Fréttablaðið - 25.09.2008, Blaðsíða 69
FIMMTUDAGUR 25. september 2008 43
Hljómsveitin Andrúm er búin að
vera starfandi í þrjú ár, en Andvak-
ar er hennar fyrsta plata. Hún er
sex laga, en samt rúmar 48 mínútur
að lengd. Lengstu lögin eru yfir tíu
mínútur að lengd.
Tónlist Andrúms er þungt og
þróað rokk í klassískum stíl. Áhrif
frá stórsveitum áttunda áratugar-
ins eru augljós. Mikið er lagt í upp-
byggingu laganna, þau eru kafla-
skipt og sveitin sýnir tilþrif bæði í
hljóðfæraleik og söng. Fyrsta lagið,
titillag plötunnar Andvakar, er
undir miklum Pink Floyd-áhrifum
og áhrifa frá þeirri ofursveit gætir
einnig í spilamennskunni í fimmta
laginu, Pictures.
Andvakar er um margt virkilega
vel heppnuð plata. Hún gengur
algerlega upp, sem er meira en
hægt er að segja um margar plötur.
Lögin eru vel samin, útsett og flutt
og hljómurinn er góður. Umslagið
er líka flott. Þrátt fyrir allt þetta
nær þessi tónlist aldrei að koma
manni á óvart. Hún hljómar kunnug-
lega – of kunnuglega til þess að
platan komist í fyrsta flokk. Það
breytir því ekki að Andrúm er
greinilega mjög öflug sveit og það
verður gaman að sjá hvaða stefnu
hún tekur á næstu plötum.
Trausti Júlíusson
Þungt og þróað
TÓNLIST
Andvakar
Andrúm
★★★
Lögin á Andvakar eru vel samin,
útsett og flutt, en tónlistin nær samt
ekki að koma manni á óvart. Engu að
síður mjög efnileg sveit.
Hljómsveitin Skátar ætlar í tón-
leikaferð um landið í október ásamt
Bloodgroup, Dlx Atx og Sykri.
Fyrstu tónleikarnir verða í Mennta-
skólanum á Egilsstöðum hinn 8.
október.
Skátar koma einnig fram á tón-
listarhátíðinni Swn Festival í Wales
í nóvember og spila þar ásamt
sveitum á borð við Clinic og Young
Marble Giants. Það var útvarps-
maðurinn Huw Stephens hjá BBC
Radio 1 og BBC Wales sem bauð
Skátum að spila en hann var afar
hrifinn af síðustu plötu sveitarinn-
ar, Ghost of the Bollocks to Come.
Ný smáskífa frá Skátum, Goth
báðum megin, er svo væntanleg 2.
október á vínyl og í formi niðurhals
á síðunni Grapewire.net. Verður
útgáfunni fagnað á Kaffibarnum
sama dag.
Skátar í tónleikaferð
SKÁTAR Hljómsveitin Skátar er á leiðinni
í tónleikaferð um landið ásamt Blood-
group, Dlx Atx og Sykri.
TÓNLEIKAFERÐ SKÁTA
8. október 2008 - Menntaskólinn, Egilsstaðir m. Bloodgroup
9. október 2008 - Hraunsnef, Borgarfirði m. Bloodgroup & Dlx Atx
10. október 2008 - Edinborgarhúsið, Ísafirði m. Bloodgroup & Dlx Atx
11. október 2008 - Græni hatturinn, Akureyri m. Bloodgroup & Dlx Atx
14. október 2008 - Flensborg, Hafnarfirði m. Bloodgroup & Sykri
15. október 2008 - Paddy’s, Keflavík m. Bloodgroup, Dlx Atx & Sykri
18. október 2008 - Iceland Airwaves
Það er nóg að gerast hjá
Árna Plúseinum. Hljóm-
sveit hans, FM Belfast,
gefur út fyrstu plötu sína
á næstunni en hann hefur
samt fundið tíma til að
senda frá sér sólóplötu.
Tónlistarmaðurinn Árni Rúnar
Hlöðversson, eða Hungry and the
Burger, hefur sent frá sér plöt-
una Lettuce and Tomato.
„Mig vantaði í rauninni nafn
yfir helling af lögum sem ég var
að gera á þessum tíma,“ segir
hann um þetta sólóverkefni. Úr
varð nafnið Hungry and the
Burger, sem verður að teljast
heldur óvenjulegt.
„Mig dreymdi að ég hefði verið
að borða á veitingastað sem hét
þessu nafni,“ segir Árni, sem er
einnig þekktur sem Árni Plús-
einn, liðsmaður FM Belfast.
Platan var samin og tekin upp í
Brooklyn þar sem Árni bjó síð-
asta vetur. Hann játar að dvöl sín
þar hafi haft mikil áhrif á hljóm-
inn.
„Ég var ekki með neitt af
venjulegu hljóðfærunum mínum
og þess vegna hljómar hún svolít-
ið öðruvísi. Það var eiginlega hluti
af verkefninu að nota það sem ég
hafði,“ segir hann. „Hljómborðið
sem er teiknað framan á plötunni
er lítið hljómborð sem ég keypti
þarna úti og kostaði tíu dollara.
Það er notað í flestum lögunum.“
Að auki komu nokkrir gestir í
heimsókn til hans með hljóðfærin
sín og spiluðu inn á plötuna, þar á
meðal trompetleikarinn Eiríkur
Orri. Útkoman er draumkennd
plata og seiðandi, með litlum sem
engum söng. freyr@frettabladid.is
Fann skrýtið nafn í draumi
HUNGRY AND THE BURGER Árni Rúnar Hljöðversson, eða Árni +1, hefur gefið út sína
fyrstu sólóplötu undir nafninu Hungry and the Burger. FRÉTTABLAÐIÐ/VALLI