Fréttablaðið - 29.08.2008, Blaðsíða 2

2 29. ágúst 2008 FÖSTUDAGUR
GÓÐGERÐARMÁL Ólafur Stefánsson gaf Jemen-
markaðnum í gær treyjuna sem hann klæddist
í úrslitaleiknum á Ólympíuleikunum. Treyjan
er árituð af öllum leikmönnum liðsins. „Áfram
Ísland, segi ég bara,“ segir Áslaug Hulda
Jónsdóttir, einn skipuleggjenda uppboðsins
um gjöf Ólafs.
Björk Guðmundsdóttir gefur að auki kjól úr
sinni einkaeigu til uppboðsins í dag. Kjólnum
klæddist Björk í myndbandinu við lagið
Alarm Call, sem kom út árið 1998. Áslaug
segir um einstaka flík sé að ræða enda
hönnuður kjólsins Alexander McQueen.
Líklegt sé að kjóllinn fari fyrir háa upphæð.
Uppboðið verður haldið á morgun og er
hluti af Jemen-markaðnum sem verður í
Perlunni. Ágóðinn rennur til byggingar skóla
fyrir fátæk börn og konur í Jemen. - vsp
DANMÖRK Bráðabirgðakönnun á
möguleikanum á að leggja brú yfir
Kattegat milli Norðvestur-Sjálands
og miðs Jótlands (sem myndi stytta
mjög ferðatíma milli Árósa og
Kaupmannahafnar) hefur leitt í
ljós að slíkt mannvirki myndi kosta
að minnsta kosti sem svarar um
1.600 milljörðum íslenskra króna.
Að mati danska samgönguráðherr-
ans er það of mikið og því hafa
áformin verið lögð á hilluna í bili.
Ráðherrann, Carina Christensen,
segir þó að vel sé hugsanlegt að
málið verði skoðað á ný eftir 15-20
ár, með hliðsjón af þróun umferð-
armála fram til þess tíma, að því er
haft er eftir henni á fréttavef
Politiken. - aa
Samgöngubætur í Danmörku:
Brú yfir Katte-
gat sögð of dýr
LÖGREGLUMÁL Fimm manns, þrír
karlmenn og tvær stúlkur, sættu
yfirheyrslum hjá lögreglu í gær
vegna ráns sem framið var að
næturlagi fyrir nokkrum dögum.
Þá var leigubílstjóri rændur eftir
að hafa ekið farþegum í austur-
borgina. Fimmmenningarnir voru
handteknir í fyrrakvöld og fyrri-
nótt.
Samkvæmt upplýsingum Frétta-
blaðsins hafði leigubílstjórinn
ekið fjórum farþegum umrædda
nótt, þremur karlmönnum og einni
konu. Ökugjaldið var orðið tals-
vert hátt, þar sem fólkið hafði
áður ekið vítt og breitt um bæinn í
leigubílnum.
Þegar komið var að áfangastað
fór fólkið út úr bílnum og bað
leigubílstjórann að bíða. Skömmu
síðar kom stúlkan út aftur. Tókst
henni að lokka leigubílstjórann
bak við hús með sér með loforði
um að þar biði hans greiðsla fyrir
aksturinn. Leigubílstjórinn féllst
á það en þegar komið var aftur
fyrir húsið sátu mennirnir fyrir
honum. Þeir réðust á hann og
rændu af honum veski og lykla-
kippu. Í veskinu voru nokkur þús-
und krónur og greiðslukort.
Bílstjórinn áttaði sig ekki á að
láta skipta um skrá á útidyrunum.
Því var það að næturlagi skömmu
síðar, að fólkið komst inn í hús
hans, þar sem enginn var heima,
með lykli sem það hafði stolið af
honum og lét greipar sópa þar.
Jafnframt hófu þjófarnir að nota
þau greiðslukort sem þeir höfðu
stolið af bílstjóranum ótæpilega.
Komust þeir yfir allnokkrar fjár-
hæðir með þeim hætti. Lögreglan
hafði grun um hverjir hefðu verið
þarna að verki. Eftirleikurinn
reyndist auðveldur þegar farið
var að rekja feril kortanna í bönk-
um og verslunum, auk þess sem
upptökur úr eftirlitsmyndavélum
voru skoðaðar.
Í fyrstu beindist leit lögreglu að
fjórum einstaklingum en við rann-
sókn málsins bættist fimmti vit-
orðsmaðurinn, önnur stúlkan, í
hópinn. Fólkið er á aldrinum frá
rúmlega tvítugu og upp í rúmlega
þrítugt.
Samkvæmt upplýsingum Frétta-
blaðsins hafa einhverjir umræddra
einstaklinga komið við sögu lög-
reglu áður.
jss@frettabladid.is
Fimm í haldi eftir
árás á leigubílstjóra
Þrír karlar og kona réðust á leigubílstjóra og tóku af honum peningaveski og
lyklakippu. Þau voru handtekin nokkru síðar ásamt vitorðsmanni eftir að hafa
látið greipar sópa á heimili bílstjórans auk þess að nota greiðslukort hans.
LEIGUBÍLL Lögreglan rakti feril greiðslukorta bílstjórans og reyndist eftirleikurinn auðveldur. Fimm voru handteknir og sitja í haldi
lögreglunnar. Fimmmenningarnir voru yfirheyrðir í gær. FRÉTTABLAÐIÐ/VILHELM
BANDARÍKIN, AP Útnefning Demókrataflokksins í
Bandaríkjunum á Barack Obama sem forsetafram-
bjóðanda flokksins í haust er tvímælalaust stór
áfangi í réttindabaráttum þeldökkra.
Lítið var þó fjallað um þessa hlið útnefningarinnar
í ræðum á landsþingi flokksins, sem lauk í Denver í
gær. Ástæðan er sú að demókratar óttast að
einhverjir hvítir kjósendur fælist frá því að greiða
Obama atkvæði sitt ef mikið er gert úr því að hann
sé frambjóðandi svartra.
Obama tók við útnefningunni í gær, þegar rétt 45
ár voru liðin frá því að Martin Luther King hélt hina
frægu ræðu sína um drauminn, sem hann ætti um að
hvítir Bandaríkjamenn kæmu eins fram við alla,
óháð hörundslit.
Á landsþinginu hafa ræðumenn keppst við að
hrósa Obama. Á miðvikudagskvöldið tók meðal
annars Bill Clinton, fyrrverandi forseti, undir með
eiginkonu sinni Hillary frá kvöldinu áður og lýsti í
fyrsta sinn yfir eindregnum stuðningi við Obama,
þótt hann hefði áður ekki getað leynt vonbrigðum
sínum með að Obama skyldi verða hlutskarpari en
Hillary í prófkjörsbaráttu flokksins.
John McCain, frambjóðandi repúblikana, sagðist í
gær ekki hafa ákveðið hvern hann ætli að hafa með
sér sem varaforsetaefni. Þó er búist við að ákvörðun
verði tekin á næstunni, jafnvel strax í dag, eða í það
minnsta áður en landsþing Repúblikanaflokksins
hefst í St. Paul í Minnesota eftir helgi. - gb
Söguleg útnefning á landsþingi Demókrataflokks Bandaríkjanna í Denver:
Forðast að ræða hörundslit
JOE BIDEN OG BARACK OBAMA Frambjóðendur Demókrata-
flokksins saman á landsþinginu. FRÉTTABLAÐIÐ/AP
að eigin vali
erikur3
Skútuvogur - Grafarholt - Akureyri - Egilsstaðir
Selfoss - Reykjanesbær - Kringlan - Smáralind
999kr
DÓMSMÁL Fyrrverandi háskóla -
kennari á sextugsaldri, sem í lok
júlí hlaut fjögurra ára fangelsis -
dóm fyrir gróf kynferðisbrot gegn
sjö stúlkum, hyggst una dómnum.
Gæslu varðhald yfir manninum
rann út í gær og hóf hann afplánun
um leið fyrst hann áfrýjaði ekki.
Maðurinn var meðal annars
dæmdur fyrir að hafa þröngvað
stjúpdóttur sinni til samræðis og
að hafa myndað hana og dætur
sínar á klámfenginn hátt á erlendri
nektarströnd. Hann var jafnframt
dæmdur til að greiða þolendum
sínum samtals rúmar fjórar
milljónir króna í bætur. - sh
Unir fjögurra ára dómi:
Barnaníðingur
áfrýjar ekki
Björk Guðmundsdóttir og Ólafur Stefánsson leggja Jemen-markaðnum lið:
Árituð treyja og heimsfrægur kjóll
KJÓLL BJARKAR Kjólnum klæddist hún í myndbandinu
Alarm Call frá árinu 1998. Kjóllinn verður boðinn upp í
Perlunni á laugardaginn.
Kári, ertu búinn að klóna
forsetann?
„Ég hef ekki gert neinar tilraunir til
þess. Hins vegar kemur mér ekki á
óvart að hann hafi reynst á tveimur
stöðum í einu.“
Að sögn forsetaritara lýkur ferð Ólafs
Ragnars Grímssonar, forseta Íslands, á
Ólympíuleikana ekki fyrr en í næstu viku.
Ólafur Ragnar var þó staddur hér á landi
í fyrradag. Kári Stefánsson er forstjóri
Íslenskrar erfðagreiningar, sem hefur
rannsakað klónun, eða einræktun.
EFNAHAGSMÁL Björgvin G.
Sigurðsson viðskiptaráðherra
segir þá sem vilja afnema
verðtryggingu
sýna popúlisma.
„Þessu er oft
skellt fram í
aðdraganda
kosninga
algjörlega að
óathuguðu
máli,“ segir
Björgvin.
Þingflokkur
Frjálslynda
flokksins hefur lagt til að
verðtrygging verði afnumin.
Björgvin segir að ef það yrði gert
myndi lánsfjárframboð minnka
til muna.
„Verðtryggingin er sjúkdóms-
einkennið og lýsir veikum
gjaldmiðli. Ef hún er mönnum
þyrnir í augum er eina leiðin að
taka upp annan gjaldmiðil,“ segir
Gylfi Magnússon, dósent við HÍ.
- kóp/Sjá síðu 18
Afnám verðtryggingar:
Lítt rökstuddur
popúlismi
BJÖRGVIN G.
SIGURÐSSON
Fréttablaðinu verður komið
fyrir í dreifikössum á Selfossi,
í Hveragerði, Reykjanesbæ,
Akranesi og Borgarnesi í stað
dreifingar á hvert heimili.
„Með þessu erum við að
færa blaðið nær lesendunum,“
segir Ari Edwald, forstjóri
365-miðla. Þannig sé til dæmis
hægt að hengja kassana á
ljósastaura í hverfinu, að sögn
Ara. Þetta bæti þjónustuna á
stöðum þar sem dreifing var
aðeins á sölustöðum.
Breytingarnar taka gildi á
næstu þremur mánuðum.
Blaðberum hefur í kjölfarið
verið sagt upp störfum á
fyrrnefndum stöðum. - vsp
Breytt dreifing Fréttablaðsins:
Blaðið fært nær
lesendunum
ELLEFAN Ólafur leggur
góðu málefni lið og
gefur treyju númer 11
sem hann klæddist í
úrslitaleik
Ólympíuleikanna.
FRÉTTABLAÐIÐ/VILHELM
Allt að 71 drukknaður
Óttast er að allt að 71 afrískur inn-
flytjandi á leið til Möltu hafi drukknað
þegar bátur þeirra hafi sokkið, að því
er fréttavefur Breska ríkisútvarpsins
greinir frá. Yfirvöld hafa bjargað átta
manns og hinna er enn leitað.
MALTA
SPURNING DAGSINS