Morgunblaðið - 10.02.2006, Side 4

4 FÖSTUDAGUR 10. FEBRÚAR 2006 MORGUNBLAÐIÐ
FRÉTTIR
„TUNGUNNI stafar veruleg
hætta af þessu og ef við ætlum að
lifa af í svona umhverfi, þá verðum
við að gjöra svo vel að grípa til allra
vopna á öllum vígstöðvum, í skóla-
kerfinu og úti í samfélaginu,“ segir
Halla Kjartansdóttir kennari, sem
situr í stjórn Samtaka móðurmáls-
kennara, um það atriði í skýrslu
Viðskiptaráðs Íslands að eftir ára-
tug verði sjálfsagt að ákveðnar
námsgreinar í grunn- og fram-
haldsskólum verði kenndar á
ensku. Jafnframt að bækur á
ensku verði lagðar til grundvallar í
kennslu eða sem ítarefni. Í skýrsl-
unni segir þá enn fremur að tví-
mælalaust eigi að færa ensku-
kennsluna niður í yngstu bekki
grunnskólans þegar börnin séu
móttækilegust fyrir málörvun.
„Krafan um að við notum ensk-
una sem mest kemur fyrst og
fremst úr viðskiptalífinu,“ segir
Halla. „Það er dálítið hættulegt að
stilla íslensku og ensku upp sem
sérstökum óvinum en við verðum
að átta okkur á því að til þess að
geta orðið góður í erlendu tungu-
máli, þá þarf maður að standa mjög
styrkum fótum í sínu eigin móður-
máli. Ef krafan um að við tökum
upp annað tungumál er orðin svona
hávær, þá verðum við að gefa veru-
lega í með okkar eigið móðurmál ef
við eigum ekki að glata því.“
Þess má geta að þessi mál verða
rædd á sameiginlegu málþingi
Samtaka móðurmálskennara, Fé-
lags íslenskra fræða og Íslenska
málfræðifélagsins hinn 21. febrúar
nk.
„Verðum að grípa
til allra vopna“
SJÓNVARPSKONAN Sigríður
Arnardóttir, Sirrý, sem í vikunni
skrifaði undir samning við 365
miðla, segir Magnús Ragnarsson,
sjónvarpsstjóra Skjás eins, fara
með rangt mál í Morgunblaðinu í
gær þegar hann segir hana hafa
skrifað undir nýjan samning við
Skjá einn um liðna helgi. „Ég var
með samning við Skjá einn sem sagt
var upp 1. desember sl. og síðan þá
hef ég ekki haft neinn samning, –
hvorki séð né haft undir höndum,“
sagði Sirrý í samtali við Morgun-
blaðið.
Sirrý segir að nýr sjónvarpsþátt-
ur, sem hún átti hugmyndina að,
hafi verið í bígerð en undirbúningur
hafi ekki verið kominn það langt á
veg að hún hafi gert samning.
Hún segist hafa lent á milli fyr-
irtækja sem eru í mikilli samkeppni
og harmar það. „Ég fékk svo tilboð
frá 365 miðlum um að ganga til liðs
við þá og það var tilboð sem ég gat
ekki hafnað.“
Sjónvarpsáhorfendur geta þó
ekki búist við að sjá Sirrý á skján-
um alveg á næstunni þar sem Skjár
einn hefur ákveðið að nýta sér
ákvæði í samningi Sirrýjar, sem
sagt var upp 1. desember, þar sem
segir að hún megi ekki starfa sem
umsjónarmaður sjónvarpsþátta hjá
keppinaut í sex mánuði eftir samn-
ingslok. Þrátt fyrir það horfir Sirrý
björtum augum til framhaldsins.
„Það er nóg af verkefnum hérna og
mér mun ekki leiðast. En ég get
ekki séð að það skaði Skjá einn á
nokkurn hátt að ég stjórni morg-
unsjónvarpi, þeir eru til að mynda
ekki með morgunsjónvarp.“
Hneykslaður á vanstilltum
viðbrögðum
Ari Edwald, forstjóri 365 miðla,
segist ekki geta annað en lýst furðu
sinni á upphlaupi forráðamanna
Skjás eins. Sú hugmynd hafi kvikn-
að fyrir þó nokkru að bjóða Sirrý
starf, sem varð úr. Hann blæs á all-
ar sögusagnir þess efnis að 365
miðlar séu að reyna stela starfsfólki
frá öðrum miðlum eins og Magnús
Ragnarsson segir í samtali við
Morgunblaðið í gær. „Í framhaldi af
því að ég heyrði um óánægju sjón-
varpsstjóra Skjás eins kynnti ég
mér málið, fékk til mín Sirrý, for-
stöðumann NFS og lögmann fyrir-
tækisins og við fórum yfir þetta í
heild sinni. Sirrý stendur fast við
það að hún hafi ekki á nokkurn hátt
verið skuldbundin væntanlegri
þáttargerð Skjás eins og fullyrðing-
ar um að hún hafi skrifað undir
samning við Skjá einn, skömmu áð-
ur en við buðum henni starf, eru því
augljóslega uppspuni,“ segir Ari og
bætir við að Magnús hafi hins vegar
tjáð sér að í samningi Sirrýjar frá
því í desember sé ákvæði um að hún
megi ekki stjórna sjónvarpsþætti í
sex mánuði. „Í framhaldi af því tjáði
ég Magnúsi að 365 miðlar myndu
virða þessi ákvæði og þrátt fyrir að
samningurinn hafi losnað 1. desem-
ber sl. göngum við út frá því að
Sirrý muni ekki geta stjórnað eða
haft umsjón með sjónvarpsþætti í
sýningu fyrr en eftir 1. júlí nk.“
Ari segir þetta vera niðurstöðuna
í málinu og býst ekki við neinum
eftirmálum af því. Hann segist hins
vegar vera hneykslaður á vanstillt-
um viðbrögðum sjónvarpsstjóra
Skjás eins, og persónulegu skítkasti
sem engin innstæða sé fyrir.
Sigríður Arnardóttir vísar á bug ummælum um meintan samning við Skjá einn
Samningslaus frá 1. des.
Eftir Andra Karl
andri@mbl.is
Sigríður
Arnardóttir
Ari
Edwald
Húsavík | Orkuveita Húsavíkur hef-
ur undanfarna daga leitað að heitu
vatni á hafnarsvæðinu á Húsavík,
og fann það án þess að bora þyrfti
eftir því eins og algengast er. Að
sögn Hreins Hjartarsonar veitu-
stjóra var tilgangur leitarinnar
m.a. að athuga hvort hægt væri að
ná í snjóbræðsluvatn fyrir nýju
stórskipahöfnina við Bökugarð.
„Það voru munnmæli um það að
heitur lækur hefði runnið út í sjó
þar sem Kísilskemman stendur og
var því grafið niður við horn henn-
ar eftir leiðsögn eldri starfsmanna
á bæjarskrifstofunni,“ sagði
Hreinn. Þegar grafan var komin
niður á um 4 metra dýpi kom í ljós
mikið af heitu vatni sem síðar
reyndist vera um 33° C heitt.
Hreinn segir það heppilegt hitastig
til að nota t.d. í snjóbræðslukerfi,
heilsuböð, nú eða jafnvel krókó-
dílaeldi. Við dæluprófun var dælt
ríflega 40 lítrum á sekúndu og vís-
bendingar um að hægt sé að dæla
miklu meira magni úr þessari neð-
anjarðará.
Jóhannes Sigurjónson ritstjóri
héraðsfréttablaðsins Skarps ritaði
í netútgáfu blaðsins um þetta, að
heitt vatn væri víða að finna þarna
í sjávarbakkanum. Húsmæður á
Húsavík hefðu t.a.m. í upphafi síð-
ustu aldar þvegið þvott sinn í laug
nokkuri sunnar í fjörunni. Þar var
einnig gerður vísir að sundkeri
þar sem ungir bæjarbúar lærðu
sundtökin á þriðja áratug ald-
arinnar og enn síðar var vatninu
dælt upp í bæinn og í sundlaugina
sem nú er. Þar sem nú var grafið
eftir heita vatninu hét áður
Danska laug eða Akkerislaug, og
dró hún nafn sitt af miklu akkeri
sem var múrað niður framan við
laugina og við það bundin dönsk
kaupskip sem hingað komu með
vörur fyrir verslun Örum og Wulff
fyrir margt löngu.
Grófu eftir heitu vatni á Húsavík
Morgunblaðið/Hafþór
Bíll frá slökkviliðinu var notaður til að dæla úr holunni þegar verið var að mæla rennslið í henni.
LANDSVIRKJUN miðaði á sínum
tíma við 11% ávöxtunarkröfu á eig-
ið fé í arðsemismati á Kára-
hnjúkavirkjun. Svonefnd eig-
endanefnd, sem eigendur
Landsvirkjunar skipuðu til að fjalla
um arðsemi og fjárhagslega áhættu
Kárahnjúkavirkjunar, komst að
þeirri niðurstöðu að arðsemismat
Landsvirkjunar væri vel rökstutt
og aðferðirnar við matið eðlilegar.
Gert var ráð fyrir að arðsemi eig-
in fjár yrði 1,8 prósentustigum yfir
eiginfjárkröfu, þ.e. 12,8% að gefn-
um forsendum um stofnkostnað, ál-
verð, orkusölusamning, gengi, fjár-
mögnun, líftíma o.fl. Niðurstaðan
var kynnt í ársbyrjun 2003. Voru
yfirgnæfandi líkur taldar á já-
kvæðri ávöxtun eiginfjár. Þá var
við það stuðst að í samningi um raf-
orkusölu og raforkuverð er kveðið
á um að Alcoa ábyrgist kaup á 85%
af samningsbundinni raforku í 40
ár, sem sé mikilvæg trygging fyrir
seljanda orkunnar.
Miðað við 11%
ávöxtunarkröfu
á eigið fé
ÖKUMAÐUR bíls sem hafnaði úti í
Hornafjarðarfljóti á miðvikudag
þykir hafa sloppið ótrúlega vel, en
bíllinn hentist niður fjögurra metra
brattann árbakkann út í ísilagt
fljótið þar sem það er hvað grynnst.
Atvikið varð með þeim hætti að
bíllinn var að koma að einbreiðri
brú á þjóðvegi 1 og varð ökumað-
urinn, kona á sextugsaldri, of seint
vör við það að bíll kom á móti á leið
yfir brúna. Hún náði ekki að stöðva
bílinn á hálum veginum með þeim
afleiðingum að hann rann út af veg-
inum og út í fljótið. Vatn náði upp á
miðjar hurðir, að sögn lögregl-
unnar á Höfn í Hornafirði. Konan
hringdi í Neyðarlínuna, en lög-
regluþjónn hjálpaði henni úr bíln-
um upp á þurrt land. Hún er óslös-
uð eftir óhappið.
Bíllinn endaði
í ísilögðu fljótinu
HÆSTIRÉTTUR hefur hnekkt
gæsluvarðhaldsúrskurði 16 ára pilts
sem ákærður er fyrir að svipta tví-
tugan mann frelsi við verslun Bón-
uss í september á síðasta ári. Ákærði
átti að vera í gæsluvarðhaldi til 17.
mars eða þangað til dómur félli í
máli hans.
Tveir af þremur dómurum Hæsta-
réttar, Árni Kolbeinsson og Ingi-
björg Benediktsdóttir, komust að
þeirri niðurstöðu, að ekki væri laga-
heimild fyrir áframhaldandi gæslu-
varðhaldi þar sem pilturinn ætti eft-
ir að afplána refsingu sem hann
hlaut í öðru máli. Var vísað til þess
að gæsluvarðhaldskrafan byggðist
ekki á rannsóknarhagsmunum.
Einn dómari, Jón Steinar Gunn-
laugsson, taldi hins vegar að þegar
hefði átt að láta piltinn hefja fulln-
ustu dómsins þegar hann var úr-
skurðaður í áframhaldandi gæslu-
varðhald í desember, en þá var
rannsóknarhagsmunum ekki lengur
til að dreifa. Pilturinn hefur því haf-
ið 43 daga afplánun sem hann átti
ólokið vegna óskilorðsbundins hluta
dóms í öðru máli.
Kristján Stefánsson flutti málið
fyrir ákærða og sækjandi var Bogi
Nilsson ríkissaksóknari.
Gæsluvarðhaldi
hnekkt
TVÖ umferðaróhöpp urðu í Víðidal
við Sólbakka á áttunda tímanum í
gærkvöldi. Fólksbifreið fór út af
veginum og hvolfdi en að sögn lög-
reglunnar á Blönduósi hlaut öku-
maður, sem var einn bílnum, ekki
teljandi meiðsli. Bifreiðin er hins
vegar talin gjörónýt. Skömmu síðar
fór annar bíll útaf á sama stað en
skemmdist minna. Ökumaður, sem
jafnframt var einn í bílnum, slas-
aðist ekki. Lögregla segir að
óhöppinn megi rekja til mikillar
hálku á svæðinu.
Bílvelta í Víðidal