Réttur - 01.01.1978, Qupperneq 68

ir flokkurinn þeim, sem og öllum starfs-
mönnum flokksins, þar með flokksfor-
manninum George Marchais, laun, sem
samsvara launum „faglærðs verkamanns
í Parísar-umdæmi“, sem nú er um 4000
frankar (220.000 ísl. kr.).
3. Gjafir og styrkir til flokksins við
safnanir og sérstakar „hátíðir“ eins og t.
d. „L’Humanite" (blað flokksins) — en
síðasta blað-hátíð ávann flokknum liálfa
milljón franka (27 milljónir ísl. kr.).
Rekur Spiegel ýtarlega hve mikið flokkn-
um áskotnast við slíkar safnanir og fundi.
4. Þá er og talið að flokkurinn eigi auk
bóka- og blaðaútgáfna 25 prentsmiðjur,
kvikmyndafélag og margar bókaverslan-
ir. Trúlega á hann og ýms fyrirtæki, sem
afla honum fjár, þótt ekkert sé látið uppi
um það.
Margt er í þessum upplýsingum, sem
læra má af hér heima.
Frakkland
Frönsku þingkosningarnar sýndu hve
afskaplega mjótt er á mununum milli
borgaraflokkanna annars vegar og verk-
lýðsflokkanna hins vegar. í fyrri umferð-
inni, þegar fylgi flokkanna kemur skýrt
fram fá flokkar vinstri — bandalagsins,
sem hér segir: Sósíalistar 22,5%, Komm-
únistar 20,5%, en lítil flokksbrot vinstra
megin við það fengu: annað þeirra 3,3%,
hitt 1,1% og þannig voru alls vinstri at-
kvæði 49,5%. - í síðari umferðinni fékk
vinstra bandalagið 49,29%. Flokksbrotin
litlu kusu mestmegnis með þeim.
Stjórnarflokkarnir fengu í fyrri um-
ferð 50,5%, og síðari 50,49%. En sakir
afar rangláts kjördæmaskipulags fengu
stjórnarflokkarnir mikinn þingmeiri-
hluta. En þingkosningarnar sýna styrk-
leika verklýðsflokkanna, er vekur ótta
franska auðvaldsins.
Bretland
Vinstri armur Verkamannaflokksins
breska, sem kenndur er við tímarit sitt,
„Tribunehefur samþykkt stefnuyfir-
lýsingu þar sem krafist er varanlegs
bandalags sósíalista og kommúnista í
Vestur-Evrópu. Var sú stefnuyfirlýsing
samþykkt einróma og rökstudd með
nauðsyninni á ]dví að varðveita sjálfstæði
ríkjanna í Vestur-Evrópu gagnvart báð-
um risaveldunum. Fordæmir yfirlýsing-
in afskipti Carters af innanríkismálum
Ítalíu.
Madagaskar
Madagaskar er eitt af fjórum stærstu
eylöndum heims, sex sinnum stærra en
Island, um 600 jrús. ferkílómetrar. Ibúar
um 8 milljónir.
Árið 1642 hófu Frakkar að leggja und-
ir sig eyna, en það tók þá tæp 250 ár að
brjóta hina stoltu þjóð á bak aftur og
gera landið að nýlendu sinni. 1896 barði
franskur her undir stjórn Gallíeni liers-
höfðingja uppreisn eyjarskeggja niður.
Var það blóðbað hræðilegt og hvað eftir
annað var slíkri hörku beitt til að ,,friða“
nýlenduna.
Árið 1947 var ein slík uppreisn að vísu
barin niður, en nú leið brátt að lokum
nýlendudrottnunarinnar: 1972 sigruðu
eyjarskeggjar endanlega eftir að hafa ]ró
notið formlegs sjálfstæðis frá 1960. Tóku
nú allróttækir alþýðu- og þjóðfrelsis-
68