Fréttablaðið - 21.02.2008, Qupperneq 13

FIMMTUDAGUR 21. febrúar 2008 13
ARMENÍA, AP Þúsundir manna komu saman í Jerevan, höfuðborg Armen-
íu, í gær með ásakanir um að kosningasvindl hafi tryggt Serge Sarkisian
forsætisráðherra sigur í forsetakosningum á þriðjudaginn.
Sarkisian hlaut nærri 53 prósent atkvæða en helsti mótframbjóðandi
hans, Levon Ter-Petrosian, sem var forseti á árunum 1991-98, fékk 21,5
prósent atkvæða.
Öryggis- og samvinnustofnun Evrópu, sem sá um eftirlit með kosning-
unum, segir að framkvæmd þeirra hafi að mestu verið eins og alþjóðleg-
ar skuldbindingar kveða á um, þótt ýmsu hafi reyndar verið ábótavant.
Stuðningsmenn Ter-Petrosians segja hins vegar að kosningasvindl hafi
verið útbreitt.
Sjálfur segist Ter-Petrosian hafa sigrað í kosningunum. Hann segir
stjórnvöld hafa orðið uppvís að því að falsa atkvæði, kaupa atkvæði og
ganga í skrokk á stuðningsmönnum sínum sem hugðust fylgjast með
framkvæmd kosninganna.
Nikol Pashinian, náinn ráðgjafi Ter-Petrosians, hvatti fólk til að
krefjast réttlætis: „Það væri glæpur af okkar hálfu að láta þessum
glæpamönnum landið eftir.“ - gb
Kosningaeftirlitsmenn ÖSE segja kosningar í Armeníu hafa farið að mestu rétt fram:
Stjórnvöld sökuð um atkvæðakaup
FÉLAGSMÁL Tæpum 600 þúsund
krónum var nýlega úthlutað úr
minningarsjóði Jóhanns Péturs
Sveinssonar, fyrrverandi
lögfræðings og formanns
Sjálfsbjargar - Landssambands
fatlaðra.
Er tilgangur sjóðsins að styrkja
hreyfihamlaða einstaklinga til
náms sem og einstök málefni sem
varða aðgengi fatlaðra. Eru
styrkþegar fimm talsins að þessu
sinni og úr báðum þessum
flokkum.
„Með lífi sínu sýndi Jóhann
Pétur fram á að vel er hægt að
lifa lífinu lifandi þrátt fyrir mikla
fötlun,“ segir í tilkynningu frá
minningarsjóðnum. Jóhann Pétur
rak eigin lögfræðistofu og tók
virkan þátt í félagsmálum og
stjórnmálum. Hann lést árið 1994,
þá aðeins 34 ára gamall. Var
sjóðurinn stofnaður tæpu ári
síðar og byggist hann á frjálsum
framlögum. - ovd
Úthlutun úr minningarsjóði:
Hreyfihamlaðir
fá námsstyrki
FRÁ ÚTHLUTUN Kristján V. Hjálmarsson,
Hólmfríður Benediktsdóttir og Aðalbjörg
Guðgeirsdóttir eru meðal styrkþega.
MENNTUN Skyndihjálparvegg-
spjaldið Getur þú hjálpað í neyð
verður gefið öllum leik-, og
grunn-, framhalds- og háskólum
landsins. Gefandi er Rauði
krossinn í samstarfi við N1 og er
tilefnið 112 dagurinn sem haldinn
var nýlega á vegum viðbragðsað-
ila í björgun og almannavörnum
um land allt.
Á veggspjaldinu eru upplýsing-
ar um hvernig bregðast má við í
neyð og er framsetning bæði
einföld og skýr. - ovd
Nýtt skyndihjálparveggspjald:
Allir skólar fá
nýtt veggspjald
GETUR ÞÚ HJÁLPAÐ? Mörg dæmi eru
um að börn hafi bjargað mannslífum
með grunnþekkingu í skyndihjálp.
Þungatakmarkanir víða
Vegna hættu á slitlagsskemmdum
eru þungatakmarkanir á fjölmörgum
vegum í öllum landshlutum. Biður
Vegagerðin flutningsfyrirtæki að
kynna sér hvar slíkar takmarkanir eru
í gildi.
SAMGÖNGUR
FORSÆTISRÁÐHERRANN SIGRAÐI Serge Sarkisian forsætisráðherra er sakaður um
kosningasvindl. FRÉTTABLAÐIÐ/AP
LÖGREGLUMÁL Ökmaður Dodge
Ram bíls flúði af vettvangi eftir
að hafa ekið niður ljósastaur á
mótum Bæjarháls og Bitruháls í
Reykjavík. Tilkynnt var um
óhappið til lögreglu snemma á
mánudagsmorgun.
Þegar sjúkraflutningamenn
komu á vettvang var ökumaður á
bak og burt sem fyrr segir en
bíllinn stóð eftir mikið skemmd-
ur. Lögreglumenn handtóku mann
skammt frá vettvangi og er hann
grunaður um akstur undir
áhrifum fíkniefna.
Við áreksturinn féll ljósastaur-
inn svo sýnt þykir að bíllinn hefur
verið á talverðri ferð. - ovd
Keyrði niður ljósastaur:
Ökumaðurinn
hljóp á brott
Nýjar 1 lítra umbúðir