Réttur - 01.04.1986, Page 38

Margrét Auðunsdóttir form. 1956-1972.
ekki auðhlaupaverk að fá á þessum árum
allar stúlkur á viðkomandi vinnustöðum
inn í verkalýðsfélag, en á þessum árum
var ekki lagaleg skylda að vera í verka-
lýðsfélagi né nokkur ákvæði um samn-
ingsrétt stéttarfélaga fyrir meðlimi sína.
Það þurfti mikið útbreiðslustarf og langur
tími leið þar til þroski og stéttvísi starfs-
stúlkna náði því marki að þær gengju al-
mennt í sitt stéttarfélag. Nánar verður
síðar vikið að vandamálum vistráðinna
stúlkna.
í lögum voru ákvæði um að félagið
héldi minnst sex fundi á ári, en árgjald
var ákveðið 5 krónur, en inntökugjald 1
kr. Nokkur ágreiningur var innan félags-
ins um það, hvort félagið ætti að sækja
um inngöngu í Alþýðusamband íslands
og var á framhaldsstofnfundinum kjörin
þriggja manna nefnd til .að kanna það
mál.
Félagsstarfið og fyrstu
samningarnir
Fundargerðirnar fyrsta hálfa árið
benda til þess að félagsstarfið hafi verið
mjög blómlegt og farið vel af stað. Á ár-
inu 1934 eru haldnir sjö fundir og sóttu þá
14-26 stúlkur hverju sinni. Voru fjörugar
umræður um á hvern hátt mætti efla fé-
lagið og í því skyni kosnar útbreiðslu- og
skemmtinefndir. Eitt skemmtikvöld var
haldið í nóvember og græddi félagið þá 58
krónur, en auk þess gengu nokkrar stúlk-
ur í félagið það kvöldið. Aftur á móti
virðist erfiðlega hafa gengið að innheimta
félagsgjöld af starfsstúlkum og einróma
samþykki í lok ársins að innheimta að
þessu sinni aðeins hálft árgjald enda hafði
félagið verið stofnað á s. hl. ársins. En það
var nokkuð einkennandi á þessum árum
(eins og enn) að erfiðlega gengi að inn-
heimta félagsgjöld. Þau mál sem helst
voru á dagskrá fundanna voru stytting
vinnudagsins, aðild að ASÍ, vandamál
vistráðinna stúlkna og samningur við
landspítalanefndina. En fleiri mál bar á
góma
Þann 14. september er tekið fyrir sem
þriðja mál fundarins „Menntun andleg og
líkamleg fyrir félagskonur“. Málshefjandi
var Aðalheiður Hólm. Svo segir í fundar-
gerð:
„Leitaði hún eftir áliti fundarins um
það hvort ekki væri æskilegt að félags-
stúlkur leituðu fyrir sér um ódýra
tímakennslu í ýmsum greinum, svo
sem leikfimi og tungumálum o. fl. En
102