Morgunblaðið - 08.02.2006, Blaðsíða 27
MORGUNBLAÐIÐ MIÐVIKUDAGUR 8. FEBRÚAR 2006 27
UMRÆÐAN
SUÐURLANDSVEGUR, frá
Reykjavík að Selfossi, er í herkví
malar- og vöruflutningabíla. Veg-
urinn er hernuminn af endalausum
röðum bíla af öllum
gerðum; fólksbílum,
jeppum, hrossaflutn-
ingabílum, steypubíl-
um, húsbílum, bílum
með kerrur, bílum
með húsvagna, hæg-
fara bílum og hrað-
fara. Það gæti verið
umdeilanlegt að kalla
hann þjóðveg. Samt
er hann það á vega-
kortum. – Suður-
landsveg um Hellis-
heiði köllum við óveg,
hættulega slysa-
gildru, þar sem bílar skemmast og
eyðileggjast í hverri viku, fólk
slasast og lætur lífið.
Aldrei hefur ástand vegarins
verið eins slæmt og nú. Við, sem
höfum ekið þennan veg um ára-
tuga skeið, höfum ekki séð hann í
eins ömurlegu ástandi og þessar
fyrstu vikur ársins. Víða er mal-
bikið eins og gatasigti, einkum á
háheiðinni. Axlir brotnar frá vegi,
ökurásir grafnar, merkingar illsjá-
anlegar. Stóru flutningabílarnir
ausa fossum af vatni eða snjó-
slabbi með sandi yfir hvern þann
bíl, sem mætir þeim. Litlir og létt-
ir bílar fleyta kerlingar í vatns-
rásum, sem nagladekkin hafa graf-
ið.
Í hlýindum vetrarins hefur þétt,
þung og svört þoka legið á heið-
inni. Þá aka sumir ofurhægt, aðr-
ir, sem telja sig sjá betur í þoku,
skrönglast fram úr, stundum upp
á von og óvon. Gul götuljós hefðu
hjálpað, en vel viti bornir sérfræð-
ingar í vegamálum fullyrða að
ekki sjáist betur í birtu en í
myrkri. Breytingar, sem gerðar
hafa verið á veginum síðustu miss-
erin, kunna að vera til bóta – og
þó. Meti hver sem um veginn ek-
ur.
Auk allrar almennrar umferðar,
þurfa malarflutningabílar að kom-
ast inn á veginn við
Ingólfsfjall, við
Þrengslaafleggjarann
og ofan við Sandskeið.
Allar góðar vættir
gæti bílstjóra þeirra;
láti þá halda vöku
sinni og skjótum við-
brögðum. Þeir eru
ekki öfundsverðir að
aka tugum tonna á
stórum bílum eftir
vegi, sem hefur enga
burði til að standa
undir þjóðvegarheit-
inu.
En hvað er að? Vegamál Suður-
lands, og þá sérstaklega veg-
arkaflinn frá Reykjavík til Selfoss,
er öllum ráðamönnum samgöngu-
mála til vansa. Hægt er að spyrja:
Fara þeir svo sjaldan um þennan
veg, eða hafa þeir ekki hörku odd-
vita vegakerfisins, sem nú skipu-
leggja milljarða Héðinsfjarð-
argöng. Hvað er að?
Sunnlendingar njóta ekki ávaxta
virkjana í landsfjórðungnum,
mestu virkjana landsins. Þeir
njóta ekki þeirra miklu fjármuna,
sem þeir greiða í ríkissjóð í formi
skatta fyrir að eiga bíla, sem þeir
aka um lélega vegi og brýr. Þeir
njóta tæplega gróskumestu land-
búnaðarhéraða landsins.
Suðurlandsvegur ber ekki um-
ferð aukinnar bifreiðaeignar
landsmanna, ekki umferð þeirra
einstaklinga, sem sækja vinnu til
Reykjavíkur og austur yfir Fjall.
Hann ber ekki umferð malarbíla,
sem þjóna mestu framkvæmdum
Íslandssögunnar á höfuðborg-
arsvæðinu. Hann ber ekki vaxandi
umferð vegna virkjanafram-
kvæmda á Hellisheiði. Hann ber
ekki umferð stöðugt stækkandi
hóps Reykvíkinga, sem á sum-
arhús á Suðurlandi. Hann ber ekki
umferð nýrra þegna vaxandi sveit-
arfélaga austan Hellisheiðar og
ekki aukna umferð hestamanna
með hrossin sín. Og hann ber ekki
umferð flutningabíla, sem hefur
margfaldast eftir að sjóflutningar
voru aflagðir. – Svo einfalt er það.
Fólkið, sem ekur um Suður-
landsveg, um Hellisheiði og þjóð-
vegi landsins, greiðir tugi millj-
arða á hverju ári í ríkissjóð í formi
bifreiðaskatta. Íbúar á Suðurlandi
gera kröfu til þess að hluti skatt-
tekna ríkisins af bifreiðum þeirra,
verði notaður til að gera Suður-
landsveg ökufæran í þeim skiln-
ingi, að reynt verði að draga úr
slysahættu og að það flokkist ekki
undir fífldirfsku að aka hann. Veg-
inn verður að tvöfalda í báðar átti
og lýsa með björtum götuljósum.
Svo er okkur alveg sama úr hvaða
flokki ráðherrann verður, sem
eignar sér umbæturnar.
Við viljum bara að kjörnir
fulltrúar á Alþingi og allir ábyrgir
forystumenn samgöngumála lyfti
af sér huliðshjálmi og vakni til
starfa og skilnings á nauðsyn
góðra samgangna. Þeir gætu tekið
Rómverja hina fornu sér til eft-
irbreytni. Þeir vissu að ríki þeirra
gat aldrei orðið skilvirkt, sterkt og
voldugt án góðra samgangna.
Þessi staðreynd gildir líka hér.
Hellisheiði í hers höndum
Árni Gunnarsson
fjallar um vegabætur ’Veginn verður að tvöfalda í báðar áttir og
lýsa með björtum
götuljósum.‘
Árni Gunnarsson
Höfundur er fv. alþingismaður.
HELSTA stefnumál Háskólalist-
ans hefur síðan stofnun hans árið
2003 verið að teknar væru upp ein-
staklingskosningar til
Háskóla- og Stúd-
entaráðs. Trú okkar er
að slíkt fyrirkomulag sé
mun betur til þess fallið
að mæta þeim áskor-
unum sem bíða stúd-
enta á nýrri öld.
Fulltrúar stúdenta eru
þrýstihópur eins og
verkalýðsfélög, Ör-
yrkjabandalagið eða
Neytendasamtökin og
óhæft er að slík samtök
séu sundruð vegna
flokkadrátta.
Einstaklingskosningar
Gagnrýni Háskólalistans á forn-
eskjulegt kosningakerfi Háskólans
og fortíðarþrá Vöku og Röskvu eftir
kaldastríðsárunum er enginn áfell-
isdómur um það fólk sem nú býður
sig fram fyrir hönd þessara fylkinga.
Hverjar sem pólitískar skoðanir
manna eru ráða hugsjónir því að
menn gefa kost á sér. Kollegar okkar
í Vöku og Röskvu hafa margt fram að
færa í Stúdenta- og Háskólaráði.
Áfellisdómur okkar er ekki um þau,
heldur um það kerfi sem neitar kjós-
endum um að velja aðeins þá fulltrúa
sem þeir treysta best til að tala sínu
máli. Við gagnrýnum kerfið sem
bindur hendur beggja ráða og allra
nefnda með því að skipta stúdentum í
andstæðar fylkingar. Við erum mót-
fallin kosningafyrirkomulagi sem
hvetur fólk til þess að velja lista af
handahófi vegna þess að báðir listar
hafi á hæfu fólki að skipa.
Þegar stefnuskrár fylkinga eru
eins snúast kosningarnar um fólkið
sem kemur til með að vera fulltrúar
kjósenda. Einstaklingskosningar
gera það mögulegt fyrir hvern og
einn að kjósa það fólk í ráðin sem
hann vill, án þess að þurfa að binda
sig við stefnu í landspólitík. Þannig er
tryggt að þeir sem sitja á fundum fyr-
ir hönd samnemenda sinna þjóni
hagsmunum stúdenta
eingöngu. Umræður
innan Stúdentaráðs
munu þá loksins end-
urspegla þá fjölskrúð-
ugu flóru skoðana sem
stúdentar hafa á mál-
efnum sínum en ekki
landspólitík.
Nýir tímar
Vaka og Röskva sér
langa og virðulega
sögu. Báðir aðilar hafa
unnið gott starf og
fjarri okkur er að gagn-
rýna verk þeirra sem á undan okkur
hafa gengið. Nú eru hins vegar aðrir
tímar og ekki er lengur þörf fyrir
þessar valinkunnu hreyfingar.
Stjórnmálaleg tengsl þeirra eru tíma-
skekkja og nú er svo komið að klofn-
ingur stúdenta á þessum grundvelli
er til meira ógagns en gagns. Við vilj-
um því þakka öllum þeim sem hafa
gefið vinnu sína í þágu stúdenta um
leið og við biðjum þá um að mæta
áskorunum nútímans með því að
varpa úr sér gengnum fylkingum fyr-
ir róða og einbeita sér að hagsmunum
stúdenta.
Sjálfstæðisflokkurinn rekur ekki
skákfélag. Það er ekki karlakór starf-
andi undir merkjum Samfylking-
arinnar. Vinstri-grænir stilla ekki
upp liði í Íslandsmótinu í knatt-
spyrnu. Framsóknarflokkurinn
(þrátt fyrir ítrekaðar sögusagnir um
annað) hefur ekki það hlutverk að
keppa á Landsmóti hestamanna.
Þessir flokkar gera ekkert af þessu af
því að það er ekki í þeirra verkahring.
Í verkahring Stúdentaráðs er að
berjast fyrir réttindum stúdenta og
engin þörf er fyrir æskulýðsdeildir
stjórnmálaflokka á þeim vettvangi.
Leggjum niður
Háskólalistann
Háskólalistinn er ekki stjórn-
málaflokkur. Fólk sem starfar undir
hans merkjum geir það óháð skoð-
unum sínum á landspólitík. Há-
skólalistinn hefur alla tíð barist fyrir
því að kosningar í Háskólanum snúist
um einstaklinga en ekki fylkingar.
Einstaklingskosningar eru eina leiðin
til þess að tryggja það að fulltrúar
stúdenta verði besta fólkið sem völ er
á, óháð trúarbrögðum, hárlit eða
stjórnmálaskoðunum. Fólk sem kosið
er þannig er aðeins bundið einum
herra og það eru þeir kjósendur sem
eru uppspretta valds þeirra. Kjósum
Háskólalistann og við þurfum aldrei
að kjósa flokk aftur í kosningum Há-
skóla Íslands. Kjósum Háskólalist-
ann og leggjum hann svo niður með
hinum flokkunum.
Leggjum niður Háskólalistann
Eftir Garðar Stein Ólafsson ’Einstaklingskosningareru eina leiðin til þess að
tryggja það að fulltrúar
stúdenta verði besta fólk-
ið sem völ er á …‘
Garðar Steinn Ólafsson
Höfundur er stud. jur. og
gefur kost á sér í 5. sæti
Háskólalistans til Stúdentaráðs.
Stúdentaráðskosningar
Fréttasíminn
904 1100
E
N
N
E
M
M
/
S
IA
/
N
M
2
0
3
15
40
90 1. vinningur
130milljónir
Bónus-vinningur
3,5
milljónir
Alltaf á mi›vikudögum!
lotto.is
Vertu me› fyrir kl.17.
Taktu mi›a–
rö›in gæti veri› komi› a› flér
Nú er potturinn tvöfaldur og stefnir í 90 milljónir.
Ofurpotturinn stefnir í 40 milljónir og
bónusvinningurinn í 3,5 milljónir.
Tvö
fald
ur
pottu
r2