Réttur - 01.04.1982, Blaðsíða 6

(■iiAimindiir Þ. Jnnsson
því að fyrirhugað byggingasvæði við
Rauðavatn mundi reynast dýrt og erfitt í
uppbyggingu. Skortur á leiguhúsnæði eða
húsnæði sem hægt er að eignast með
viðráðanlegum kjörum er einnig vandamál
sem ekki er hægt að leysa á fjórum árum, en
þar er þegar hafin breyting til batnaðar
vegna hinna nýju laga um húsnæðismál sem
Alþýðubandalagið lagði mikið kapp á að
koma i gegnum þingið og til framkvæmda.
Ég hef hér á undan rakið ýmis atriði sem
gerðu stöðu Alþýðubandalagsins erfiða í
borgarstjórnarkosningunum, en ekki rakið
þau margvislegu mál sem Alþýðubandalagið
mátti vera stolt af og hefði átt að gefa því
aukið fylgi. Það hef ég áður gert i greinum í
Rétti. Mér er efst í huga sú staðreynd
kosninganna að alltof margir kjósendur
yfirgáfu Alþýðubandalagið og er að leita svara
við spurningunni um það hvers vegna þetta
gerðist.
Sigurvegararnir
Þeir sem voru óánægðir með Alþýðu-
bandalagið áttu tvær greiðar flóttaleiðir.
Fyrir þá sem kusu Alþýðubandalagið 1978 til
að hegna Sjálfstæðisflokki og Framsóknar-
flokki vegna kaupránslaga lá nú leiðin opin
til Sjálfstæðisflokksins sem var án ábyrgðar
á stjórn land og borgar. Flokkurinn var
nokkuð hávær í kosningabaráttunni,
boðaði lækkun á skattheimtu borgarinnar,
og í þeim herbúðum ríkti fögnuður vegna
þess að flokknum tókst að bjóða fram í einu
lagi og yfirvofandi klofningi var afstýrt. Það
skipti ekki máli þótt flokkurinn hefði haft
næsta litið til málanna að leggja í
stjórnarandstöðunni í borgarstjórn og
borgarstjóraefnið væri ekki öllum að skapi,
flokkurinn hafði byrinn og sterka fjölmiðla
með sér.
Fyrir óánægða vinstrisinna var kennafram-
boð lausnin þó að aðstandendur þess fram-
boðs vildu ekki vita mun á hægri og vinstri í
kosningabaráttunni. Kvennaframboðið átti
rætur sínar í óþoli og óánægju kvenna sem
sætta sig ekki við hve hægt samfélaginu miðar
fram á við í átt til jafnréttis. Konur á íslandi
eru mun fámennari bæði í sveitarstjórnum og
og á þingi en konur í nágrannalöndum og m.a.
þess vegna átti hugmyndin um kvennafram-
boð strax i upphafi töluverðan hljómgrunn.
Hópurinn sem að framboðinu stóð viðhafði
aðlaðandi vinnubrögð og fékk auðveldlega
konur sem telja sig ekki hafa áhuga á að
70