntari er ánægður
með karlinn.
„Harry er góður stjóri. Hann
talar mikið við leikmenn og held-
ur okkur ánægðum. Það er aðal-
ástæðan fyrir því af hverju við
erum að spila vel og höldum
áfram að spila vel. Við gerum
þetta saman og ætlum okkur að
ná Evrópusæti,“ sagði Muntari
eftir leikinn.
„Þetta tap er mikil vonbrigði
því við vorum það mikið með
boltann að við áttum að fá eitt-
hvað út úr þessum leik. Þetta er
mikið áfall því sjálfstraustið var
mikið í liðinu eftir gott gengi en
þetta þýðir bara að við þurfum að
koma sterkir til baka,“ sagði
Martin O’Neill en Aston Villa
hefur nú tapað tveimur leikjum í
röð eftir að hafa unnið alla fjóra
leiki sína í nóvember.
- óój
Hermann Hreiðarsson var allan tímann á bekknum hjá Portsmouth í 3-1 sigri á Aston Villa í gær:
Sjötti útisigur Portsmouth-liðsins í röð
HEITUR Í KULDANUM Sulley Ali Muntari
skoraði tvö mörk fyrir Portsmouth í
rigningunni í gær. NORDICPHOTOS/GETTY
Enska úrvalsdeildin
ASTON VILLA-PORTSMOUTH 1-3
0-1 Sjálfsmark (9.), 0-2 Sulley Muntari (40.), 0-3
Sulley Muntari (61.), 1-3 Gareth Barry (72.).
CHELSEA-SUNDERLAND 2-0
1-0 Andri Shevchenko (23.), 2-0 Frank Lampard
(75.).
EVERTON-FULHAM 3-0
1-0 Yakubu Aiyegbeni (51.), 2-0 Yakubu Aiyeg
beni (62.), 3-0 Yakubu Aiyegbeni (79.).
MANCHESTER UNITED-DERBY COUNTY 4-1
1-0 Ryan Giggs (40.), 2-0 Carlos Tévez (45.), 3-0
Carlos Tévez (60.), 3-1 Steve Howard (76.), 4-1
Cristiano Ronaldo (90.).
NEWCASTLE UNITED-BIRMINGHAM 2-1
0-1 Cameron Jerome (9.), 1-1 Obafemi Martins
(36.), 2-1 Habib Beye (90.).
READING - LIVERPOOL 3-1
0-1 Stephen Hunt (17.), 1-1 Steven Gerrard (28.),
2-1 Kevin Doyle (60.), 3-1 James Harper (67.)
STAÐAN Í DEILDINNI:
Arsenal 15 11 4 0 32-12 37
Man. United 16 11 3 2 29-8 36
Chelsea 16 10 4 2 24-9 34
Liverpool 15 8 6 1 27-9 30
Portsmouth 16 8 6 2 28-14 30
Man. City 15 9 3 3 19-15 30
Everton 16 8 3 5 29-16 27
Aston Villa 16 8 3 5 27-19 27
Blackburn 15 7 5 3 20-18 26
Newcastle 16 6 4 6 23-26 22
West Ham 14 5 4 5 19-12 19
Reading 16 5 2 9 21-33 17
Birmingham 16 4 2 10 17-26 14
Fulham 16 2 7 7 18-27 13
Sunderland 16 3 4 9 15-31 13
Tottenham 15 2 6 7 26-28 12
Bolton 15 2 5 8 12-22 11
Middlesbrough 15 2 5 8 13-27 11
Wigan 15 2 3 10 11-26 9
Derby County 16 1 3 12 6-38 6
MARKAHÆSTIR Í DEILDINNI:
Emmanuel Adebayor, Arsenal 9
Cristiano Ronaldo, Man. United 9
Benjani, Portsmouth 8
Robbie Keane, Tottenham 8
Yakubu, Everton 8
Nicolas Anelka, Bolton 7
Gabriel Agbonlahor, Aston Villa 6
Cesc Fabregas, Arsenal 6
Steven Gerrard, Liverpool 6
Obafemi Martins, Newcastle 6
Carlos Tevez, Man. United 6
Fernando Torres, Liverpool 6
Kevin Doyle, Reading 5
Didier Drogba, Chelsea 5
Cameron Jerome, Birmingham 5
OlivierKapo, Birmingham 5
Dave Kitson, Reading 5
Frank Lampard, Chelsea 5
Benedict McCarthy, Blackburn 5
Robin van Persie, Arsenal 5
LEIKIRNIR Í DAG:
Middlesbrough-Arsenal 13.30
Bolton-Wigan 15.00
Tottenham-Man. City 15.00
Blackburn-West Ham 16.00
ÚRSLITIN Í GÆR
FÓTBOLTI Kamerúninn Samuel
Eto’o og Portúgalinn Deco verða
báðir með Barcelona gegn
Deportivo Coruna í spænsku
úrvalsdeildinni í kvöld.
Okkar maður Eiður Smári Guð-
johnsen er einnig í leikmanna-
hópnum en Börsungar verða án
þeirra Touré Yaya, Edmílson,
Oleguer og Thierry Henry.
Þetta verður fyrsti leikur Eto’o
síðan í ágúst en miðað við að
Eiður Smári er búinn að spila á
miðjunni í síðustu leikjum eru
meiri líkur á því að það verði
Deco sem setji hann út úr
byrj unarliðinu en framherjinn
snjalli frá Kamerún. Deco hefur
ekkert verið með síðan hann reif
lærvöðva í október.
„Mér líður mjög vel. Ég er
búinn að leggja mikið á mig til
þess að geta farið að spila á ný
og nú verðum við að sjá hvað
stjór inn gerir,“ sagði Samuel
Eto’o á blaðamannafundi í gær.
- óój
Samkeppni Eiðs hjá Barca:
Eto’o og Deco
báðir með
GÓÐIR FÉLAGAR Samuel Eto’o og Deco
faðmast á æfingu Barcelona.
NORDICPHOTOS/AFP
FÓTBOLTI Manchester United vann
öruggan 4-1 sigur á botnliði Derby
í ensku úrvalsdeildinni í gær og
minnkaði með því forskot Arsen-
al á toppnum í aðeins eitt stig.
Carlos Tevez skoraði tvö mörk
eftir að Ryan Giggs hafði komið
United í 1-0 og það var síðan
Cristiano Ronaldo sem innsiglaði
sigurinn eftir að hafa svo sannar-
lega fiskað vítaspyrnu. Derby-
menn höfðu hins vegar ástæðu til
að fagna því markið sem Steve
Howard skoraði í seinni hálfleik
var fyrsta mark liðsins á útivelli.
Stærsta frétt leiksins var þó
markið hans Ryans Giggs sem
var það hundraðasta sem hann
skorar fyrir félagið í deildarleik.
Giggs, sem lék sinn fyrsta leik
árið 1991 og var að leika sinn 519
leik fyrir United, er ellefti leik-
maðurinn sem nær að skora 100
mörk fyrir þetta sögufræga lið.
Giggs varð fyrsti leikmaðurinn í
rúman áratug til þess að brjóta
hundrað marka múrinn en landi
hans, Mark Hughes, var sá síð-
asti sem gerði það. Giggs á aftur
á móti litla möguleika á að bæta
met Bobby Charlton sem skoraði
1.999 mörk fyrir Manchester á
árunum 1956 til 1973.
„Þetta var stór sigur fyrir
okkur því margt getur gerst við
svona aðstæður sem henta okkur
ekki. Carlos Tevez er að koma
frábærlega inn í þetta en það var
ákvörðun Cristianos að taka vítið
í stað þess að leyfa Tevez að ná
þrennunni. Cristiano er víta-
skyttan okkar og hann vildi taka
þetta víti,“ sagði Ferguson sem
gladdist yfir árangri Giggs.
„Það kom mér á óvart að það
var ekki tilkynnt sérstaklega um
tímamótin hans Ryans. Kannski
vissi engin n um þetta en ég vissi
allt um málið. Þetta er frábært
afrek hjá honum,“ sagði Sir Alex
kátur eftir leikinn. - óój
FLEST DEILDARMÖRK
FYRIR MAN. UNITED:
199 Bobby Charlton 1956– 1973
173 Jack Rowley 1938– 1955
171 Denis Law 1962– 1973
159 Dennis Viollet1953–1962
137 George Best 1963–1974
126 Stan Pearson 1938–1954
119 Mark Hughes 1983-1995
114 David Herd 1961–1968
112 Tommy Taylor 1953–1958
106 Joe Spence 1919–1933
100 Ryan Giggs 1991–
Manchester United er aðeins stigi á eftir toppliði Arsenal eftir 4-1 sigur á Derby á Old Trafford:
Giggs skoraði hundraðasta markið sitt
100. MARKIÐ Ryan Giggs skoraði
tímamótamark fyrir United í gær. Hér
fagnar hann með Carlos Tevez.
NORDICPHOTOS/GETTY
FÓTBOLTI Liverpool fékk ekki gott
veganesti inn í leik sinn við Mars-
eille í meistaradeildinni í næstu
viku því liðið tapaði í gær sínum
fyrsta leik í ensku úrvalsdeildinni
í vetur þegar lærisveinar Rafaels
Benitez sóttu Reading heim.
Liverpool er þar með sjö stigum
á eftir toppliði Arsenal en leik-
menn liðsins þurfa nú að fara að
einbeita sér að leiknum í Frakk-
landi þar sem liðið verður að vinna
til að komast áfram í næstu umferð
Meistaradeildarinnar. Það gekk
mun betur hjá nágrönnunum þar
sem Aiyegbeni Yakubu skoraði
þrennu fyrir Everton gegn Ful-
ham og Manchester United og
Chelsea unnu bæði góða heima-
sigra.
Sigur Reading á Liverpool var
sögulegur, ekki bara fyrir það að
Liverpool var búið að fara taplaust
í gegnum fyrstu fjórtán leiki sína
heldur einnig vegna þess að þetta
var fyrsti sigur Reading gegn einu
af fjórum stóru félögunum,
Manchester United, Arsenal, Chel-
sea eða Liverpool. Reading vann
3-1 sigur en Liverpool hafði aðeins
fengið á sig sex mörk í 14 leikjum
fyrir leikinn.
Ívar Ingimarsson og Brynjar
Björn Gunnarsson voru báðir í
byrjunarliði heimamanna og
Brynjar Björn Gunnarsson fiskaði
vítaspyrnuna sem Stephen Hunt
kom Reading í 1-0 þó að það hafi
síðan komið í ljós að Jamie Carrag-
her hafði brotið á honum utan víta-
teigs. Steven Gerrard jafnaði fyrir
Liverpool með sínu níunda marki í
síðustu tíu leikjum en tvö mörk
Reading á sjö mínútna kafla um
miðjan seinni hálfleik gerðu út um
leikinn.
„Það er mjög ánægjulegt að ná
góðum úrslitum á móti einu af
stóru liðunum en það eru fimm
erfiðir mánuðir eftir af tímabil-
inu. Úrslitin í þessum leikjum ráða
ekki úrslitum fyrir okkur á þessu
tímabili en þessi sigur gefur stuðn-
ingsmönnum okkar ástæðu til að
fagna og vonandi getum við byggt
ofan á þennan leik,“ sagði Steve
Coppell, stjóri Reading.
Rafael Benitez, stjóri Liverpool,
var ekki sáttur við vítið sem
Brynjar Björn fékk og eins með að
Fernando Torres hafi ekki fengið
víti. „Brotið var greinilega fyrir
utan teiginn og það var augljós-
lega brotið á Torres. Við getum
ekki breytt þessum úrslitum og ég
ætla ekki að nota þessi atvik sem
afsökun. Lykilatriðið er að við
fengum færi og nýttum þau ekki
og svo er ég mjög ósáttur með
mörkin sem við fengum á okkur,“
sagði Benitez eftir leikinn.
Andriy Shevchenko var í byrj-
unarliði Chelsea og þakkaði fyrir
það með því að koma Chelsea í 1-0
gegn Sunderland en leikurinn fór
fram við hörmulegar aðstæður á
Stamford Bridge. Frank Lampard
innsiglaði sigurinn úr vítaspyrnu
eftir að Alex hafði verið felldur.
„Við réðum þessum leik en það
gekk illa að tryggja sigurinn,“
sagði Avram Grant, stjóri Chel-
sea. „Þetta var ekki alslæmt en
það var svekkjandi að fá á okkur
þessi mörk,“ sagði Roy Keane,
stjóri Sunderland.
Sigurmark varnarmannsins
Habib Beye létti mikilli pressu af
Sam Allardyce, stjóra Newcastle
United, en markið tryggði 2-1
sigur á Birmingham City á St
James’ Park. „Þetta voru rosalega
mikilvæg stig. Það eina sem skipti
máli í dag var að ná í stigin þrjú og
það tókst,“ sagði Allardyce.
Aiyegbeni Yakubu skoraði
þrennu fyrir Everton í 3-0 sigri á
Fulham og Everton-liðið hefur nú
farið taplaust í gegnum tíu síðustu
leiki sína í öllum keppnum.
„Yakubu gerði það sem hann
gerir best sem er að skora mörk.
Hann skoraði þrennu í seinni hálf-
leik en hafði alveg getað skorað
sex því fótboltinn sem við sýndum
í seinni hálfleik var einn sá besti
sem við höfum spilað,“ sagði
Moyes, stjóri Everton eftir leik.
ooj@frettabladid.is
Liverpool-liðið fékk skell í Reading
Brynjar Björn, Ívar og félagar þeirra í Reading komu öllum á óvart með því að verða fyrsta liðið til þess að
vinna Liverpool í ensku deildinni í vetur. Manchester United og Chelsea kláruðu hins vegar bæði sína leiki.
MARKASKORARARNIR Andriy Shev-
chenko og Frank Lampard voru báðir á
skotskónum. NORDICPHOTOS/GETTY
FISKAÐI VÍTI Brynjar Björn Gunnarsson í baráttu við Steven Gerrard í sigri Reading á
Liverpool. NORDICPHOTOS/GETTY
FYRSTA TAPIÐ Rafel Benitez, stjóri
Liverpool, var ekki sáttur með leik sinna
manna í Reading í gær. NORDICPHOTOS/GETTY