Fréttablaðið - 25.09.2008, Blaðsíða 12

12 25. september 2008 FIMMTUDAGUR
Auglýsingasími
– Mest lesið
LITADÝRÐ Skrautlegt fiðrildi tyllir sér
á blóm í dýragarði í Hyderabad í Ind-
landi. MYND/AP
STJÓRNSÝSLA „Það verða nánast öll
ríki heimsins fyrir utan örfá smá-
ríki með í sýningunni,“ segir
Hreinn Pálsson framkvæmda-
stjóri vegna þátttöku Íslands í
Heimsýningunni í Sjanghaí árið
2010.
Síðast voru Íslendingar með
eigin skála á Heimssýningunni í
Hannover í Þýskalandi árið 2000.
Bein framlög íslenska ríkisins til
þeirrar sýningar námu um 500
milljónum króna framreiknað til
verðlags í dag. Í Aichi í Japan var
Ísland hins vegar í sameiginlegum
skála með Norðurlöndunum og þá
var kostnaður ríkisins margfalt
minni, eða 57 milljónir á verðlagi
þess tíma. Slíkt fyrirkomulag kom
ekki til greina að þessu sinni af
hálfu frændþjóða okkar og því
verða Íslendingar út af fyrir sig í
leiguskála í Kína.
Hreinn segir gert ráð fyrir að
kostnaður ríkisins vegna Sjanghaí
fari ekki yfir 450 milljónir króna.
Það er svipuð upphæð og í Hann-
over. Þar fyrir utan eru framlög
ýmissa stórfyrirtækja og hugsan-
lega Reykjavíkurborgar sem eiga
að brúa bilið upp í rúmlega 600
milljóna króna heildarkostnað.
„Þessi sýning felur í sér mjög
stórt markaðstækifæri. Fyrir okkur
Íslendinga á það sérstaklega við í
sambandi við orkumál og ferðaiðn-
að,“ segir Hreinn sem bendir á að
Kínverjar ábyrgist að gestir á sýn-
ingunni verði samtals 70 milljónir
frá því í maí fram í október. Það
geri um 380 þúsund manns á dag að
meðaltali á sýningarsvæðinu. - gar
Kostnaður við heimssýningu miklu hærri en síðast:
Dýrkeyptur aðskilnaður
SJANGHAÍ Ein mesta viðskiptaborg Asíu er Sjanghaí í Kína sem verður vettvangur
fyrir næstu heimssýningu eftir tvö ár. MYND/AP
NORÐUR-KÓREA, AP Stjórnvöld í
Norður-Kóreu hafa bannað
kjarnorkueftirliti Sameinuðu
þjóðanna að skoða aðalkjarnaofn
landsins. Auk þess hyggjast
Norður-Kóreumenn ræsa á ný
kjarnorkuver sem áður útvegaði
plútón í kjarnorkuvopnatilraunir
þeirra. Þetta fullyrti Mohammed
ElBaradei, yfirmaður kjarnorku-
eftirlitsins, í gær.
Allt bendir því til þess að
Norður-Kóreustjórn sé hætt að
sýna samningsvilja gagnvart
Bandaríkjunum og öðrum
ríkjum, en þó gæti verið að hún
geri þetta til að beita Bandaríkin
þrýstingi. - gb
Norður-Kóreustjórn:
Eftirlitsmenn
reknir burt
JAPAN, AP Íhaldsmaðurinn Taro
Aso tók í gær við forystu japönsku
ríkisstjórnarinnar eftir að þingið
staðfesti kjör hans í embætti for-
sætisráðherra. Aso lofaði þegar í
stað „neyðarráðstöfunum“ til að
koma efnahagslífinu á réttan kjöl.
Hinn 68 ára gamli Aso er fyrr-
verandi utanríkisráðherra og einn
af „haukunum“ í stjórnarflokkn-
um, Frjálslynda lýðræðisflokkn-
um. Hann var kjörinn formaður
flokksins fyrr í vikunni eftir að
Yasuo Fukuda sagði óvænt af sér
eftir aðeins ár í embætti flokks-
leiðtoga og forsætisráðherra.
Flokksmenn binda þær vonir við
Aso að hann geti rifið flokkinn upp
úr þeirri lægð sem hann er í áður
en boðað yrði til kosninga sem
talið er líklegt að Aso vilji gera
fljótlega, jafnvel fyrir áramót.
Aso skipaði gamalkunna flokks-
jálka í helstu stöður í ríkisstjórn-
inni til að styrkja ímynd ábyrgðar
og stöðugleika.
„Við verðum að taka efnahags-
málin föstum tökum, þar með talið
grípa til neyðarráðstafana,“ sagði
Aso á fyrsta blaðamannafundin-
um eftir valdatökuna. Hann hét
því enn fremur að Japan myndi
undir sinni stjórn halda áfram að
leggja hinni alþjóðlegu baráttu
gegn hryðjuverkastarfsemi lið
með því að halda úti flotadeild í
Indlandshafi, þrátt fyrir tilraunir
stjórnarandstöðunnar til að binda
enda á það.
- aa
Efnahagsmál í brennidepli við leiðtogaskipti í japönsku ríkisstjórninni:
Aso boðar neyðarráðstafanir
TARO ASO
Tók við
embætti for-
sætisráðherra
Japans
Frjálslyndi fl okkurinn
Nútíð og framtíð
Reykjavíkurfélög Frjálslynda fl okksins boða til fundar á Grand
Hótel, Reykjavík, fi mmtudaginn 25. september nk. kl. 20:00.
Allir félagsmenn Frjálslynda fl okksins eru hvattir til að mæta.
Framsögumenn:
Guðjón Arnar Kristjánsson, alþingismaður og formaður fl okksins
Jón Magnússon, alþingismaður
Síðan fyrirspurnir og umræður
Fundarstjóri:
Tryggvi Agnarsson