Réttur - 01.07.1974, Page 42

FYRSTA UPPGJÖFIN
Ríkisstjórn íhalds og Framsóknar hefur
gert samkomulag við Bandaríkjastjórn. I því
felst raunverulega að gefist er upp við að
láta herinn fara, en eftirfarandi ráðstafanir
gerðar, að því er virðist til að tryggja veru
hans áfram:
1. Það á að þjálfa íslendinga til þess að
taka við „tæknilegum og stjórnunarlegum"
störfum 400 amerískra hermanna. Með öðr-
um orðum: það á ekki að fækka því liði,
sem gangster-stjórnin ameríska hefur á
Keflavíkurflugvelli, en það á að innlima Is-
lendinga í það. — Svo djúpt sökk Island
aldrei sem nýlenda, ekki einu sinni á 17.
öld, að alþingi samþykkti að útvega íslenska
menn í her Dana, — en nú virðist eiga að
skikka íslenska menn til þess að gegna tækni-
störfum í njósnastöðinni á Vellinum. —
Lengi getur vont versnað.
2. I stað þess að láta ameríska hermenn
halda á brott, skal nú byggja 468 íbúðir
yfir þá á Keflavíkurflugvelli, við viðbótar
þeim, sem þar eru. Það á vafalaust að taka
íslenskt vinnuafl frá því að byggja yfir Is-
lendinga og láta það fara að byggja yfir
Bandaríkjamenn. Þetta vekur vafalaust fögn-
uð hjá Aðalverktökum Ihalds og Framsókn-
ar, því þeim mun finnast það betri „business"
að byggja yfir útlendinga en „innfædda". Og
ekki þarf að efa að Kaninn borgi vel. —
í skeyti til Morgunblaðsins er talað um tæpa
2 miljarði króna. — Hann telur sig sleppa
svo ódýrt á íslandi að hann munar ekki um
að gera vel við fyrirtæki Framsóknar og
Ihaldsins.
3. Svo á að aðskilja flugstarfsemina og
njósnastarf Bandaríkjahers með byggingu
nýrrar flugstöðvar. Líklega biður ríkisstjórnin
Bandaríkjastjórn um aura fyrir hana. „Wash-
ington Post" taldi Bandaríkjamenn mundu
verja 7 miljörðum króna til slíks og Morg-
unblaðið birti þá frétt með miklum fögnuði.
— Hvað satt er um upphæðina mun síðar
koma í ljós. En vafalaust verður þarna líka
um góðan gróða að ræða fyrir Aðalverktaka
Ihalds og Framsóknar.
Líklega er þetta aðeins byrjun á nýjum
„viðskiptum" afturhaldsstjórnarinnar við
Bandaríkjaher. Ef að kreppir um fé fyrir rík-
isstjórnina, er hættan sú að hún reyni að
bjarga sér með „betlidölum" sem „helminga-
skiptastjórn" sömu flokka áður. Ef til vill á
íslenska hernámsliðið eftir að snúa sér enn
betur að Bandaríkjastjórn, segjandi í anda
það, sem vísuorð Einars Benediktssonar birtu
forðum, en auðvitað með fegurri orðum við
stjórnina, sem kennd er við Watergate-njósn-
ir og Vietnamstríð:
„Ó djöflar, ég sver, ég er leigður of lágt ,
ég, lifandi myndin af Islands svívirðing."