Fréttablaðið - 25.09.2008, Blaðsíða 6

6 25. september 2008 FIMMTUDAGUR
Forsetakosningar
2008
UMHVERFISMÁL Stofnaður hefur
verið hópur um friðlýsingu
Skjálfandafljóts og höfðu um 260
skráð sig á stuðningslista í gær á
www.skjalfandafljot.is.
Heimamenn áttu frumkvæði að
stofnun hópsins, segir talsmaður
hans, Sigurlína Tryggvadóttir.
„Þetta er fallegt svæði sem hægt
er að njóta á betri hátt en með
virkjun. Fossarnir í því myndu
ekki lifa hana af og svo er talsverð
ferðamennska á svæðinu sem yrði
fyrir slæmum áhrifum,“ segir
Sigurlína. „Við erum ekki á móti
virkjunum sem slíkum en það eru
fáar jökulár eftir óspilltar.“ - kóþ
Íbúar á Norðurlandi:
Stofna hóp
um friðlýsingu
Skjálfandafljóts
Dyrhólaeyjarfundum frestað
Sveitarstjórn Mýrdalshrepps segir
það vonbrigði að Umhverfisstofnun
fresti hvað eftir annað fundum um
Dyrhólaey og skorar á stofnunina
að halda þá fundi sem hafa verið
boðaðir.
UMHVERFISMÁL
Reisa búðir við Búðarháls
Landsvirkjun hefur fengið stöðuleyfi
fyrir vinnubúðir vegna fyrirhugaðrar
Búðarhálsvirkjunar við Þjórsá. Í vinnu-
búðunum verða skrifstofa, mötuneyti
og svefnálma sem áætlað er að
standi til ársins 2012.
ORKUMÁL
NOREGUR Knut Storberget,
dómsmálaráðherra Noregs, telur
það á misskilningi byggt að
skortur sé á lögreglumönnum í
Noregi. Komið hefur fram í
norskum
fjölmiðlum að
lögreglumenn
sárvantar þar í
landi og að þeir
telja kjörunum
um að kenna að
nýir lögreglu-
menn fáist ekki
til starfa.
Lögreglu-
mannaskorturinn var til umræðu
á stórþinginu í gær, að sögn VG.
Erna Solberg, leiðtogi hægri-
manna, lét þá í ljós áhyggjur
sínar yfir því að ekki takist að
manna helgarvaktir lögreglu-
manna þar sem lögreglumenn
vilji ekki lengur vinna yfirvinnu
í jafnmiklum mæli og áður.
- ghs
Lögreglan í Noregi:
Vantar menn á
helgarvaktir
KNUT STORBERGET
IÐNAÐUR Árna M. Mathiesen fjár-
málaráðherra líst vel á þær hug-
myndir Helga Hjörvars, þingmanns
Samfylkingar og formanns
umhverfisnefndar Alþingis, sem
Helgi lýsti í Morgunblaðinu í gær.
Þar kom fram að við núverandi
aðstæður í efnahagsmálum þyrfti
að skapa fjárfestingarkosti í land-
inu. Einn þeirra
gæti verið að
selja einkafyrir-
tækjum rekstur
Kárahnjúka-
virkjunar eða
annarra virkj-
ana. Þetta yrði
gert í ákveðinn
tíma, allt að
fjörutíu ár, en
ríkið sjálft ætti
virkjanirnar, enn
sem fyrr. Nefndi
Helgi álfyrir-
tækið Alcoa sem
hugsanlegan
leigutaka.
„Mér líst vel á
þessa hugmynd
um að leigja
reksturinn og
hún er þess virði
að við skoðum hana vel,“ segir Árni,
en Landsvirkjun er undir hans ráðu-
neyti.
Árni segir að leiði þessi skoðun í
ljós að leigan þyki fýsilegur kostur
þurfi að finna heppilega tímasetn-
ingu til að framkvæma hugmynd-
ina.
Ekkert finnst um útleigu virkj-
ana í stjórnarsáttmálanum en Árni
telur ekki að það skipti miklu máli.
„Ef menn koma sér saman um eitt-
hvað annað en er þar, þá er ekkert
sem bannar það,“ segir hann.
Helgi stakk einnig upp á því að
stofnaður yrði sérstakur auðlinda-
sjóður um meðal annars olíurétt,
vatns- og hitaréttindi og réttinn til
nýtingar fiskistofna við landið.
Þessar auðlindir yrðu gerðar að
„ævarandi eign þjóðarinnar“. Með
þessu verði búið svo um hnútana að
„eftir hálfa öld verði fiskurinn í
sjónum ekki einkaeign arabískra
olíufursta eða annarra framandi
fjárfesta“, sagði Helgi. Fjármála-
ráðherra segist ekki hafa metið
þessa hugmynd Helga nægilega vel
til að ræða hana.
Ekki náðist í talsmann Alcoa en
Ágúst F. Hafberg hjá Norðuráli-
Century Aluminium, sem rekur
álver á Grundartanga og reisir
álver í Helguvík, segir hugmyndina
athyglisverða, en hún hafi ekki
verið rædd innan fyrirtækisins.
Iðnaðarráðherra veitti ekki viðtal
vegna þessa en úr ráðuneyti hans
heyrðist að þar hefði grein Helga
verið lesin af mikilli athygli og með
ánægju. klemens@frettabladid.is
Ráðherra líst vel á
útleigu á virkjunum
Fjármálaráðherra er áhugasamur um hugmyndir formanns umhverfisnefndar
um að leigja einkafyrirtækjum virkjanir í eigu hins opinbera. Hann tjáir sig
ekki um auðlindasjóð. Talsmaður Norðuráls segir hugmyndina „athyglisverða“.
KÁRAHNJÚKAVIRKJUN Helgi Hjörvar segir koma til greina að selja Alcoa rekstur virkj-
unarinnar til 40 ára. Engin rök séu fyrir því að ríkið reki slíka þjónustu. Landsvirkjun
myndi framleiða áfram fyrir almenning og önnur fyrirtæki en stóriðju.
FRÉTTABLAÐIÐ/GVA
ÁRNI MATTHÍAS
MATHIESEN
HELGI HJÖRVAR
Mér líst vel á þessa
hugmynd um að leigja
reksturinn og hún er þess virði að
við skoðum hana vel.
ÁRNI MATHIESEN
FJÁRMÁLARÁÐHERRA
LANDBÚNAÐUR Talsvert foktjón
varð á kornökrum bæjarins
Mánárbakka í Tjörneshreppi.
Þetta kemur fram á nýrri vefsíðu
sveitarinnar, tjorneshreppur.is.
Bjarni Aðalgeirsson, bóndi á
Mánárbökkum, áætlar að
uppskeran af sex hektara landi
hafi verið um það bil 35 tonn af
blautu korni sem hann áætlar að
séu um 17 tonn af þurrkuðu korni.
Hins vegar setti mikið sunnanrok
strik í reikninginn en Bjarni segir
veðrið það versta sem hafi gert á
svæðinu í fjölmörg ár. Telur hann
að alls hafi hátt í átta til níu tonn
af blautu korni horfið út í veður
og vind, auk hálmsins af því sem
búið var að slá eftir því sem fram
kemur á nýju vefsíðunni. - kdk
Tjörneshreppur:
Tjón á ökrum
vegna roks
KORNAKUR Miklir vindar á Mánárbökk-
um skertu kornuppskeru.
DÝRALÍF „Þær eru reyndar ekki í
Pollinum eins og hinar þrjár en
það eru komnar tvær í viðbót hér
innarlega í Eyjafjörðinn,“ segir
Hlynur Ármannsson, útibússtjóri
Hafrannsóknastofnunar á
Akureyri.
Þar með eru andarnefjurnar
orðnar fimm sem blasa við
Akureyringum sem horfa til hafs
um þessar mundir. Ekki er langt
á milli hópanna tveggja en þrjár
eru á Pollinum en nýliðarnir tveir
eru hinum megin við Oddeyrina.
„Við verðum bara meira og meira
hissa á öllu saman,“ segir Hlynur
sem segir enga haldbæra
skýringu hafa fundist á þessari
hegðun þeirra.
- jse
Fimm andarnefjur í Eyjafirði:
Eyri á milli vina
BANDARÍKIN, AP Á föstudagskvöld
verða fyrstu sjónvarpskappræð-
ur forsetaframbjóðendanna Bar-
acks Obama og Johns McCain í
Bandaríkjunum. Alls verða kapp-
ræður forsetaefnanna þrennar
fram að kosningum, auk þess
sem varaforsetaefnin Joe Biden
og Sarah Palin mætast einu
sinni.
Frammistaða frambjóðend-
anna í þessum kappræðum gæti
sem hægast ráðið úrslitum um
það hvernig atkvæði falla 4. nóv-
ember. Eins og staðan er í efna-
hagsmálum núna má búast við að
það sem þeir segja um efnahags-
málin ráði kannski mestu um
afstöðu kjósenda, ekki síst þeirra
sem enn eru óákveðnir.
Samkvæmt nýrri skoðanakönn-
un frá AP og Yahoo eru 18 pró-
sent kjósenda enn óákveðin eða
líkleg til að láta málflutning
frambjóðendanna hafa áhrif á
sig, nú þegar aðeins fimm vikur
eru til kosninga.
Flestir þessara kjósenda segja
efnahagsmálin skipta sig mestu
máli, og þeir segjast jafnframt
hafa orðið fyrir persónulegum
skaða af völdum efnahagsvanda
þjóðarinnar.
- gb
Nærri fimmtungur bandarískra kjósenda óákveðinn eða leiðitamur:
Efnahagsmálin ráða úrslitum
BARACK OBAMA Forsetaefni demókrata
mætir repúblikananum McCain í fyrstu
sjónvarpskappræðum þeirra annað
kvöld. FRÉTTABLAÐIÐ/AP
Hafa innbyrðis erjur áhrif á
tiltrú almennings á lögreglu-
yfirvöldum?
Já 82,2%
Nei 17,8%
SPURNING DAGSINS Í DAG:
Hefur þú heimsótt grafreit
Bobbys Fischer?
Segðu þína skoðun á vísir.is
KJÖRKASSINN