Morgunblaðið - 08.02.2006, Blaðsíða 40
40 MIÐVIKUDAGUR 8. FEBRÚAR 2006 MORGUNBLAÐIÐ
FYRSTA Íslandsmeistaramót í
dansi árið 2006 fór fram um sl.
helgi, í Laugardalshöllinni. Keppt
var um Íslandsmeistaratitla í dansi
með frjálsri aðferð, bæði í sígildum
samkvæmisdönsum svo og í suður–
amerískum dönsum. Jafnframt
þeirri keppni var pörum í A-A/D
og K flokkum boðið að taka þátt í
þessari keppni, en í dansi með
grunnaðferð, en þeirra Íslands-
meistaramót fer ekki fram fyrr en
í maí í vor. Mótanefnd Dans-
íþróttasambands Íslands hafði veg
og vanda af keppninni.
Skipulagið virtist vera í ágætu
lagi og fór keppnin vel fram, en þá
var keppt í suður-amerískum döns-
um. Það vakti þó sérstaka athygli
mína hve salurinn var fallegur.
Þar ber helst að nefna lýsinguna,
sem var með því betra sem sést
hefur á Íslandsmeistaramótum.
Þetta, ásamt ýmsum smáatriðum
öðrum, gerði það að verkum að
salurinn í heild og bragur keppn-
innar varð allt annar og skemmti-
legri. Búningar keppenda nutu sín
margfalt betur en áður og var
þetta allt hið hátíðlegasta á að líta.
Dómarar keppninnar voru fimm:
Olga Komorova frá Englandi, Per
Pauli Hansen frá Danmörku, Jon
Martin Gran frá Noregi, Elisabeth
Sandström frá Svíþjóð og Jurgen
Funda frá Þýskalandi. Í þessu
sambandi langar mig enn og aftur
að gera athugasemd við það að
ekki sé fagmenntaður danskennari
í hverju dómarasæti. Ég þykist þó
vita að hér sé ekki við íslenzka
sérsambandið að sakast, heldur al-
þjóðlegt samband áhugamanna
(IDSF), sem gerir engar kröfur
um fagþekkingu hjá dómurum sín-
um, aðra en þá að þeir þurfa að
ljúka dómaraprófi.
Að því er ég bezt veit, hefur ís-
lenzka sérsambandið ákveðið að
þeir sem fari á slíkt námskeið fyrir
þess hönd, skuli hafa gilt dans-
kennarapróf. Það er íslenzka sam-
bandinu til mikils sóma. Allir dóm-
ararnir sem dæmdu nú um helgina
hafa reyndar lokið IDSF-
dómaraprófinu, en eins og ég hef
svo oft bent á áður, þá segir það
ekkert um kunnáttu og bakgrunn
dómaranna.
Mikill efniviður
Í samtali við blaðamann, sagðist
Olga Komorova, sem er rúss-
neskur danskennari, vera mjög
ánægð með keppnina hér og
greinilega mikill efniviður sem við
höfum úr að moða. Það hafi sést
best á sýningarhópunum og þeim
allra yngstu. Aðspurð hvort hún
hefði einhver góð ráð handa þessu
unga og efnilega íþróttafólki á öll-
um aldri, sagði hún: „Haldið áfram
að æfa ykkur samviskusamlega og
hafið trú á ykkur sjálfum og verið
sjálfum ykkur samkvæm í því sem
þið eruð að gera. Ef þið trúið ekki
á ykkur sjálf, getið þið ekki ætlast
til að aðrir geri það.“
Það ríkir ávallt mikil eftirvænt-
ing fyrir fyrsta Íslandsmeist-
aramót ár hvert, því þessar keppn-
ir eru mjög mikilvægar. Tvö efstu
pörin í hverjum aldursflokki öðlast
rétt til að keppa fyrir Íslands hönd
á Evrópu- og heimsmeistaramóti.
Það er því mikið í húfi og spennan
gjarnan mikil. Það er einnig oft
svo þegar spennan er mikil, að
keppendur ná ekki fyllilega að
sýna sitt bezta en í heildina séð
stóðu keppendur sig þó vel.
Tvísýn barátta
Yngsti flokkurinn með frjálsri
aðferð var flokkur unglinga I. Þar
kepptu einungis tvö pör í sígildum
samkvæmisdönsum. Pör þessi eru
að mörgu leyti mjög jöfn og senni-
lega hafa dómarar verið í ein-
hverjum vandræðum með að velja
á milli þessara para sem stóðu sig
með stakri prýði. Rúnar og Björk
fóru með sigur af hólmi eftir tví-
sýna baráttu. Til silfurverðlauna
unnu Hilmar og Elísabet.
Þetta snerist svo við í keppninni
í suður-amerískum dönsum. Þar
sigruðu Hilmar og Elísabet, nokk-
uð örugglega að mínu mati, og er
það fyrst og fremst að þakka góðri
fótavinnu, sem þau sýndu á laug-
ardag. Til bronsverðlauna unnu
Kristján og Ingibjörg.
Í suður-amerískum dönsum, í
flokki unglingar II, var keppnin
nokkuð hörð og spennandi. Alex
og Ragna voru að mínu mati nokk-
uð ótvíræðir sigurvegarar að þessu
sinni. Rögnu hefur farið mikið
fram í fótavinnu. Alex var einfald-
lega besti herrann á gólfinu á
laugardag og skilaði sínu eins og
bezt verður á kosið, var yfirveg-
aður og nákvæmur. Sigurður og
Sandra urðu í öðru sæti og döns-
uðu mjög vel. Þau eru að þroskast
sem dansarar og er gaman að sjá
þá framför sem þau hafa sýnt að
undanförnu, þá sérstaklega í fóta-
vinnu. Þau eiga án efa eftir að
veita Alex og Rögnu harða keppni
í framtíðinni. Þetta eru mjög ólík
pör og því verður gaman að fylgj-
ast með þróun þeirra á komandi
árum. Júlí og Telma unnu til
bronsverðlauna og var það mjög
verðskuldað. Þau hafa, eins og hin
tvö, greinilega verið að vinna í
tækninni sem skilar sér í yfirveg-
aðri hreyfingum og meiri stjórn á
því sem þau eru að gera á gólfinu.
Flokkur ungmenna, var tvísýn-
astur allra flokkanna á laugardag.
Mjög spennandi og margt þar vel
gert. Hins vegar fannst mér hér
bera mest á óöryggi og spennu, af
öllum hópunum. Þessi harða
keppni endaði þó með því að
Haukur og Denise fóru með sigur
af hólmi. Hauki hefur farið mikið
fram í fótavinnu og á að mínu mati
að einbeita sér enn meira að
henni, hún myndi skila sér í mun
meira öryggi, betri stöðu og fal-
legri línum út í gegnum dansinn.
Það verður þó ekki af honum tekið
að innlifunin og dansgleðin er hon-
um í blóð borin og það er alltaf
gaman að horfa á hann dansa.
Denise … þú varst æðisleg og
gerðir þitt betur en nokkru sinni
fyrr!
Ég hugsa að Jónatan og Ásta
hafi fylgt Hauki og Denise fast á
hæla og sennilega hefur verið
mjög mjótt á munum í þessari
keppni. Jónatan og Ásta eru til-
tölulega nýbyrjuð að dansa saman
og var þetta með því bezta sem
þau hafa gert. Þau voru mjög af-
slöppuð í sínum dansi og kláruðu
sínar línur nokkuð vel. Þeirra bezti
dans fannst mér paso doble, mér
fannst þau reyndar dansa hann
bezt af öllum pörunum, sem og
rúmbuna, sem var mjög falleg.
Björn og Hanna unnu til brons-
verðlauna. Þetta eru frábærir
dansarar, eins og pörin hér á und-
an, en þetta var bara ekki þeirra
dagur.
Dansa í Þýskalandi
Það er ekki hægt að segja að
keppni í flokki fullorðinna, í suður-
amerískum dönsum, hafi verið
spennandi. Til þess voru Gunnar
og Melissa bara of góð. Þetta var
þeirra fyrsta keppni saman, en
þau stunda íþróttina í Þýzkalandi
og hafa greinilega náð vel saman.
Gunnar er mjög reyndur dansari
og reglulega gaman að sjá hann
aftur á gólfinu eftir nokkurt hlé.
Þau unnu vel saman, sérstaklega í
úrslitunum, þar sem þau dönsuðu
mun betur en í fyrri umferðinni.
Þau munu keppa fyrir hönd Ís-
lands í haust á heimsmeistaramóti
áhugamanna sem fram fer í
Þýzkalandi.
Í öðru sæti urðu Jón og Helga.
Laugardagurinn var að mínu mati
þeirra dagur, þau hafa aldrei dans-
að suður-amerísku dansana betur,
mikill kraftur og mikil framför hjá
þeim báðum. Sigurður og Lilja
enduðu í þriðja sæti, og ég get
sagt það sama um þau og Jón og
Helgu. Þetta var líka þeirra dagur,
þau hafa aldrei dansað betur og
eru nú að uppskera smáhluta af
því sem þau eiga inni.
„Úrslit í flokki seniora, voru
ekki mjög tvísýn í dag,“ sagði Jón
Pétur Úlfljótsson danskennari að
keppni lokinni. „Lizý og Haukur
áttu góðan dag og sigruðu mjög
örugglega í sínum flokki. Björn og
Bergþóra gerðu reyndar vel og
hafa eflaust nartað aðeins í hælana
á Lizý og Hauk á stöku stað. Egg-
Spennandi keppni í flestum flokkum
DANS
Laugardalshöll
Haukur F. Hafsteinsson og Denise M. Yaghi í Ungmenni F.
Morgunblaðið/Jón Svavarsson
Alex Freyr Gunnarsson og Ragna Björk Bernburg í flokki Unglingar II F.
Gunnar H. Gunnarsson og Melissa O. Gomes í Fullorðnir F. Haukur Eiríksson og Lizý Steinsdóttir í flokki Fullorðnir F.
Jónatan Arnar Örlygsson og Ásta Björg Magnúsdóttir í flokki Ungmenni F.