Réttur - 01.08.1975, Page 2

hagslegt sjálfstæði þjóðarinnar. Hún svarar öllum kauphækkunum verka-
fólks með taumlausum verðhækkunum í stað þess að láta kauphækkanirnar
knýja atvinnurekendur til stöðugra endurbóta á rekstri, betri skipulagningu
o. s. frv. Þar sem útgerð og iðnaður hafa andstæða hagsmuni við dýrtíðar-
braskarana, veitir hún þeim gengislækkanir til að láta þessar undirstöðu-
greinar ekki stöðvast — og þannig koll af kolli. Og eins og hún sýnir verka-
lýðnum hörku í viðskiptum, eins er hún ekkert nema undirlægjuhátturinn,
ef erlendir auðdrottnar eiga í hlut, jafnt í landhelgisdeilu sem stóriðjumálum.
Þessa ÓÐA-verðbólgu verður að stöðva. Þessa óstjórn verður að fella.
Efnahagslegu sjálfstæði þjóðarinnar verður að bjarga. Lífskjör verkalýðsins
verður að stórbæta og tryggja. Það afrek verður fyrst og fremst að vera
verk alþýðunnar sjálfrar. Samtök hennar og stjórnmálaflokkar hennar verða
að taka höndum saman til að vinna það verk og jafnframt verður alþýðan að
heita á öll ábyrg öfl í landinu hvar í flokki sem þau hafa staðið eða standa,
að veita henni lið til þess að stöðva óheillaþróunina, binda enda á óstjórn-
ina og leggja grundvöll að sterkri stjórn, er rétti við lífskjör alþýðu, skapi
festu í efnahag og undirstöðuatvinnuvegi þjóðarinnar, en skeri niður það
hrófatildur brasksins, sem hrúgað hefur verið upp og íþyngir öllu atvinnu-
lífi og lífskjörum. Og það mun sýna sig sem fyrr að án raunverulegs áætlun-
arbúskapar og yfirstjórnar á utanríkisverslun landsmanna verður ekki hægt
að ráða bót á verðbólgu og koma viðskiptum landsins og efnahag á réttan
kjöl.
Það er því mikið fagnaðarefni, er öll stjórn Alþýðusambands íslands lýsir
nýlega yfir því að berjast verði við orsakir verðbólgunnar, m. ö. orðum heyja
pólitíska baráttu og eigi aðeins faglega, — og er forseti Alþýðusambandsins
síðar fylgir þessu eftir með því að leita samstarfs við verklýðsflokkana og
önnur þau stjórnmálaöfl, er styðja vilja verkalýðshreyfinguna í slíkri baráttu.
o*o
Réttur þakkar að þessu sinni áhugamönnum um útbreiðslu hans og velunn-
urum fyrir hina miklu aukningu áskrifenda sem orðið hefur síðustu mánuði.
Eru nú áskrifendur orðnir jafnmargir þeim eintakafjölda, er prentaður hefur
verið. Verða því héðan af prentuð 20% fleiri eintök en hingað til. Munu
útgefendur kappkosta að gera Rétt fjölbreyttari og helst stærri en verið
hefur. Réttur heitir á alla áskrifendur þá, sem enn hafa ekki greitt hið lága
askriftargjald fyrir yfirstandandi ár, að gera það, sem allra fyrst, því fjár-
hagsgrundvöllur þessa árs er enn slæmur. Jafnframt heitir Réttur á velunnara
sína að herða nú enn á með söfnun áskrifenda eftir svo ágæta skorpu, sem
nú hefur verið gerð.