Réttur - 01.02.1927, Page 28
30 FRÁ ÓBYGÐUM [Rjettur
og veldur því sjónblekking. Mun því Kjölur jafnan mælast
breiðari en hann sýnist.
Þakka ég svo öllum þeim mönnum, sem haía aðstoðað
mig við ritgerð þessa og stjórn Dansk-islandsk Forbunds-
fond þakka ég styrkinn, er hún veitti mér til rannsókn-
anna 1923.
B. ARNARVATNSHEIÐI.
1. Yfirlit.
Norður frá Langjökli og Eiríksjökli liggur mikil há-
slétta, er nær alt norður til bygða i Húnavatnssýslu og
vestur fyrir Holtavörðuheiði. Háslétta þessi er hæst við
norðurenda Langjökuls (900 m.). Hallar þaðan hægt til
austurs, norðurs og vesturs. Austanvert er hún þakin mikl-
um grágrýtislögum, er ná nokkuð vestur fyrir Arnarvatn.
Undir grágrýtinu virðist allstaðar vera móberg. Kemur það
víða fram í giljum, og nokkur móbergfell standa upp úr
grágrýtinu. Verður þeirra síðar getið. Grágrýtið er öldótt
og illa gróið. Þar sem hæst ber, er auðn, en er landið tekur
að lækka, er nokkur gróður í lægðum, og sumstaðar' vötn
umgirt ótræðisflám. Auðnin liggur norður frá Langjökli og
nær vestur á móts við Arnarvatn. Er það Stórisandur. En
gróðurinn nær upp fyrir Arnarvatn og allangt austur þaðan
meöfram Norðlingafiljóti. Þegar grágrýtinu sleppir, tekur
við marflatt sléttlendi, sem virðist vera gamall jökulbotn.
Eru þar ótal vötn, smá og stór. Milli þeirra eru stórar
flár og kviksyndisfen, en lágar melöldur á víð og dreif. Er
það Tvídægra, en austur frá henni Arnarvatnsheiði, austur
með Norðlingafljóti og upp undir Stórasand eins Iangt og
grös gróa.
Sunnan við þessa hásléttu verður mikil lægð í hálendið.
Nær hún frá Langjökli niður að Hvítársíðu, en að sunnan
takmarkast hún af Kaldadal og hálendi því, sem Okið hvílir
á. Þessi lægð er breiðust austur, en mjókkar eftir því sem
vestar dregur og verður að breiðum dal, en grunnum.