Réttur - 01.02.1927, Blaðsíða 7

Rjettur]
GEORGE BERNHARD SHAW
»
vera ótilhlýðilegt að gera hér lítillega grein fyrir
Fabianfélaginu, því um leið er gerð nokkur grein fyrir
þjóðhagsskoðunum Shaw, en þær hafa mikil áhrif á alla
hans bókmentalegu starfsemi.
»f Fabianfélaginu eru jafnaðarmenn. Það keppir að
því að koma enduirskipulagi á þjóðfélagið, með því að
leysa land og iðnaðarauðmagn úr höndum einstaklinga
og stétta, en flytja í hendur þjóðfélagsins, sjálfu því til
hagsmuna.« Þetta er sjálft orðalag skipulagsskrár fé-
lagsins, og undir það rita allir, er í félagið ganga. Er
svo ráð fyrir gert, að eignanámið verði ekki framkvæmt
með því að greiða eigendum gjald fyrir í strangri merk-
ingu, en hinsvegar nokkurar bætur, sem þjóðfélagið á-
kveður. Félagið stefnir á þann hátt ekki að byltingu í
þeirri merkingu, sem venjulegast er átt við með því
orði. Takmarkið er bylting, en aðferðin þróun. Shaw
hefir sjálfur gert aðdáanlega grein fyrir skoðunum
þeirra jafnaðarmanna, sem ekki sjá neinn veg tíi mark-
miðs þeinra í gegnum blóðsúthellingar. Hann segir á
einum stað: »Jafnaðarmenn þurfa ekki að fyrirverða
sig fyrir að hafa byrjað, eins og þeir gerðu, með því að
hvetja verkalýðinn í herskátt samband og til almennrar
uppreistar. Sú stefna hefir reynst óframkvæmanleg. En
ef vér erum- glaðir yfir þeim ómöguleika; ef vér trúum
því, að breytingin eigi að verða nægilega hægfara, til
þess að vér komumst hjá persónulegri áhættu; ef vér
finnum til nokkurs annars en ákafra vonbrigða og
beiskrar auðmýkingar við þá uppgötvun, að milli vor
og fyrirheitna landsins sé eyðimörk, sem margir hljóti
að farast í með hörmjungum, sökum skorts og örvænt-
ingar, þá held eg því fram, að stofnanir vorar hafi spilt
oss svo, að vér séum orðnir smánarlega eigingjarnir«.
—- Fabianfélagið hygst að ná tilgangi sínum með því að
útbreiða jafnaðarmanna skoðanir, og keppir að því að
auka þekkingu á afstöðu einstaklingsins og þjóðfélags-