Fréttablaðið - 29.08.2008, Síða 78

50 29. ágúst 2008 FÖSTUDAGUR
1
6 7 8
10
13
119
12
15
16
18
21
20
17
14
19
2 3 4 5
LÖGIN VIÐ VINNUNA
LÁRÉTT
2. sælgæti, 6. samanburðarteng-
ing, 8. fornafn, 9. þukl, 11. gelt, 12.
kompa, 14. leiðsla, 16. hola, 17. utan,
18. drulla, 20. tveir eins, 21. traðkaði.
LÓÐRÉTT
1. viðartegund, 3. umhverfis, 4.
peningagræðgi, 5. af, 7. saumspor,
10. forað, 13. rotnun, 15. sálar, 16.
margsinnis, 19. kyrrð.
LAUSN
LÁRÉTT: 2. buff, 6. en, 8. mér, 9. káf,
11. gá, 12. klefi, 14. snúra, 16. op, 17.
inn, 18. for, 20. dd, 21. tróð.
LÓÐRÉTT: 1. tekk, 3. um, 4. fégirnd,
5. frá, 7. nálspor, 10. fen, 13. fúi, 15.
anda, 16. oft, 19. ró.
VEISTU SVARIÐ
Svör við spurningum á síðu 8
1 Um fjörutíu þúsund manns.
2 Langholtskirkju.
3 Arnór Sighvatsson.
„Ég er mikið í því að tala í sím-
ann og hitta fólk í vinnunni svo
ég næ nú ekki að hlusta á mikið.
Þegar ég er í bílnum á leiðinni á
fundi hlusta ég hins vegar á Red
Hot Chili Peppers og hækka það
í botn. Þá er ég rétt stemmdur
fyrir fundina – svolítið rokk í
manni, eins og þarf að vera á
þessum síðustu og verstu.“
Einar Skúlason, framkvæmdastjóri
Alþjóðahússins.
Margrét Erla Maack mun ganga til
liðs við Óla Palla og aðra Popp-
landsmeðlimi á næstunni. „Ég er
nú enn þá að átta mig á þessu, ég
var bara að fá að vita þetta sjálf,“
segir Margrét Erla og hlær við, en
hún hefur starfað sem skrifta hjá
Evu Maríu Jónsdóttur í Sjónvarp-
inu frá því í janúar. Margrét fór
fyrst í prufu í apríl og aftur nú í
ágúst og hefur aðdragandinn því
verið nokkuð langur. „Óli hringdi í
mig og sagðist vera með góðar
fréttir og slæmar og spurði hvorar
ég vildi heyra fyrst. Ég valdi þær
slæmu og þá sagði hann mér að á
hverri sekúndu deyr eitt barn í
heiminum úr hungri. Þær góðu
væru hins vegar að þeir vildu fá
mig í Poppland. Maður vogar sér
varla að kætast,“ segir hún bros-
andi. Þótt Margrét hafi kannski
ekki stefnt markvisst að starfi í
útvarpi síðustu ár liggur það þó
ansi beint við. „Ég hef mikinn
áhuga á tónlist og hef verið að vinna
sem plötusnúður í tvö ár. Ég hef
samt lítið verið að tala ofan í tón-
listina, svo það verður nýtt fyrir
mér,“ útskýrir hún. „Reyndar hef
ég eiginlega enn meiri áhuga á
karaókí, en ég ætla mér nú samt
ekki að fara að koma upp einhverju
karaókíhorni í Popplandi … ekki
strax,“ segir hún og hlær við.
Fyrir utan tónlistina hefur Mar-
grét einnig brennandi áhuga á
magadansi, sem hún kennir einmitt
í Kramhúsinu. „Maður nálgast
kannski tónlistina á aðeins annan
hátt sem dansari en tónlistarspek-
úlant. Það gæti verið ný vídd í
Popplandinu, þó ég komi nú kannski
ekki með egypsku magadanstón-
listina alveg strax,“ segir Margrét
hugsi. - sun
Færir Popplandi karaókí
NÝR POPPLANDSBÚI Margrét Erla Maack gengur til liðs við Popplandsbúa á næstunni.
Hún hefur starfað sem skrifta, plötusnúður og magadanskennari upp á síðkastið.
FRÉTTABLAÐIÐ/VALLI
„Ég lét alla vega hálsinn standa
upp úr hálsmálinu,“ segir Ásgeir
Jónsson aðspurður hvort hann
hafi ekki örugglega gert sitt
besta.
Í kjölfar velgengni íslenska
landsliðsins í handbolta hefur eitt
best geymda leyndarmál poppsög-
unnar hvískrast út. Valgeir Guð-
jónsson söng hástöfum lagið
Gerum okkar besta fyrir þátttöku
landsins á Ólympíuleikunum 1988
í Seoul ásamt íslenska landsliðinu.
Eða var íslenska landsliðið jafn
illa fjarri góðu gamni í laginu og á
leikunum sjálfum það árið? Sagan
segir að tökurnar með landsliðinu
hafi ekki verið nothæfar þegar til
kom að setja lagið saman og hafi
Ásgeir, sem er forsöngvari Bara-
flokksins frá Akureyri, haldið
uppi söngnum sem glymur á bak
við Valgeir: „Við gerum okkar,
gerum okkar, gerum okkar, gerum
okkar besta …“ Og Þorgils Óttar
Mathiesen, Kristján Arason,
Alfreð Gíslason, Valdimar Gríms-
son og félagar hafi lítið lagt til
málanna. Eða öllu heldur söngs-
ins.
„Þetta er ekki alls kostar rétt,“
segir Tómas Tómasson sem pró-
dúseraði lagið. Hann var þá að
vinna í Stúdíó Sýrlandi ásamt
Ásgeiri sem þar var hljóðupptöku-
maður. Tómas stýrði upptökum á
laginu „Gerum okkar besta“. Og
kom sér oft vel að hafa Ásgeir við
höndina. „Kórinn er þarna. Og
öskrin í byrjun og það allt er kórs-
ins. En … jú, það var gripið til þess
að láta Ásgeir syngja með. Það eru
þarna einir tíu til tólf Ásgeirar í
kórnum,“ segir Tómas. Hann segir
svo að þegar kór handboltakapp-
anna var tekinn upp hafi aðstæður
verið slæmar. Þeir höfðu aðeins
tvo tíma til að taka kórinn upp,
sem var á hraðferð. „Aðstæður
voru ekki eins og æskilegt hefði
verið. Svo var landsliðið flogið út
daginn eftir og við urðum að klára
lagið í hendingskasti. Þannig að
Ásgeir söng nokkrar raddir með
en við náttúrulega blönduðum
landsliðinu með. Þetta voru
aðstæður sem þurfti að bjarga
með illu eða góðu og við kusum að
gera það með góðu,“ segir Tómas
og kímir. jakob@frettabladid.is
TÓMAS TÓMASSON: ÞAÐ ERU TÍU TIL TÓLF ÁSGEIRAR Í KÓRNUM
Maðurinn sem hélt lands-
liðinu á floti í söngnum
SLAGARINN TEKINN UPP
Íslenska landsliðið í handbolta söng kórinn í Gerum okkar besta fyrir tuttugu árum og naut aðstoðar Ladda sem er
fremst á myndinni. Nú hefur komið í ljós að söngur landsliðsmannanna var vart nothæfur. Fyrir miðri mynd er Guð-
mundur Guðmundsson, núverandi landsliðsþjálfari. Ásgeir Jónsson, hljóðupptökumaður og söngvari Baraflokksins,
til hægri, söng einar tíu eða tólf raddir í kór landsliðsins í laginu Gerum okkar besta.
Stórskyttan og kyntröllið Logi
Geirsson vakti óskipta athygli í
miðborg Reykjavíkur á miðviku-
dagskvöldið. Logi skemmti sér í
góðra vina hópi á Vegamótum
enda nógu að fagna; fyrr um
daginn höfðu 40 þúsund Íslending-
ar hyllt hann og strákana okkar á
Arnarhóli og síðar hafði hann tekið
á móti fálkaorðu úr hendi
Ólafs Ragnars Grímsson-
ar, forseta Íslands. Gestir
Vegamóta fengu einmitt
Loga í fullum skrúða, með
silfur-medalíuna um
hálsinn og fálkaorð-
una á bringunni. Af
alkunnu viðmóti
sínu lét Logi sig
ekki muna um að
leyfa gestum að
handleika báða grip-
ina og máta þá á sér.
Og meira af strákunum okkar.
Frægt er orðið að markmaðurinn,
Björgvin Páll Gústavsson, leggur
stund á nám í bakaraiðn meðfram
handboltanum. Á vef Samtaka
iðnaðarins kemur fram að dreng-
urinn hafi í vor gert sér lítið fyrir og
verið hæstur allra á sveinsprófinu
í þeirri grein. Jói Fel, lærimeistari
Björgvins, ber honum vel söguna
og segir að hann sé einn af
betri bakaranemum sem
hann hafi séð. Jói
segir að mikil
eftirsjá verði
að Björgvini
þegar hann
fer í atvinnu-
mennsku í
haust.
Ástin blómstrar á Facebook-vef-
samfélaginu. Þar geta
áhugasamir nú séð
að leikskáldið og
fyrrum blaða-
maðurinn Símon
Örn Birgisson
og söngkonan Jar-
þrúður Karlsdóttir
hafa opinberað
samband sitt.
-hdm/sm
FRÉTTIR AF FÓLKI
„Mér var boðin þyrla til að sækja
mig en ég afþakkaði það. Á endan-
um tóku konan mín og fólkið sem
var með okkur byrðarnar af mér og
við gengum til byggða,“ segir Sig-
urjón M. Egilsson, ritstjóri Mann-
lífs, sem varð fyrir því óláni að
ökklabrotna í gönguferð í ítölsku
ölpunum um síðustu helgi.
Sigurjón segir að óhappið hafi
orðið á síðasta degi gönguferðar-
innar. „Við fórum nokkur út úr aðal-
hópnum um gönguslóð sem hafði
ekki verið gengin mjög lengi. Við
vorum fimm Íslendingar og einn
Ítali í hóp og hann gekk fremstur en
ég á eftir honum. Óhappið varð
þegar við gengum einstigi en yfir
það lágu þyrnirunnar svo við sáum
ekki slóðann undir. Ég virðist hafa
gengið nær brúninni en Ítalinn því
þegar ég stíg niður þá vantar bara
klöppina fyrir neðan mig. Sem betur
fer tókst mér að setja vinstri fótinn
á lítinn trjástubb og náði að spyrna
í hann til að stoppa mig. Ég rann tvo
eða þrjá metra niður hlíðina, en
fyrir neðan var stórgrýttur árfar-
vegur.“
Of bratt var til að samferðamenn-
irnir gætu komist til hans. „Ég ris-
paðist mjög mikið og það lak úr mér
blóð svo þetta leit ekki mjög vel út
fyrir samferðafólkið mitt. Sem
betur fer gátu þau togað mig upp
með því að notast við göngustafina
mína,“ segir Sigurjón sem kann
samferðamönnum sínum bestu
þakkir fyrir skjót og góð viðbrögð.
Sigurjón er vel þjálfaður göngu-
garpur og lét sig ekki muna um að
ganga til byggða eftir að hafa feng-
ið smávegis aðhlynningu. Reyndar
komst hann ekki að því að hann
væri ökklabrotinn fyrr en til Íslands
var komið á þriðjudag. Hann verður
í gifsi í sex vikur hið minnsta. Sig-
urjón lætur eymslin ekki halda sig
frá vinnu, hann leggur nú lokahönd
á nýtt tölublað Mannlífs þar sem
meðal annars verður fjallað um
West Ham-ævintýri Eggerts Magn-
ússonar. „Ég er búinn að vera að
skrifa í allan dag, ligg bara með
tölvuna uppi í rúmi,“ segir ritstjór-
inn sem er harðákveðinn í að fara
aðra gönguferð um ítölsku alpana
að ári. - hdm
Ritstjóri ökklabrotnaði í ítölsku ölpunum
ÖKKLABROTINN RITSTJÓRI Sigurjón M. Egilsson, ritstjóri Mannlífs, vinnur heiman frá
sér þessa dagana eftir að hafa ökklabrotnað í gönguferð í ítölsku ölpunum.
FRÉTTABLAÐIÐ/VALLI