Réttur - 01.04.1986, Page 17

Landsbanki íslands
100 ára
Landsbanki íslands er nú orðinn aldar-
gamall, hóf starfsemi sína 1. júlí 1886 í
hlaðna steinhúsinu, neðsta húsi Banka-
strætis norðan megin. Verður afmælisins
minnst með hátíðahöldum og útgáfu
hverskonar, m.a. minningarrits.
Þegar braskalda mnstaklingshyggjunn-
ar reis hæst um aldamótin 1900, vildu
ýmsir braskarar leggja þjóðbanka íslands
niður og færa hann einstökum fésýslu-
mönnum sem fórn. Þá gerðust þau tíðindi
að Magnús Stephensen landshöfðingi sner-
ist algerlega öndverður gegn þessu tiltæki
að rífa úr höndum ríkisins eina dýrmæt-
ustu eign þess — og bjargaði hann Lands-
bankanum í þessari hættulegu ásókn rís-
andi peningavalds.
Síðan hafa stormar oft leikið um
Landsbankann, hvassir stjórnmála- og
kreppuvindar, en hann hefur staðið þá
alla af sér, unnið stórvirki í eflingu at-
vinnuveganna og er nú langstærstur og
sterkastur bankanna á landi voru, næst-
um jafnsterkur öllum hinum.
En þess er brýn þörf að þjóðin standi
vörð um þessa miklu og voldugu sameign
sína, því ásókn einkabrasksins er mikil
nú, svo næst gengur’trúarofsa stundum.
Og peningavald einstakra auðfélaga er
nú orðið meira en verið hefur nokkru
sinni fyrr í sögu lands vors.
A aldarafmæli Landsbanka íslands þarf
þjóðin að strengja þess heit að varðveita
þessa sameign þjóðarinnar, efla hana og
bæta, og láta aldrei takast að svipta þjóð-
ina þessari sameign sinni.