Réttur - 01.04.1982, Qupperneq 51

ar hinna ólíkustu skoðana, taki höndum
saman um að knýja hina heimsvaldafíknu
auðdrottnaklíku Mammonsríkis Ameríku
til að ganga að allsherjarstöðvun á fram-
leiðslu kjarnorkuvopna og síðan gereyð-
ingu þeirra hjá öllum þjóðum.
Þjóðirnar og mannkynið í heild eiga
oft á úrslitastundum ótrúlega mikið undir
viti og dirfsku einstakra manna komið,
þótt hinsvegar slíkir eðliskostir forustu-
manna komi því aðeins þjóðunum að
notum að það takist að virkja fjöldann
sjálfan til að framkvæma hinar djörfu og
miklu hugmyndir og skapa þar með sög-
una.
SKÝRINGAR:
1. f „Rétti“ 1972 á bls. 82-85 er ævi Dimitroffs
rakin nokkuð í sambandi við að 90 ár voru þá
liðin frá fæðingu hans. Vonast „Réttur“ til að
geta síðarr rakið ævisögu hans betur, þótt þess
sé ekki kostur nú af sérstökum ástæðum.
2. Um samfylkinguna gegn nasismanum er ritað
ýtarlega í Rétt 1975, bls. 119-131. Skal
sérstaklega bent á þá grein, bæði hvað snertir
breytinguna á stjórnlist Kommúnista 1935 og
svo þróun þá, sem varð í styrjöldinni 1939-45
og leiddi til falls nasismans.
115