Réttur - 01.01.1978, Blaðsíða 42

bera hið sameiginlega nafn Stofnun
marxismans-leninismans og heyrir undir
miðstjórn SED.
í þessari voldugu og fróðlegu stofnun
eru margar deildir svo sem: Marx-Engels-
deildin, Lenin-deildin, Saga þýsku verk-
lýðshreyfingarinnar fram að 1945 — og
önnur fyrir söguna síðan.
Ennfremur er þarna deild fyrir Al-
þjóðahreyfinguna og hefur stofnunin á-
gætt samstarf, eigi aðeins við svipaðar
stofnanir í sósíalistísku löndunum - ekki
síst þá í Moskvu, sem sagt var frá í Rétti
19761 - heldur og við samsvarandi stofn-
anir í auðvaldslöndunum, t. d. á Norður-
löndum, en skjalasöfn verklýðshreyfing-
arinnar þar eru mörg ágæt.
Þá er og sérstök deild, er fjallar um
vísindalegan kommúnisma og hin ýmsu
vandamál varðandi hann.
Bókasafn stofnunarinnar er með ágæt-
um, meðal annars fjöldi bóka, sem nú
eru orðnar gersamlega ófáanlegar og
geymdar eru í sérstökum eldtryggum
hluta hússins. Svo er og um skjölin, sér-
staklega hin gömlu varðandi verklýðs-
hreyfinguna og ná þau alveg aftur til
1830. Þarna er að finna vegabréf, útgefið
handa Karl Marx í París 24. ágúst 1849,
bréf frá Engels, greinahandrit Rósu Lux-
emburg og þannig mætti telja endalaust,
skjölin skipta tugum þúsunda. Þarna eru
og - auk opinberra endurminninga -
mikill fjöldi bréfa, frásagna um, endur-
42