Fréttablaðið - 22.02.2008, Blaðsíða 26

[ ]
AÐALKEPPNI
FOOD & FUN
Á MORGUN, LAUGARDAG 23 FEBRÚAR Í LISTASAFNI REYKJAVÍKUR, HAFNARHÚSINU. KL. 12:30-16:00
WWW.ICELANDAIR.IS
ICELANDAIR, REYKJAVÍKURBORG OG ÍSLENSKUR LANDBÚNAÐUR KYNNA:
Spergilkál er íslenska orðið yfir brokkólí en spergill er aftur
á móti íslenska heitið á aspas. Bæði eru rík af fólínsýru.
Alla föstudaga til 14. mars er
boðið upp á saltfisksmáltíð
í hádeginu á Kaffitorgi Nes-
kirkju í tilefni föstunnar.
„Við byrjuðum á þessum sið á
föstunni í fyrra að bera saltfisk á
borð á föstudögum,“ segir Rúnar
Reynisson, starfsmaður Nes-
kirkju, og segir tengsl föstu og
saltfisks ævagömul. „Íslendingar
hafa framleitt saltfisk á Evrópu-
markað um aldir. Hann fór eink-
um til kaþólsku landanna því þar
neytti fólk ekki kjöts eftir ösku-
dag sem er kjötkveðjuhátíð. Salt-
fiskurinn varð aðaluppistaða fæð-
unnar næstu vikur. Fisksala
Íslendinga glæddist því jafnan
þegar fastan nálgaðist og enn fer
mikið af honum til Spánar og
Portúgals. Þangað sækjum við
þessa hefð og þaðan eru upp-
skriftirnar komnar. Það er sem
sagt suðrænn saltfiskur hér á
borðum þar sem ólífur, tómatar
og fleira Miðjarðarhafstengt
kemur við sögu.“
Rúnar segir jafnan haldinn smá
fyrirlestur undir borðum. „Fyrst
talaði Sigurbjörn Einarsson bisk-
up, næstur var Jón G. Friðjónsson
íslenskufræðingur, sem hefur
skoðað biblíuna vel, og í dag er
Óskar Sævarsson, forstöðumaður
Saltfisksetursins. Næsta föstudag
verður Valur Valsson, fyrrver-
andi kaupfélagsstjóri, með tölu.
Útgangspunkturinn hjá öllum er
viðskipti, saltfiskur og trú.“
Ólafía Björnsdóttir er matráð-
ur í Neskirkju. Hún er með opið
veitingahús frá átta á morgnana
til fjögur á daginn. „Hér borða
allmargir á Kaffitorginu dags
daglega,“ segir hún. „Bæði þeir
sem eiga erindi í kirkjuna, nem-
endur sem hér hafa aðstöðu og
svo gestir og gangandi.“ Hún
tekur fram að saltfisksmáltíðin
kosti 1.200 krónur og af þeirri
upphæð renni 300 kr. til Hjálpar-
starfs kirkjunnar. gun@frettabladid.is
Saltfiskur á föstu-dögum
Ólafía býður upp á suðrænan saltfisksrétt í hádeginu á Kaffitorgi Neskirkju á föst-
unni.