Réttur - 01.01.1953, Side 67

RÉTTUR
67
IV.
Heimsmarkaður kapítalismans er í dag aðeins brot, aðeins skuggi
af því sem hann áður var. Aðalástæðan er auðvitað sú, að auð-
valdsríkin hafa að mestu skorið á viðskiptatengsl sín við þriðjung
af mannkyninu. Þar við bætist hin skefjalausa drottnun Bandaríkj-
anna yfir auðvaldsheiminum, drottnun sem bæði kemur fram í
vitfirrtri hervæðingu, sem nú er unnið að að undirlagi Bandaríkj-
anna, og ennfremur í hinni hamslausu sérhagsmunapólitík, sem
þau beita aðrar þjóðir í verzlunarviðskiptum sínum við þær.
Allar innri mótsetningar auðvaldsskipulagsins hafa á síðustu ár-
um komið fram með meira offorsi en þekkst hefur áður. Þjóðfrelsis-
kenndin hjá nýlenduþjóðunum hefur enn magnast og er nú svo
komið, að ríki eins og Bretland og Frakkland verja verulegum
hluta af útgjöldum sínum í beinan styrjaldarrekstúr gegn eigin
nýlenduþjóðum. Kreppur og aðrar framleiðslutruflanir verða æ
tíðari og harðari, yfir 50 milljónir manna eru nú algerlega eða því
sem næst algerir atvinnuleysingjar, hervæðing alls atvinnu- og
efnahagslífs hefur haft í för með sér óhemju lífskjaraskerðingu
alls almennings. Bein afleiðing af þessu öllu er síharðnandi stétta-
barátta innan auðvaldsríkjanna.
Hervæðingin krefst mikils fjármagns. Þannig vörðu Danir fyrir
fjórum árum síðan einni milljón d. kr. dag hvern í her sinn. Nú
kostar hervæðingin þá þar á móti rúmar þrjár millj. d. kr. hvern
dag. Á fjárhagsárinu 1937—’38 námu herútgjöld Bandaríkjanna
1.000 millj. dollara, en á yfirstandandi fjárhagsári nema samsvar-
andi útgjöld þeirra 58.200 millj. dollara, eru með öðrum orðum
nær því sextíu sinnum meiri!
Utgjöld Atlantshafsbandalagsríkjanna vegna hervæðingarinnar
hafa verið samanlagt sem hér segir:
1949— ’50 ................. 19.3 millj. dollarar
1950— ’51 ................. 30.7 millj. dollarar
1951— ’52 ................. 59.6 millj. dollarar
1952— ’53 ...................74.8 millj. dollarar
Þetta fé er allur almenningur í auðvaldsríkjunum látinn inna
af höndum ýmist með beinum eða óbeinum sköttum, með sífelld-
um verðhækkunum á almennum neyzluvörum og á annan hátt
með skerptu arðráni.
Á yfirstandandi fjárhagsári eru beinir skattar í Bandaríkjunum
12 sinnum hærri en þeir voru 1937—38, en reiknað hefur verið út
í bandarískum hagtiðindum, að Truman hafi á þeim tíma, sem
hann var forseti innheimt meiri skatta en 31 fyrirrennarar hans