Fréttablaðið - 22.02.2008, Blaðsíða 68
36 22. febrúar 2008 FÖSTUDAGUR
tonlist@frettabladid.is
TÓNNINN GEFINN
Steinþór Helgi Arnsteinsson
Fortíðarþrá og nostalgía er stór þáttur í listsköpun margra tónlistar-
manna. Leitað er til bernskuáranna og fyrir unga tónlistarmenn
dagsins í dag er fátt eins einkennandi fyrir uppvaxtarárin og leikja-
tölvur. Hljóð úr leikjatölvum á borð við Atari, Nintendo og Sega hafa
verið notuð um nokkurt skeið í tónlistarsköpun ýmissa tónlistarmanna
og hafa sumir allt að því
sérhæft sig í að spila stef
goðsagnakenndra leikja á
borð við Zelda, Mario Bros og
Donkey Kong. Aðrir nýta sér
hljóðheim tölvuleikjanna,
taka jafnvel hljóðkortið úr
þeim, tengja við hljómborð
sitt og hanna þannig einhvers
konar 8-bita hljóðgervil. Hér
á Íslandi má hæglega benda á
tvær hljómsveitir, Retron og
Japanese Super Shift
(reyndar hefur lítið heyrst
frá síðarnefndu sveitinni
undanfarið), sem leita í grunn
gömlu leikjatölvanna.
En frá vestri, nánar tiltekið
Toronto í Kanada, kemur
geysilega áhugaverð sveit að
nafni Crystal Castles sem
sver sig í hinn títtnefnda
tölvuleikjatónlistarættbálk.
Sveitin minnir reyndar á
tímum um margt á Retron en
er þó heldur raftónlistar-
væddari og ekki eins rokkuð.
Crystal Castles hefur verið
starfandi í nokkur ár og hefur
umtal um sveitina vaxið
gríðarlega undanfarið, eða
allt frá því að sveitin sendi
frá sér sína fyrstu sjö tommu
í lok árs 2006. Í fyrra vann
sveitin svo með L.A. hávaðarokksveitinni HEALTH og var útkoman í
meira lagi eftirtektarverð. Í næsta mánuði er síðan von á fyrstu
breiðskífu Crystal Castles.
Erfitt er að skilgreina tónlist Crystal Castles nákvæmlega en ekki
verður annað sagt en að hljómurinn sé einstakur og spennandi.
Spastískt tölvuleikjaraftónlistardanspopp eru líklegast orðin sem lýsa
Crystal Castles best. Með því að hlusta á lög á borð við Alice Practice,
Air War og xxzxczx me ættu flestir að átta sig á því hvað ég meina.
Endilega skellið ykkur þess vegna inn á MySpace síðu sveitarinnar,
myspace.com/crystalcastles, þar kennir svo sannarlega ýmissa grasa.
Spastískt tölvuleikjapopp
> Í SPILARANUM
Michael Jackson - Thriller: 25th Anniversary Edition
The Raveonettes - Lust Lust Lust
The Mountain Goats - Heretic Pride
Atlas Sound - Let The Blind Lead Those Who Cannot
See
Adele - 19
MICHAEL JACKSON ADELE
Söngkonan Mary J. Blige
hefur verið áberandi
síðustu ár. Líf þessarar
fyrrverandi úthverfastelpu
frá New York hefur tekið
miklum stakkaskiptum frá
því að fyrsta platan henn-
ar, What’s the 411, kom út
fyrir tæpum sextán árum.
Hún var að senda frá sér
sína áttundu plötu, Growing
Pains. Trausti Júlíusson
spáði í Mary.
Mary J. Blige er ein af fáum lista-
mönnum í r&b og soul-deildinni
sem hefur vaxið stöðugt frá því að
hún kom fyrst fram á sjónarsviðið.
Hún vakti athygli fyrir mikla söng-
hæfileika strax á fyrstu plötunni
What’s the 411 sem kom út árið
1992. Sú plata sló í gegn, enda náði
hún að höfða til breiðs hóps hlust-
enda. Söngtilþrifin höfðuðu til
gamalla soul-aðdáenda (Hún fékk
bæði viðurnefnið „hin nýja Aretha
Franklin“ og „hin nýja Chaka
Khan“) og taktarnir og yfirbragð
tónlistarinnar höfðuðu til hiphop-
kynslóðarinnar.
Segja má að vinsældir hennar
hafi náð hámarki með plötunni The
Breakthrough sem kom út árið
2005. Hún seldist gríðarlega vel
(700 þúsund eintök í Bandaríkjun-
um í fyrstu vikunni!) og fyrir hana
fékk Mary þrenn Grammy-verð-
laun. Á The Breakthrough var
meðal annars útgáfan af One sem
hún söng með U2 en það lag opnaði
augu margra nýrra aðdáenda fyrir
hæfileikum hennar.
Karaókí í mollinu
Mary J. Blige fæddist í Bronx 11.
janúar 1971. Hún fluttist ung til
Savannah í Georgíu-ríki þar sem
hún söng meðal annars í kirkju.
Eftir að pabbi hennar lét sig
hverfa sneri hún aftur til New
York-úthverfisins Yonkers með
móður sinni og systur þar sem hún
eyddi unglingsárunum. Þær mæð-
gur bjuggu í dæmigerðu fátækra-
blokkahverfi og lífsbaráttan var
stundum erfið.
Árið 1988 þegar Mary var 17 ára
tók hún upp útgáfu á Anitu Baker-
laginu, Caught Up in the Rapture í
karaókí-stúdíói í verslunarmið-
stöðinni í hverfinu. Hún fór með
upptökuna á skrifstofur Uptown-
plötufyrirtækisins þar sem Andre
Harrell stjórnandi þess heyrði
hana og gerði samning við Mary
árið eftir.
Vaxtarverkir
Þó að á yfirborðinu hafi Mary alltaf
verið með allt á hreinu þá horfir
málið öðruvísi við þegar betur er að
gáð. Í gegnum allan ferilinn og fram
til ársins 2003 barðist hún við
ofneyslu áfengis og fíkniefna. Hún
lýsti því síðar hvernig áfengi og
dópi var stöðugt haldið að henni og
hún hafði ekki viljastyrk til þess að
berjast á móti því. Það var hins
vegar tvennt sem fékk hana til að
hætta. Í fyrsta lagi vakti dauði söng-
konunnar Aaliyuh hana til umhugs-
unar og svo setti nýi kærastinn
henni úrslitakosti. Í dag er Mary
gift og laus úr ánauð fíkniefnanna.
Nýja platan, Growing Pains, er
gerð með hópi af upptökustjórum
og lagahöfundum og yfirbragðið er
jákvæðara og hressara en stundum
áður hjá Mary. Á meðal laga má
nefna smáskífulagið Just Fine sem
Tricky Stewart and the Dream eiga
heiðurinn af, en það er sama teymi
og gerði ofursmellinn Umbrella
með Rihönnu, Neptunes-lagið Till
the Morning og lokalag plötunnar,
hið ljúfa og poppaða Come to Me
(Peace) sem er uppáhaldslag Mary
á plötunni.
Vaxtarverkir Maríu
> Plata vikunnar
Þursaflokkurinn - Hinn íslenzki Þursa-
flokkur (5 diska kassi)
★★★★★
„Plötukassinn með Þursaflokknum
inniheldur allar fjórar plötur einnar af
höfuðsveitum íslenskrar poppsögu
og 70 mínútna aukadisk með fágætu
efni. Flottur pakki sem hæfir flottri
sveit.“ TJ
Fjöldi íslenskra tónlistar-
manna tekur þátt í „íslenskri
viku“ sem hófst á dögunum á
heimasíðunni Amiestreet.com
í samstarfi við Iceland Music
Export.
Fjölmörg íslensk lög eru
skráð til sölu á síðunni og
hafa flytjendur á borð við
Bloodgroup, Reykjavík!,
Skáta, raftónlistarmanninn
\7oi og Jóhann G. Jóhannsson
hlotið fjölda meðmæla og
rokið upp í sölu í kjölfar
átaksins.
Verð laga á Amiestreet
ræðst af vinsældum þeirra.
Lögin eru fyrst um sinn
ókeypis en hækka í verði eftir
því sem oftar er náð í þau.
Íslenskt á Amiestreet
BLOODGROUP Hljómsveitin Bloodgroup tekur þátt í „íslenskri viku“ á
Amiestreet.
MARY J. BLIGE Afburðasöngkona eins og margir tóku eftir þegar hún tók lagið One
með U2 og gerði það samstundis að sínu...
„Við erum ennþá að fínpússa þetta
en það er búið að velja tíu bönd af
um það bil fjörutíu sem koma
fram,“ segir Örn Elías Guðmunds-
son, einn skipuleggjenda tónlistar-
hátíðarinnar Aldrei fór ég suður.
Hátíðin verður haldin á Ísafirði um
páskana, 21.-22. mars. Þau bönd
sem staðfest hafa verið eru Bob
Justman, Hjaltalín, Retro Stefson,
Sprengjuhöllin, XXX Rottweiler,
Sign, SSSól, Múgsefjun, Mysteri-
ous Marta og Morðingjarnir.
Alls sóttu um hundrað hljóm-
sveitir um að fá að spila á hátíðinni.
Segir Örn að búið sé að loka fyrir
umsóknir en á næstu dögum verður
dagskrá hátíðarinnar kynnt að
fullu. „Þetta er erfitt val. Ég er
búinn að hlusta á hvert einasta lag
sem sent var inn.“
Örn segir að ákveðin lands-
byggðar pólitík sé að baki valinu á
hljómsveitunum. Þannig hafi Rott-
weiler fengið að spila af því Erpur
hafi tengsl vestur, tveir af fjórum
meðlimum Sign eru að vestan og
Múgsefjun hafi tekið upp fyrir vest-
an svo fátt eitt sé nefnt. „Svo er
Helgi Björns náttúrlega langfræg-
asti Vestfirðingur allra tíma. Það er
vel við hæfi að SSSól verði aðalnúm-
erið á laugardagskvöldinu.“ - hdm
Tíu bönd klár á Aldrei fór ég suður
HELGI Á HEIMASLÓÐIR Helgi Björnsson fer fyrir SSSól sem verður aðalnúmerið á
Aldrei fór ég suður. Helgi er frægasti Vestfirðingur allra tíma, að sögn Mugisons.
FRÉTTABLAÐIÐ/DANÍEL
CRYSTAL CASTLES Áhugaverð sveit frá Toronto
í Kanada.
Sýningar eru opnar virka daga frá kl. 11-17 og um helgar frá kl. 13-16.
Sími: 575 7700. gerduberg@reykjavik.is
Hið breiða holt
Ljósmyndasýning þar sem unglingar
eiga stefnumót við afa sína eða ömmur!
Sýningarstjóri: Berglind Jóna Hlynsdóttir.
Styrktaraðili: Beco
Allt í plati! Sýning úr söguheimi Sigrúnar Eldjárn
Ath. síðasta sýningarhelgi!
Boðið verður upp á leiðsögn um sýninguna kl. 14
á sunnudag og að því loknu les Sigrún upp sögur
af Kuggi og Málfríði fyrir gesti.
Vissir þú ...
... að í Gerðubergi er frábær aðstaða fyrir ráðstefnur,
námskeið, fundi og veislur?
Salir og fundarherbergi fyrir 8 - 120 manns.
Sjá nánari upplýsingar: www.gerduberg.is, s. 575 7700.