Fréttablaðið - 22.02.2008, Blaðsíða 70
38 22. febrúar 2008 FÖSTUDAGUR
folk@frettabladid.is
> EKKI AGENT ALLEN
Lily Allen hefur misst starfið sem
andlit hins gríðarvinsæla nær-
fatafyrirtækis Agent Provocat-
eur. Söngkonan átti að feta
í fótspor Kate Moss og aug-
lýsa eggjandi undirfötin, og
hafði meira að segja farið í mikið
líkamsræktarátak fyrir myndatök-
una. Hún ku vera afar leið yfir þess-
ari niðurstöðu sem er til komin
vegna deilna milli eigenda fyrir-
tækisins.
Flugfarþegum á leið frá Írak til
Bandaríkjanna brá í brún um dag-
inn, þegar leið yfir samferðamann
þeirra í vélinni. Þar var á ferðinni
engin önnur en Angelina Jolie,
sem var á heimleið eftir að hafa
hitt bandaríska hermenn í Bagdad
og kynnt sér málefni flóttamanna
á vegum Sameinuðu þjóðanna.
Að sögn sjónarvotta fékk Ang-
elina fyrst krampa og skömmu
síðar blóðnasir sem erfitt reynd-
ist að stöðva. Að lokum leið yfir
leikkonuna og segir sjónarvottur
við breska blaðið The Sun að
henni hafi verið gefið súrefni við
komuna til Bandaríkjanna. Orð-
rómur þess efnis að Angelina beri
tvíbura undir belti hefur verið
þrálátur upp á síðkastið, sérstak-
lega eftir að hún mætti í kjól sem
helst líktist sirkustjaldi á afhend-
ingu Screen Actors Guild-verð-
launanna í Hollywood í lok jan-
úar.
Jolie féll í yfirlið
FÉKK KRAMPA Í FLUGI Angelina Jolie féll
í yfirlið í flugi á milli Íraks og Bandaríkj-
anna á dögunum. NORDICPHOTOS/GETTY
Hljómsveitin Baggalútur flytur
lag Magnúsar Eiríkssonar, Hvað
var það sem þú sást í honum, í
lokaþætti Laugardagslaganna á
morgun. Nú þegar hefur lagið
verið flutt í kántríútgáfu og í hálf-
gerðri Abba-útgáfu. Guðmundur
Pálsson, söngvari Lútanna, segir
að boðið verði upp á þriðju útgáf-
una á morgun. „Það er afskaplega
hlýleg og aðlaðandi útgáfa, segir
Guðmundur, „falleg og ómþýð, en
um leið léttleikandi og grípandi,
eins og við er að búast.“
Þótt Baggalútur fari ekki sama
offari í að kynna sig og sumir aðrir
keppendur tekur hljómsveitin
keppnina mjög alvarlega. „Það er
allt á fullu á bak við tjöldin, fólk að
leggja lokahönd á búningana og
við höfum ráðið tvær sminkur. Við
erum byrjaðir á tungumálanám-
skeiði svo við getum nú talað við
innfædda þarna úti í Belgrad. Við
erum líka í samráði við lækna upp
á stífkrampasprautur og rétt
mataræði. Við erum þegar byrjað-
ir að taka lýsi og fjölvítamín svo
við verðum nú örugglega hraustir
þegar við förum þarna út. Mér
sýnist keppnin úti mjög svipuð og
hér heima. Það eru næstum því
jafn mörg lög sem keppa, allir eru
í góðum fílingi og sætar stelpur að
kynna og svona. Allt voða svip-
að.“
Guðmundur lofar harðri keppni
annað kvöld. „Það eru margir
verðugir andstæðingar þarna og
þetta verður tvísýnt. En að sjálf-
sögðu erum við með leynivopn.
Rosalegt leynivopn.“
Baggalútur með þriðju útgáfuna
SÉR ÍSLENSKA ÞJÓÐIN EITTHVAÐ Í
BAGGALÚTI? Það kemur í ljós annað
kvöld.
Axel Kristinsson var krýnd-
ur „Herra úr að ofan“ í MR.
Dómarar í keppninni voru
strákarnir í Merzedes Club.
„Jájá, það var alveg stemmning.
En það var vandræðalegt að fara
upp á svið og úr að ofan. Ekki
beint í uppáhaldi hjá mér,“ segir
Axel Kristinsson nemi í MR og
„Herra úr að ofan“.
Mikil stemmning myndaðist í
hádeginu í Menntaskólanum í
Reykjavík í gær en þá var efnt til
keppninnar „Herra úr að ofan“ í
Casa-sal skólans. Var klappað og
stappað, öskrað og veinað en níu
af stæltustu strákunum í MR
hnykluðu olíubornir vöðvana.
Freistuðu þess að verða „Herra
úr að ofan“ og vinna 30 þúsund
króna farsíma. Dómarar voru svo
engir aðrir en buffin í Merzedes
Club: Gillzenegger, Gaz-man,
Partí-Hanz og Ceres 4. Þeir lögðu
sitt af mörkum við að peppa upp
lætin. En þetta er vissulega ekki
beint í karakter. Erkitýpa þessa
elsta menntaskóla landsins er föl
á vanga, í frakka með snjáða bók
á Mokka eða Hressó og veltir því
helst fyrir sér til afþreyingar
hvernig Gettu betur spurninga-
keppnin fer. Hnakkarnir svo-
nefndu, sem leggja allt kapp á lík-
amlegt atgervi eru ekki týpurnar
sem eru áberandi í MR.
„Já, það er alveg rétt. Þetta er
einmitt ekki MR-legt. Ég er sann-
ur MR-ingur og ekkert mjög stolt-
ur af þessu. En allt í lagi að vinna
síma,“ segir Axel sem er í 6-Y,
útskrifast í vor og stefnir á bygg-
ingaverkfræðina. Axel er þó, eins
og gefur að skilja, enginn væskill.
Hann æfir júdó með Ármanni og
lyftir en segir af og frá að vera
einhver vaxtaræktarkappi. Og
hann bjóst ekki við að vinna þó
hann hafi auðvitað ekki skotið
loku fyrir að þannig færi. Enda til
hvers að keppa annars?
„Nei, en sumir eru miklu flott-
ari en ég hér í skólanum. Til
dæmis besti vinur minn. Hann
hefði rústað mér. En er of hóg-
vær. Ég var ekkert mjög heitur
fyrir þessu en var manaður upp á
svið.“
jakob@frettabladid.is
Herra úr að ofan í MR
Í GÓÐUM FÉLAGSSKAP Þó að Axel megi heita stæltur í sínum hópi hverfur hann nánast milli buffanna í Merzedes Club. Takið eftir
að Gillzenegger fer ekki úr að ofan! FRÉTTABLAÐIÐ/ANTON
HNYKLA VÖÐVA Tæpur tugur stæltra
stráka tók pósur og keppti um eitt stykki
farsíma.
STEMMNING Á ÓLÍKLEGUM STAÐ
Hnakkastemmningin hefur hingað til
ekki átt upp á pallborðið í MR en lengi
er von á einum.
„Þetta þykir dálítið fínt.
Maður er vanur að spila á
mun minni stöðum en þess-
um,“ segir saxófónleikarinn
Jóel Pálsson, sem spilar með
djasskvartetti sínum og Sig-
urðar Flosasonar í Lincoln
Center í New York á mánu-
daginn.
Jóel viðurkennir að um
mikinn heiður sé að ræða.
„Þetta er afskaplega virðuleg
tónleikahöll og á meðal þeirra
þekktustu. En það er tiltölu-
lega stutt síðan farið var að
bjóða upp á djassprógramm.“
Tónleikarnir eru hluti af
norrænu djassþema í höllinni
og var ein hljómsveit frá
hverju Norðurlandanna valin
til að koma þar fram.
Djasskvartett Jóels og Sig-
urðar hefur lítið spilað hér-
lendis en á síðasta ári fór hún
í tónleikaferð til Kína og tók
upp plötu sem kom þar út á
vegum ríkisins. „Við spiluð-
um fyrir tvö þúsund manns
fyrir fullu húsi. Það var öllu
meiri fjöldi en maður á að
venjast en það gekk mjög
vel,“ segir hann.
Auk Jóels og Sigurðar skipa
djasskvartettinn Valdimar
Kolbeinn Sigurjónsson,
bassaleikari, og trommarinn
Einar Scheving, sem varð
þess heiðurs aðnjótandi að
spila í Lincoln Center er hann
bjó í Bandaríkjunum. Einnig
hefur gítarleikarinn Björn
Thoroddsen spilað í tónleika-
höllinni virtu með hljómsveit-
inni Cold Front. - fb
Spila í Lincoln Center-höllinni
DJASSKVARTETT Djasskvartett Jóels Pálssonar og Sigurðar Flosasonar
spilar í Lincoln Center á mánudag.