Réttur - 01.01.1978, Page 64

„Ægi-arfur“ Víetnam
Það er nú fyrst að koma í ljós, hvílík
ógn og tortíming það var, sem Banda-
ríkjaher olli þjóð og landi Víetnam. Þau
níðingsverk, sem ríkasta þjóð heims vann
þar á einni fátækustu þjóð veraldar, mega
aldrei gleymast (þó svo íslenska ríkisút-
varpið þreytist ekki á að birta þá frétt, að
Bandaríkjamenn geri enn kröfur til að
vita um afdrif allra morðingja, sem þeir
sendu þangað).
Samkvæmt yfirlýsingu öldungadeildar
Bandaríkjaþings höfðu þegar 1973 - og
þá var enn eftir lþá ár af stríðinu — fallið
tvær millj. af 18 milljónum, sem voru
íbúar Suður-Víetnam. Af 500.000 skráð-
um föngum, er særst höfðu illa, hafði út-
limur verið tekinn af 166 þúsund og 60
þúsund voru blindir.
Meir en tíu milljónir íbúa Suður-Víet-
nam höfðu verið fluttir eða reknir frá
heimilum sínum.
Allt mannfélag þessara 18 millj. íbúa
Suður-Víetnams var sett úr skorðum af
þessum ægilega árásarher Bandaríkja-
manna. Af þeim, sem eltir lifðu í Suður-
Víetnam 1945 voru:
Ein milljón kvenna ekkjur,
800.000 munaðarlaus börn,
500.000 konur, sem höfðu neyðst til
og vanist á að selja sig,
500.000 eiturlyljasjúklingar,
þrjár milljónir atvinnuleysingja,
þrjár milljónir ólæsar og óskrifandi.
Þetta var „arfurinn“ í Suður-Víetnam.
Forustumenn í Norður-Víetnam hafa
ekki veitt nákvæmar upplýsingar um allt
það tjón, er Bandaríkin ollu þeim. Þó
eru eftirfarandi staðreyndir kunnar:
2,5 millj. smálesta af sprengjum var
varpað á Norður-Víetnam, þar sem
bjuggu 20 millj. manna. Það er fimmt-
ungi meir en varpað var alls niður í allri
síðari heimsstyrjöldinni bæði í Evrópu
og í Austurlöndum.
Þannig jöfnuðu flugmenn Bandaríkj-
anna þrjár af sex stórborgum Norður-
Víetnams við jörðu, eyðilögðu allar 29
höfuðborgir fylkjanna (12 af þeim alger-
lega) - vörpuðu sprengjum á 96 af 106
borgum héraðanna og á tvo þriðju af
þeim 6000 þorpum, sem þar voru. Hve
mikið féll af íbúunum liefur ekki verið
tilkynnt,. Það er að líkindum meira en
það, sem féll í Suður-Víetnam. í suður-
hluta Norður-Víetnams, sem var breytt í
eyðimörk með sprengjuregni, dó fjórð-
ungur íbúanna.
64