Morgunblaðið - 08.01.2006, Blaðsíða 8

8 SUNNUDAGUR 8. JANÚAR 2006 MORGUNBLAÐIÐ
FRÉTTIR
Bruninn í flugelda-geymslu Hjálpar-sveita skáta í
Hveragerði á gamlársdag
vakti umræðu í fjölmiðlum
um hvort og hversu mikil
hætta stafar af flugelda-
sölum og flugeldageymsl-
um í þéttbýli. Ljóst er að
tugmilljóna króna tjón
varð vegna brunans en það
sýndi sig að reglugerð um
flugelda var fylgt eftir til
hins ýtrasta og eldvarnar-
veggir í húsnæðinu vörn-
uðu því að eldurinn
breiddist frekar út og ylli
enn meira tjóni. Ólafur Magnús-
son, deildarstjóri á forvarnasviði
Slökkviliðs höfuðborgarsvæðisins,
segir að í Hveragerði hafi sést að
ákvæðin virka sem unnið er eftir
þegar reynt er að tryggja öryggi
við geymslu á flugeldum. Þrátt
fyrir það segir Ólafur að verulega
þurfi að endurskoða reglugerðina
og til dæmis herða reglur sem lúta
að geymslu flugelda. Hjá slökkvi-
liðinu er almenn ánægja með sam-
vinnu við innflutnings- og sölu-
aðila flugelda og hefur ástandið
breyst talsvert frá því sem áður
var. Ábendingum slökkviliðsins er
vel fylgt eftir og sjaldan ósætti
varðandi ákvarðanir, s.s. að taka
óviðunandi vörur úr umferð. Ólaf-
ur óttast því ekki að upp spretti
ósætti þótt reglur um skotelda, og
geymslu þeirra, yrðu hertar.
Ólafur hefur séð um flugelda-
mál slökkviliðsins um árabil og fór
meðal annars til Kolding í Dan-
mörku í desember árið 2004, rúm-
um mánuði eftir eldsvoðann mikla
sem varð af völdum skotelda. Með
honum í för voru Magnús Viðar
Arnarsson, stjórnarmaður hjá
Slysavarnafélaginu Landsbjörgu
og Óskar Bjartmarz, varðstjóri
hjá lögreglunni í Reykjavík. Þar
kynntu þeir sér hvað hægt væri að
læra af eldsvoðanum í Kolding.
Meðal niðurstaðna var að skot-
eldalager skuli vera í viðurkenndri
stakstæðri byggingu þar sem að-
stæður séu sérhannaðar til
geymslu flugelda, fjarri byggð.
Landsbjörg er stærsti innflytj-
andi skotelda á Íslandi og er með
lager fyrir á nokkrum stöðum á
höfuðborgarsvæðinu, s.s. á Malar-
höfða og Stórhöfða. Þar eru m.a.
afgangsflugeldar geymdir. Jón
Viðar Matthíasson, slökkviliðs-
stjóri á höfuðborgarsvæðinu, segir
enga launung að betur megi gera
við þessi geymsluhúsnæði. Í kjöl-
far óhappa erlendis, s.s. í Kolding,
hefur verið skoðað hvað hægt sé
að gera og fyrir liggja tillögur að
húsnæði.
Leitað að staðsetningu
Jón Viðar segir mikilvægt að
áhættumat fari fram á húsnæðinu
en ekki síst svæðinu í kring en
hægt hefur gengið að finna heppi-
lega lóð. „Það er verið að leita að
staðsetningu og Landsbjörg hefur
meðal annars rætt við sveitar-
félögin á höfuðborgarsvæðinu um
stað,“ segir Jón Viðar en mikil-
vægt er að íbúðabyggð verði ekki
risin upp í næsta nágrenni við lag-
erinn á næstu árum.
„Menn eru að hugsa svona tíu til
fimmtán ár fram í tímann og það
sem aðallega er verið að einbeita
sér að núna er heppilegt svæði
sem er langt frá byggð en samt
inni á skipulögðu svæði.“
Á meðal svæða sem nefnd hafa
verið er hraunið í Hafnarfirði, sem
þykir henta vel, en hins vegar hef-
ur ekkert verið samþykkt í þeim
efnum. Vilji er innan Landsbjarg-
ar til að hefja framkvæmdir við
húsnæðið sem fyrst og jafnvel er
vonast eftir að hægt verði að taka
húsnæðið í notkun fyrir næstu
áramót, enda þykir ekki með öllu
óhætt að vera með flugeldalager
inni í byggð, og á mörgum stöðum.
„Við teljum að ef samstaða næst
um góða staðsetningu á þar til
gerðu húsi, þar sem farið hefur
fram áhættumat á allri umgjörð-
inni, þá sé verið að stíga risa-
skref,“ segir Jón Viðar en bætir
við að líklega sé sögulegt lágmark
af afgangsflugeldum í ár þar sem
metsala var og loka þurfti nokkr-
um sölustöðum á gamlársdag þar
sem vörur kláruðust.
Mikið eftirlit með
sölustöðum
Um 80% af flugeldasölu fara
fram á síðustu tveimur dögum árs-
ins og eru sölustaðir með mikið
magn af flugeldum í boði. Strang-
ar reglur eru gerðar til sölustaða
en að mati slökkviliðsins ætti jafn-
framt að herða þær.
Slökkviliðið er eftirlitsaðili á
sölustöðunum og fylgist afar vel
með þeim undir lok desember.
Einnig er farið mjög vel í gegnum
húsnæði áður en starfsleyfi eru
veitt og til dæmis þarf viðkomandi
tryggingafélag að gefa leyfi sitt
fyrir sölunni. Ýmsar kröfur eru þá
gerðar til húsnæðisins, s.s. að hafa
dyr sem liggja beint út undir bert
loft, dyr skulu opnast út, vera með
pumpum og opnast án þess að
snúa þurfi hurðahúnum.
Jón Viðar segir margt hafa
breyst til batnaðar á sölustöðum
síðan hann hóf störf fyrir fjórtán
árum. Þá hafi slökkviliðið oft þurft
að bregðast við og bjarga öryggis-
atriðum. Hann segist finna meira
fyrir því í dag að söluaðilar séu
meðvitaðir um að það sé öryggið
sem gildi, aðilar séu meðvitaðir
um hættuna sem fylgir og beri
boðskapinn áfram til neytenda.
Fréttaskýring | Flugeldar geymdir
á höfuðborgarsvæðinu milli ára
Húsnæðismál
standa til bóta
Vonast til að Landsbjörg geti tekið í
notkun nýja flugeldageymslu á árinu
Íslendingar eru með eindæmum skotglaðir.
Endurskoða þarf tveggja
ára reglugerð um skotelda

Slökkviliðsstjóri höfuðborgar-
svæðisins segir reglugerð um
skotelda, sem samþykkt var fyrir
rétt rúmum tveimur árum, vel
unna og góða til síns brúks. Hins
vegar ætti að endurskoða hana á
tveggja til þriggja ára fresti í
ljósi reynslu af óhöppum tengd-
um flugeldum. Bent hefur verið
á, meðal annars í ljósi brunans í
Hveragerði á gamlársdag, að
tímabært sé að herða kröfur um
geymslu á flugeldum.
Eftir Andra Karl
andri@mbl.is
FJÓRIR sendiherrar létu af störf-
um um áramót að eigin ósk. Þetta
eru Jón Baldvin Hannibalsson,
Kjartan Jóhannsson, Sveinn Á.
Björnsson og Helgi Gíslason.
Jón Baldvin var sendiherra í
Helsinki 2003–2005 og sendiherra
í Washington 1998–2003. Kjartan
var sendiherra í Brussel 2002–
2005, starfaði í ráðuneytinu 2000–
2002, var aðalframkvæmdastjóri
EFTA 1994–2000 og sendiherra
og fastafulltrúi í Genf 1989–1994.
Sveinn hóf störf í utanríkisþjón-
ustunni 1988 en hafði þá starfað í
18 ár í viðskiptaráðuneytinu.
Hann starfaði í sendiráðum og
fastanefndum í París, Strassborg
og Washington og var um skeið
fastafulltrúi gagnvart FAO í Róm
með búsetu á Íslandi.
Helgi var prótókollstjóri í utan-
ríkisráðuneytinu. Hann hóf störf í
utanríkisþjónustunni 1970 og hef-
ur starfað í sendiráðum og fasta-
nefndum í París, Brussel, New
York, Moskvu og Kaupmanna-
höfn.
Fjórir sendiherr-
ar nýlega hættir
STÆRSTI hluti heimila á Vest-
fjörðum kaupir rafmagn til húshit-
unar. Heimilisrafmagn og rafmagn
til húshitunar er að meðaltali 40
þúsund kílówattstundir á ári, sam-
kvæmt upplýsingum sem Kristján
Haraldsson, orkubússtjóra Orku-
bús Vestfjarða veitti Morgun-
blaðinu.
Sérstaða svæðisins er því tölu-
verð vegna þessarar miklu raf-
orkunotkunar til húshitunar og
fastagjaldsins sem greitt er.
Prósentusamanburður segir því
ekki alla söguna þegar gjaldskrár
vegna raforkusölu til heimila eru
bornar saman, að mati Kristjáns.
Eins og fram kom í Morgunblaðinu
á miðvikudag leiðir samanburður
á söluhluta gjaldskráa orkuveita
fyrir raforkusölu m.a. í ljós að þær
lækkuðu hjá öllum veitum frá ára-
mótum nema Orkuveitu Reykja-
víkur og Orkubúi Vestfjarða.
Nokkur munur er einnig á hæsta
og lægsta verði miðað við tiltekna
ársnotkun.
Mikil orka vegna
húshitunar
BORGARRÁÐ Reykjavíkur hefur
samþykkt breytingu á deiliskipu-
lagi vegna veitingaskálans Naut-
hóls í Nauthólsvík. Engar athuga-
semdir bárust þegar deiliskipulags-
breytingin var auglýst í haust.
Að sögn Dags B. Eggertssonar,
formanns skipulagsráðs Reykjavík-
ur, verður reist nýtt veitingahús í
stað þess sem nú hýsir veitinga-
húsið Nauthól og á sama stað. Nýja
húsið verður í öðrum stíl en núver-
andi bygging og í betra samræmi
við umhverfið, í svipuðum stíl og
bað- eða strandhúsið við ylströnd-
ina í Nauthólsvík. Meginbyggingin
verður af svipaðri stærð og núver-
andi veitingahús en auk hennar
verður bætt við litlum sal. Þá verð-
ur rúmgóður sólpallur eða verönd
við húsið þar sem verður veitinga-
aðstaða undir berum himni.
„Þetta nýtist þeim sem stunda
þarna útivist, ganga um stígana og
heimsækja ylströndina,“ sagði
Dagur. „Þetta er liður í að gera
borgina skemmtilegri og styðja við
heilbrigða útiveru. Þannig séð er
þetta hluti af heilsuborginni
Reykjavík.“
Tölvugerð mynd af fyrirhuguðu veitingahúsi sem reisa á við Nauthólsvík á næstunni.
Nýtt veitingahús verður
byggt í Nauthólsvík