Fréttablaðið - 21.02.2008, Qupperneq 33

FIMMTUDAGUR 21. febrúar 2008 3
Heimsmyndin hefur breyst frá hruni Berlínarmúrsins og frelsi
austantjaldslandanna. Síðustu áratugi hefur Asíulöndum sömuleiðis
vaxið fiskur um hrygg og hluti af íbúum þessara landa hefur nú úr
miklum fjármunum að spila. Þessi breytta heimsmynd hefur mikil
áhrif á lúxusiðnaðinn hér í Frakklandi. Ekki veitir af því það er ekki
hægt að búast við því að Frakkar sleppi sér lausum í tískuhúsunum
í París um þessar mundir með efnahagslífið hér í sögulegri lægð.
Í Moskvu, þar sem frægasta stóra magasín landsins, Goum, er,
var áður seldur þurrkaður fiskur og vodka. Nú eru það Vuitton,
Dior, Lanvin og Cartier sem hafa tekið yfir og meira að segja krist-
alsfyrirtækið Baccarat hefur komið sér fyrir í Moskvu síðan í jan-
úar í gömlu apóteki í miðborginni sem Philippe Starck hefur inn-
réttað.
Í tíu ár hafa frönsku tískuhúsin verið á uppleið í Rússlandi og var
velta þeirra 600 milljónir evra árið 2006. Veltan var reyndar einn og
hálfur milljarður í Kína en hækkar um 30-60 prósent í Rússlandi á
ári. Samkeppnin er hörð en frönsku fyrirtækin nýta sér sögulega
tengingu við rússneska aðalinn á 18. öld við Frakkland og orðspor
Parísar sem tískuborgar gegn ítölsku fyrirtækjunum eins og Prada
og Gucci. Sem dæmi um þetta mátti sjá sýningu í Sankti Pétursborg
á síðasta ári á listmunum undir heitinu „Þegar Rússland talaði
frönsku“, það var Musée Pouchkine með sýningu helgaða lífi Coco
Chanel og Cartier setti nýlega aðsóknarmet með sýningu á skart-
gripum frá 20. öld.
Í fyrstu komu nýríku Rússarnir til Parísar að versla og gera
reyndar enn, ekki síst til að ná sér í varning sem ekki er að finna í
tískuhúsunum í Moskvu. Sífellt fleiri Rússar í millistétt geta nú
leyft sér að kaupa eina og eina fína tösku eða kjól, laun hafa hækk-
að, skattar eru einungis 13 prósent og launatengd gjöld þekkjast
varla. Margir eignuðust ódýrt húsnæði á árunum eftir 1990 þegar
mikið var um einkavæðingu og hafa því úr talsverðu að spila. Ekki
er heldur hægt að neita því að rússneska mafían ræður yfir gífur-
legu fjármagni og sjást Rússarnir oft, bæði hér í París sem og heima
fyrir, greiða fyrir lúxusvarninginn í reiðufé sem vissara er að láta
liggja milli hluta hvaðan kemur.
Síðasta gullæðið í Rússlandi er svo í kringum franska vínið sem
verður sífellt vinsælla og að sjálfsögðu nú selt í vínkjöllurum í
Moskvu. Nú er hægt að kaupa jafnt Bordeaux sem Bourgogne á
fleiri þúsundir evra flöskuna og það selst vel.
Í París er æ algengara að útlendingar, meðal annars Rússar, kaupi
sér fínar íbúðir í dýrustu hverfum Parísar til að eiga sér athvarf í
menningar- og tískuborginni og geta verslað.
berg75@free.fr
Í leit að „svörtum seðlum“ í landi Pútíns
Úr háborg tískunnar
BERGÞÓR BJARNASON SKRIFAR FRÁ PARÍS
Ilmlaus
vetrarblóm
KAMILLUBLÓMIÐ ER TÁKN OG
INNBLÁSTUR VETRARLÍNU CHANEL Í
FÖRÐUNARVÖRUM.
Þeim Dominique Montcourt-
ios og Heidi Morawetz hjá Chan-
el-tískuhúsinu varð kamillublóm-
ið að andagift fyrir veturinn sem
nú ræður ríkjum, en það er ein-
mitt sama blómið og Mademois-
elle Chanel valdi sjálf sem tákn
ilmvatna sinna í eina tíð. Í dag
er val hennar á þessu ilmlausa
blómi enn stór ráðgáta, en getgát-
ur eru uppi um að aðalsöguhetjan
í Kamillufrú Alexandre Dumas eða
La Traviata Verdis hafi orðið henni
að innblæstri.
Hin spennandi vetrarlína Chanel
inniheldur
meðal annars
Star Product
sem aðeins
kemur í tak-
mörkuðu upp-
lagi og er eitt-
hvað sem
sannur
Chanel-
aðdá-
andi vill
alls ekki
missa af.
Laugavegi 63 • S: 551 4422
NÝJA
LÍNAN KOMIN
15% - 70%
TILBOÐSDAGAR
Dagana 20. febrúar - 1. mars
eru tilboðsdagar í Atson
Frábært úrval af leður- og roðvörum
með 15 - 70 % afslætti
Komdu og gerðu góð kaup!
Atson • Brautarholti 4 • s. 561-0060 • www.atson.is
OPNUNARTÍMI Á TILBOÐSDÖGUM
mán. - föst. 8.00 - 18.00
fi m. 8.00 - 19.00
laugard. 12.00 - 16.00
ÚTSALA
Auglýsingasími
– Mest lesið