Fréttablaðið - 16.12.2007, Side 36

6 matur
Í E L D H Ú S K R Ó K N U M
Við verðum með sérstaka jólamat-seðla á aðfangadagskvöld og á jóladag enda verður mikið af
gestum á hótelinu á þessum tíma og
enn fleiri í mat,“ segir Gunnar Karl,
sem vill ekki meina að sérstök pressa
sé í sambandi við að maturinn sé hefð-
bundinn jólamatur. „Við erum með
nýnorrænt eldhús sem felst í því að við
einbeitum okkur að því sem vex og
grær við okkar fót,“ segir Gunnar og
útskýrir það nánar: „Við notum ein-
göngu hráefni frá Norðurlöndunum og
sækjum því til dæmis ekki fisk til Víet-
nam og kjöt til Ástralíu enda eigum við
alveg æðislegt kjöt hérna heima. Ef
okkur langar til að brydda upp á ein-
hverjum nýjungum er nóg úrval á
hinum Norðurlöndunum.“
Gunnar tekur sem dæmi ostrur sem
hann fékk sendar frá Danmörku á dög-
unum. „Þessar ostrur voru valdar
bestu ostrur í heimi af flottu fagtíma-
riti og það sýnir að við þurfum ekki að
leita langt yfir skammt í öflun
hráefnis,“ segir Gunnar, sem gefur les-
endum uppskrift að hátíðlegum gæsa-
bringum. - sig
Gunnar Karl Gísla-
son, yfirmatreiðslu-
maður á Vox, segir
opið öll jólin á
veitingastaðnum.
FRÉTTABLAÐIÐ/GVA
VERKLEGT STEIKARSETT
úr stáli, gaffall og hnífur frá
Eva Zolo fæst í Byggt og
búið á 7.444 krónur.
EVA ZOLO SKÁL með
stálhaldi er falleg undir
sykurbrúnuðu kartöflurnar,
litríkt rauðrófusalat eða undir
mandarínurnar. Byggt og búið
Smáralind, krónur 4.999.
BLÁ KANNA FRÁ ITTALA
undir jólaölið kostar 3.700
krónur í Bræðrunum
Ormsson.FALLEGT ER
AÐ BERA
FRAM SALAT
eða rjóma í
desertskálum á fæti.
Þessar Ittala-skálar
koma tvær í pakka í
bláu eða reyklituðu
gleri. Bræðurnir
Ormsson, 2.080
krónur.
Eldað úr því sem
VEX OG GRÆR
VIÐ OKKAR FÓT
Girnileg gæs, kartöflumús með
sykurbráð og grænmetisturn.
FR
ÉT
TA
BL
A
Ð
IÐ
/G
VA
Gunnar Karl Gíslason er yfirmatreiðslumaður á Vox á Hótel Nordica. Þar er boðið
upp á óhefðbundinn jólamat í desember, sem er aðeins búinn til úr hágæða hrá-
efni frá Norðurlöndununum.
GÆSIN
Takið vel snyrtar og fallegar gæsabringur og
steikið létt á pönnu með smá olíu, smjöri og
rósmaríngrein. Setjið bringurnar í eldfast mót
ásamt öllu úr pönnunni og látið krauma í ofninum
við ca 45-50 gráður í nokkrar mín. Skerið í
fallegar sneiðar og kryddið með salti og pipar.
KARTÖFLUMÚSIN MEÐ SYKURBRÁÐ
Kartöflur eru soðnar í vatni þar til þær eru
orðnarmeyrar. Teknar í gegnum fínt sigti og
því næst pískaðar yfir hita og bættar með
smjöri, rjóma og salti þangað til þær eru
flauelsmjúkar. Setjið sykur á pönnu og bræðið
uns hann er fallega gylltur og hellið honum þá
á smjörpappír og látið kólna. Brjótið niður
sykurinn þegar hann er orðinn stökkur og
vinnið í matreiðsluvél svo úr verði duft. Setjið í
sigti og sigtið yfir kartöflumúsina eftir að hún
er komin á diskin. Hér er komin ný útgáfa af
sykurbrúnuðum kartöflum!
GRÆNMETISTURN
Skrælið smá af nípu og sellery og skerið í
fallega og frekar litla bita. Leggið í pönnu
ásamt vel af smjöri, timían og rósmarín. Eldið
rólega þangað til grænmetið er algerlega
orðið meyrt. Hellið þá ögn af rjóma út í og
sjóðið niður þangað til þéttri og fallegri áferð
er náð. Smakkið til með smá salti, pipar og
nokkrum dropum af sítrónusafa.
LAUKURINN
Bakið perlulauk í ofni uns hann er næstum
meyr. Takið út, kælið og skrælið. Sjóðið upp á
50/50 blöndu af sykri og úrvals eplaediki með
einni grein af rósmarín út í og hellið yfir
skrældu laukana. Þetta þarf að fá að standa í
minnst 2 tíma. Rétt fyrir framreiðslu eru
laukarnir svo hitaðir í potti með smjöri. Svo má
bæta á þá ögn af söxuðum jurtum og smá salti.
LÆRI Í JACOBSEN BROWN ALE
Brúnið gæsalærin í potti ásamt smá gulrótum,
lauk og selleríi og bætið svo Jacobsen brown
ale bjórnum í pottinn svo yfir fljóti og sjóðið uns
lærin eru alveg meyr. Takið þá lærin upp úr og
rífið gróft niður og berið fram með gæsabring-
unni. Soðið er svo auðvitað notað í sósuna.
SÓSAN
Höggvið niður beinin í sósuna. Brúnið þau í
örlítilli olíu ásamt öðrum kjötafskurði í
víðbotna potti.
Þegar beinin eru byrjuð að taka lit, skerið þá
smá gulrót, sellerí og lauk niður og bætið í
pottinn. Brúnið áfram uns allt er orðið fallega
gyllt. Hellið vatni saman við og kryddið til með
ögn af einiberjum og lárviðarlaufi. Látið
suðuna koma upp hægt og rólega og sjóðið
niður um helming. Fleytið allan sora af soðinu,
jafn óðum og hann flýtur upp. Sigtið soðið í
annan pott og látið suðuna koma upp að nýju.
Þykkið soðið ef þurfa þykir.
Smakkið sósuna til með kjötkrafti ef þess þarf.
Auðvitað má svo bregða út af sporinu og taka
hliðarskref með rjóma, gráðosti eða sultum,
allt eftir smekk hvers og eins. En við strákarnir
á Vox kjósum að bæta hana með smjöri og vel
af krækiberjum að norðan.
GÆS MEÐ GRÆNMETISTURNI
A