Fréttablaðið - 29.08.2008, Qupperneq 72

44 29. ágúst 2008 FÖSTUDAGUR
sport@frettabladid.is
Harðjaxlinn Heiðar Helguson hjá Bolton var valinn í tuttugu og
tveggja manna landsliðshóp Ólafs Jóhannessonar fyrir leikina
gegn Noregi og Skotlandi í undankeppni HM 2010 en að hann
gaf nú kost á sér á nýjan leik, rúmu ári eftir að hafa ákveðið að
hætta með liðinu.
„Mig langaði bara rosalega til þess að koma aftur og spila
fyrir landsliðið. Ólafur kom á tali við mig og bað mig um að
hugsa málið um endurkomu í liðið og ég gerði það og
þetta er niðurstaðan. Ég ákvað að slá til,“ segir Heiðar.
Spurður út í hvort að Grétar Rafn Steinsson, liðsfélagi
hans hjá Bolton og nú í landsliðinu, hafi þrýst á hann
að snúa aftur þá kvað hann að ekki hafi þurft mikla
sannfæringu til þegar allt kom til alls.
„Það þurfti náttúrulega ekkert að ýta við mér
eða þrýsta á mig eftir að ég var búinn að velta
þessu fyrir mér. Grétar helvítið lét mig annars ekkert
í friði yfir þessu,“ segir Heiðar á léttum nótum.
Heiðar ákvað að hætta með liðinu á sínum tíma vegna
persónulegra ástæðna og vildi lítið ræða þær ástæður
en fullyrti þó að þær hefðu ekkert haft með þáverandi þjálfara
liðsins að gera.
„Ég get ekki séð að það komi neinum við af hverju ég hætti
á sínum tíma. Það var bara mín ákvörðun og ég held því bara
útaf fyrir mig. Ég get alla vega staðfest að það hafði ekkert
með landsliðsþjálfarann Eyjólf Sverrisson að gera. Samband
okkar var mjög fínt og ég kunni vel við hann og geri
enn,“ segir Heiðar.
Heiðar kemur með mikla leikreynslu inn í lands-
liðið þar sem hann á fjörtíu landsleiki að baki og er
því þriðji landsleikjahæsti leikmaðurinn í tuttugu og
tveggja manna leikmannahópunum og hann vonar
að hún eigi eftir að nýtast liðinu í komandi verkefn-
um.
„Þetta verður mjög erfitt en mjög gaman. Það hafa
verið ákveðin kynslóðaskipti hjá liðinu síðustu ár og
það er bara gaman að taka þátt í því. Ég ætla að vona
að leikreynsla mín geti hjálpað liðinu eitthvað,“ segir
Heiðar.
HEIÐAR HELGUSON: ER KOMINN Á NÝJAN LEIK INN Í ÍSLENSKA LANDSLIÐSHÓPINN FYRIR UNDANKEPPNI HM 2010
Mig langaði bara rosalega til þess að koma aftur
FÓTBOLTI Landsliðsþjálfarinn Ólaf-
ur Jóhannesson tilkynnti á blaða-
mannafundi í gær tuttugu og
tveggja manna leikmannahóp sinn
fyrir leikina gegn Noregi og Skot-
landi í undankeppni HM 2010 í
byrjun næsta mánaðar. Endur-
koma Heiðars Helgusonar, fram-
herja Bolton, í íslenska landsliðs-
hópinn vakti þar mesta athygli.
Ólafur sló á létta stengi á blaða-
mannafundinum eins og hans er
von og vísa og þegar hann var
spurður hvort valið á landsliðs-
hópnum hafi valdið honum hugar-
brotum var hann fljótur að svara.
„Valið var í sjálfu sér ekki erf-
itt, ekki þegar ég var búinn að
velja,“ segir Ólafur.
Rætt hefur verið um ákveðin
kynslóðaskipti hjá landsliðinu og
Ólafur viðurkenndi að leikmanna-
hópurinn væri ekki reynslumikill
í vissum stöðum á vellinum en
hefur ekki sérstakar áhyggjur af
því.
„Við erum með tvo markmenn
sem eru ekki með mikla leik-
reynslu og miðjumennirnir okkar
eru flestir með litla leikreynslu en
ég treysti þeim leikmönnum sem
ég valdi og tel þá hundrað prósent
tilbúna í þetta verkefni sem fram-
undan er,“ segir Ólafur.
Átján leikmenn af þeim tuttugu
og tveimur sem valdir voru koma
til með að verða á leikskýrslu
hverju sinni í leikjunum og það
hafði örlítil áhrif á val Ólafs.
„Ég velti því mikið fyrir mér
hvort að ég ætti að kalla á þá Arnór
Smárason og Jóhann Berg Guð-
mundsson inn í leikmannahópinn
en ákvað svo að gera það ekki og
leyfa þeim frekar að spila með U-
21 árs liðinu á móti Austurríki og
Slóvakíu heldur en eiga jafnvel
von á því að sitja á varamanna-
bekknum eða uppi í stúku,“ segir
Ólafur.
Ólafur hefði viljað velja Brynj-
ar Björn Gunnarsson, miðjumann
Reading, en hann á við meiðsli að
stríða en landsliðsþjálfarinn stað-
festi hins vegar að allir þeir leik-
menn sem hann leitaði til hefðu
gefið grænt ljós og verið tilbúnir í
slaginn.
Ólafur var sér í lagi ánægður
með að Heiðar Helguson hefði
gefið kost á sér á nýjan leik.
„Ég hitti Heiðar fyrir tæpum
tveimur mánuðum síðan og átti þá
gott spjall við hann og athugaði þá
hvort að hann væri tilbúinn að
gefa kost á sér að nýju og hann
kvaðst ætla að skoða sín mál. Hann
heyrði svo í mér aftur fyrir stuttu
síðan og var þá tilbúinn í þetta á
fullu og ég fagna því að sjálfsögðu.
Hann er í fínu líkamlegu formi þó
svo að hann sé ekki búinn að spila
mikið undanfarna mánuði vegna
meiðsla og hefur enn fremur
ákveðið hugarfar sem fleytir
honum langt,“ segir Ólafur.
Spurður út í væntingar til liðs-
ins var svarið einfalt hjá Ólafi.
„Ég geri þær væntingar til leik-
manna liðsins að þeir leggi sig
hundrað prósent fram og komi
sáttir út af vellinum,“ segir Ólafur
sem telur alveg raunhæft að ná í
stig í Ósló. omar@frettabladid.is
Heiðar í leikmannahópnum á ný
Tuttugu og tveggja manna leikmannahópur Íslands fyrir leikina gegn Noregi og Skotlandi í undankeppni
HM 2010 var tilkynntur í gær. Landsliðsþjálfarinn Ólafur Jóhannesson er ánægður með sitt val og kvað
alla þá leikmenn sem hann leitaði til hafa gefið kost á sér, en þar á meðal er framherjinn Heiðar Helguson.
UPPLESTUR Landsliðsþjálfarinn Ólafur Jóhannesson þylur upp landsliðsmennina
tuttugu og tvo sem valdir voru fyrir leikina gegn Noregi og Skotlandi. Honum til full-
tingis eru Þórir Hákonarson, framkvæmdarstjóri KSÍ, til vinstri og aðstoðarþjálfarinn
Pétur Pétursson til hægri. FRÉTTABLAÐIÐ/STEFÁN
LANDSLIÐSHÓPUR ÍSLANDS
Fyrir leiki gegn Noregi og Skotlandi
Markverðir:
Kjartan Sturluson (Valur)
Stefán Logi Magnússon (KR)
Varnarmenn:
Hermann Hreiðarsson (Portsmouth)
Indriði Sigurðsson (Lyn)
Kristján Örn Sigurðsson (Brann)
Grétar Rafn Steinsson (Bolton)
Ragnar Sigurðsson (IFK Gautaborg)
Birkir Már Sævarsson (Brann)
Bjarni Ólafur Eiríksson (Valur)
Miðjumenn:
Stefán Gíslason (Bröndby)
Emil Hallfreðsson (Reggina)
Ólafur Ingi Skúlason (Helsingborg)
Pálmi Rafn Pálmason (Stabæk)
Theodór Elmar Bjarnason (Lyn)
Davíð Þór Viðarsson (FH)
Aron Einar Gunnarsson (Coventry)
Hólmar Örn Rúnarsson (Keflavík)
Sóknarmenn:
Eiður Smári Guðjohnsen (Barcelona)
Heiðar Helguson (Bolton)
Gunnar Heiðar Þorvaldsson (Esbjerg)
Veigar Páll Gunnarsson (Stabæk)
Stefán Þór Þórðarson (ÍA)
FÓTBOLTI Pétur Pétursson,
aðstoðarþjálfari íslenska lands-
liðsins, er sáttur með undirbúning
liðsins fyrir undankeppnina sem
hefst von bráðar.
„Við erum sáttir með að hafa
fengið alla vináttulandsleikina
sem gáfu okkur kost á að kynnast
þessum strákum og við erum
sáttir með valið á hópnum. Nú er
alvaran hins vegar að byrja og
menn verða að sýna árangur úti á
vellinum,“ segir Pétur. - óþ
Pétur Pétursson, aðst. þjálfari:
Alvaran að byrja
www.ossur.is/cti
cti® - spelkur fyrir sportið
> U-21 árs hópurinn klár
Lúkas Kostic, þjálfari U-21 árs landsliðs Íslands, hefur valið
átján manna leikmannahóp fyrir leiki gegn Austurríki 5.
september og Slóvakíu 9. september. Hópurinn er sem
hér segir: Markverðirnir eru Þórður Ingason og Ingvar
Jónsson. Vörnina skipa Arnór Aðalsteinsson, Hallgrímur
Jónasson, Heimir Einarsson, Hólmar Örn Eyjólfsson og
Þórir Hannesson. Miðjumenn eru Ari Freyr Skúlason,
Heiðar Geir Júlíusson, Eggert Gunnþór Jónsson,
Guðmundur Kristjánsson og Jóhann Berg Guð-
mundsson. Sóknarmenn eru svo Birkir Bjarna-
son, Rúrik Gíslason, Guðjón Baldvinsson, Arnór
Smárason, Gylfi Þór Sigurðsson og Kolbeinn
Sigþórsson. Leikurinn gegn Austurríki fer
fram í Austurríki en leikurinn gegn Slóvak-
íu fer fram á Víkingsvelli í Reykjavík.
KÖRFUBOLTI Íslenska kvennalands-
liðið byrjaði Evrópukeppnina af
miklum krafti á Ásvöllum á mið-
vikudagskvöldið og tveir af leik-
mönnum liðsins náðu einstökum
árangri í sögu landsliðsins á
heimavelli.
Helena Sverrisdóttir og Krist-
rún Sigurjónsdóttir áttu báðar
mjög góðan leik og settu báðar
met. Enginn leikmaður A-lands-
liðs kvenna hefur skorað fleiri
stig í heimaleik en Helena og eng-
inn leikmaður A-landsliðs kvenna
hefur skorað fleiri þriggja stiga
körfur í heimaleik en Krist-
rún.
Helena skoraði 25 stig í
leiknum og hefur aðeins
einu sinni skorað fleiri stig
í einum landsleik en það var
þegar hún skoraði 33 stig
í sigri á Írum í Dublin
í fyrra. Helena átti
gamla metið yfir
flest stig á heima-
velli ásamt þeim
Hildi Sigurðar-
dóttur og Erlu
Þorsteinsdótt-
ur en allar
höfðu þær
náð að
skora 22
stig í
heima-
leik.
Hildur
og Erla skoruðu báðar stigin sín í
vináttulandsleikjum á móti Eng-
landi.
Kristrún skoraði fjórar þriggja
stiga körfur á móti Sviss og bætti
þar með metið sem fimm leik-
menn áttu áður en Pálína Gunn-
laugsdóttir bættist einnig í þann
hóp í þessum leik með því að
skora þrjár þriggja stiga körfur.
Birna Valgarðsdóttir hafði náð
að skora þrjár þriggja stiga
körfur í þremur landsleikjum á
heimavelli en þær Helga
Þorvaldsdóttir, Björg Hafsteins-
dóttir, Erla Reynisdóttir og Hild-
ur Sigurðardóttir höfðu allar
skorað þrjár þriggja stiga körfur
í einum leik.
Anna María Sveinsdóttir á enn
stigametið í einum leik hjá
kvennalandsliðinu en hún skor-
aði 35 stig á móti Möltu á Möltu
árið 1996. Birna Valgarðsdóttir
hefur síðan skorað flestar þriggja
stiga körfur í einum leik en hún
setti niður 6 þriggja stiga körfur
á móti Möltu í Andorra sumarið
2004. - óój
Sigurleikur kvennalandsliðsins á Sviss á miðvikudagskvöldið var sögulegur:
Helena og Kristrún með met
4 ÞRISTAR Enginn leikmaður
hefur skorað fleiri þriggja
stiga körfur á heimavelli
í einum leik heldur en
Kristrún Sigurjónsdóttir á
móti Sviss. FRÉTTABLAÐIÐ/RÓSA
25 STIG Enginn leik-
maður hefur skorað
fleiri stig á heimavelli
í einum leik heldur
en Helena Sverr-
isdóttir á móti
Sviss. FRÉTTA-
BLAÐIÐ/RÓSA