Fréttablaðið - 29.08.2008, Blaðsíða 75
FÖSTUDAGUR 29. ágúst 2008 47
FÓTBOLTI Árni Gautur Arason er
búinn að finna sér lið og er
kominn aftur í norska boltann.
Árni Gautur, sem hefur ekkert
spilað síðan hann kom frá Thanda
Royal Zulu í Suður-Afríku, samdi
við norska b-deildarliðið Odd
Grenland út tímabilið.
Dag-Eilev Fagermo, þjálfari
liðsins, var ánægður með að fá
Árna til sín í samtali við norska
blaðið Telemarksavisa og segist
vonast að hann verði kominn með
öll leyfi fyrir leikinn á móti
Sogndal á sunnudaginn.
Odd Grenland verður þriðja
norska liðið sem Árni Gautur
spilar fyrir en hann hefur orðið
norskur meistari með bæði
Vålerenga og Rosenborg.
Odd Grenland er á góðri leið
upp í norsku úrvalsdeildina en
liðið er í toppsæti deildarinnar
þrátt fyrir að hafa fengið á sig 28
mörk, eða 12 mörkum fleiri en
Start sem er í 2. sæti. Það er því
ljóst að Árna Gaut er ætlað að
reyna að loka fyrir lekann. - óój
Árni Gautur til Odd Grenland:
Ætlað að loka
fyrir lekann
ODD-MAÐUR Árni Gautur er orðinn 33
ára gamall. FRÉTTABLAÐIÐ/ANTON
FÓTBOLTI Kantmaðurinn knái
Shaun Wright-Phillips hefur
ákveðið að ganga aftur í raðir
Manchester City eftir að félagið
náði samkomulagi við Chelsea um
kaupverð.
Kaupverðið er óuppgefið en
Chelsea keypti hann á 21 milljón
punda árið 2005. Wright-Phillips
skrifar undir fjögurra ára
samning við City og kvaðst
hæstánægður með að snúa aftur
til félagsins.
„Það er gott að koma aftur til
City og ég get ekki beðið eftir því
að leika með liðinu á ný,“ segir
Wright-Phillips í viðtali á
opinberri heimasíðu Manchester-
félagsins.
Mark Hughes, knattspyrnu-
stjóri City, er að sama skapi
ánægður með komu leikmanns-
ins.
„Ég hef alltaf haft dálæti á
honum og ég var ákveðinn í að fá
hann aftur til City þegar ég tók
við starfi þar,“ segir Hughes.
Wright-Phillips er ættleiddur
sonur hins frækna markaskorara
Arsenal, Ian Wright. - óþ
Shaun Wright-Phillips:
Gott að koma
aftur til City
KOMINN HEIM Wright-Phillips skrifaði
undir fjögurra ára samning við City en
hann fór þaðan til Chelsea árið 2005.
NORDIC PHOTOS/GETTY
HANDBOLTI Landslið Íslands í
handbolta karla, „Silfurdrengirnir
okkar” eins og þeir kallast núna,
heilsuðu upp á stuðningsmenn í
Laugardalshöllinni í gær. Lands-
liðsmennirnir árituðu veggspjöld,
treyjur og hvað eina sem aðdáend-
ur þeirra réttu fram en fullt var út
úr dyrum og strákarnir áttu
skemmtilega stund með stuðn-
ingsmönnum sínum.
Það hefur verið nóg að gera hjá
landsliðinu frá því að þeir komu
heim því hvert boðið hefur rekið
annað en lokapunkturinn var þessi
blaðamannafundur í gær þar sem
Kaupþing, aðalstyrktaraðili HSÍ
undanfarin ár, afhenti HSÍ 10
milljóna króna styrk til viðbótar
föstum styrk, sem bankinn greiðir
sambandinu árlega.
Einar Þorvarðarson, fram-
kvæmdastjóri HSÍ ætti að sjá
betri daga framundan í fjármálum
sambandsins enda hefur samband-
ið fengið marga góða styrki á síð-
ustu dögum. Meðbyr með landslið-
inu og handboltanum á Íslandi
ætti að gefa HSÍ tækifæri til að
efla starf sitt og sjá til þess að
handboltalandsliðið verði áfram í
hópi þeirra bestu í heimi. -óój
Fullt út úr dyrum í Laugardalshöllinni í gær þegar „Silfurdrengirnir” heilsuðu upp á stuðningsmenn sína:
Kaupþing styrkti HSÍ um 10 milljónir
NÓG AÐ GERA Ólafur Stefánsson gefur
hér tveimur Gróttustelpum eiginhandar-
áritun. FRÉTTABLAÐIÐ/RÓSA