Morgunblaðið - 10.02.2006, Page 16

16 FÖSTUDAGUR 10. FEBRÚAR 2006 MORGUNBLAÐIÐ
ERLENT
AHMAD Akkari er ímam, múslímaklerkur, og
sameiginlegur talsmaður alls 27 samtaka og
menningarmiðstöðva múslíma í Danmörku.
Hann er 28 ára gamall og fluttist á unglings-
árum til Danmerkur frá Líbanon en býr nú í Ár-
ósum þar sem hann kennir í skóla fyrir múslíma-
börn. Akkari er ekki sáttur þegar blaðamaður
spyr hann um persónulega hagi og spyr hvasst
hvort viðtalið eigi að snúast um hann eða teikn-
ingamálið alræmda.
– Þú hefur verið sakaður um að sverta Dani í
viðtölum við arabíska fjölmiðla. Hverju svarar
þú þessum ásökunum? Hefurðu bara lýst deil-
unni um teikningarnar í viðtölunum?
„Við höfum verið sakaðir um svo margt, ég
vildi sjá að einhver sakaði blaðið [Jyllands-Post-
en] um að hafa gert rangt. Fólk er stöðugt með
ásakanir, ásakanir, ásakanir. Menn verða að
skilja að ekki á að líta allt sem birtist í tímaritum
eða annars staðar sem vel unnið efni.“
– Telurðu þá að málstaður Dana hafi verið
rangtúlkaður í fjölmiðlum múslímalanda og
viltu sjálfur gera eitthvað til að leiðrétta það?
„Það er alveg ljóst að blaðið særði okkur og
hefur sært fjölda múslíma með því að birta mjög
neikvæðar myndir af Múhameð, spámanni okk-
ar. Ef mönnum fannst myndirnar fyndnar held
ég að þeir séu búnir að sjá núna, eftir viðbrögðin
um allan heim, að þær eru ekki mjög fyndnar.
Ég er ekki tilbúinn með einhverja greiningu á
arabískum fjölmiðlum núna og get þess vegna
ekki tjáð mig um þetta atriði.“
– Ræðum teikningarnar sem nefndin undir
forystu þinni sýndi fjölmiðlum í arabaríkjum.
Þið gerðuð það er ekki svo?
„Við sýndum aldrei Al-Jazeera– stöðinni
þessar myndir, við fórum ekki til Flóaríkjanna.
Við fórum með þær til Kaíró og til Líbanons.
Þetta gerðum við eftir að hafa í tvo mánuði átt
erfitt með að koma sjónarmiðum okkar á fram-
færi hér í Danmörku. En ráðherrar neituðu að
tala við sendiherra 17 múslímaríkja um þetta
mál. Okkur var boðið að fara til Kaíró þar sem
við gætum rætt við æðsta klerk íslams þar og ut-
anríkisráðherrann og aðra embættismenn
landsins.
Þannig komust myndirnar til fólks utan Dan-
merkur fyrir okkar tilstuðlan en svo var auðvit-
að búið að sýna myndirnar í Pakistan aðeins
nokkrum dögum eftir að blaðið birti þær í fyrra.
Jyllands-Posten setti þær nefnilega á netið.“
Talað tungum tveim?
– En það var líka sagt frá grófum teikningum
af Múhameð í svínslíki, myndum sem alls ekki
birtust í blaðinu. Komuð þið þessum myndum á
framfæri í Kaíró?
„Já, þær voru í gagnasafninu sem við vorum
með. En við vísum algerlega á bug að hafa með
einhverjum hætti farið þannig á snið við sann-
leikann um myndbirtinguna. Menn geta spurt
alla þá sem við hittum í Kaíró og Beirút og spurt
hvað við sögðum þeim um þessar myndir. Þess-
ar teikningar sem þú nefnir voru aftast í safninu,
á eftir myndum Jyllands-Posten og ýmsum
skjölum. Við tókum þær með til að sýna hvað
nafnlausir aðilar sendu múslímum eftir að þeir
höfðu tekið þátt í deilum um teikningamálið.“
– Abu Laban, ímam í Kaupmannahöfn, notaði
tækifærið í síðustu föstudagsbænum til að biðja
múslímaþjóðir um að sniðganga ekki danskar
vörur. En danski þingmaðurinn Naser Khader
sakar Abu Laban um að segja hið gagnstæða í
viðtölum við arabískar sjónvarpsstöðvar. Talar
þú fyrir munn Abu Labans, getur verið að hann
hafi gert þetta?
„Ég er talsmaður fyrir menningarmiðstöð
hans, hún er ein af þeim 27 sem taka þátt í sam-
starfi okkar. Ég efast um að þetta sé réttmæt
ásökun vegna þess að ég veit að alls konar mis-
skilningur hefur komið upp í samskiptum Khad-
ers og miðstöðva í Kaupmannahöfn, alls konar
vandamál. Ég er ekki þaðan sjálfur en giska á að
þetta gæti verið eitthvað af þessu tagi.
En fyrir hönd samtakanna get ég aðeins sagt
að boðskapur okkar er skýr. Menn saka okkur
um tvískinnung en ég efast um það sem þeir full-
yrða. Hafi þeir rétt fyrir sér er sjálfsagt að sá
sem gerði mistök biðjist afsökunar.“
– Ég sá þig í sjónvarpsþætti. Þú varst spurður
um það sem þú sagðir í grein í tímariti, Point of
View, fyrir unga múslíma í fyrra að þér fyndist
alveg í lagi að sparkað væri í rassinn á múslíma-
stúlku sem ekki gengi með slæðu.
„Ég vil ekki tjá mig um þetta af því að að núna
er ég formlegur talsmaður samtaka.“
– En ef ég spyr þig sem einstakling?
„Það geturðu ekki. Ef þú vilt ekki halda þig
við sjálft málið [teikningarnar] langar mig til að
binda enda á samtalið.“
– Allt í lagi. En hvernig heldur þú að þróun
teikningamálsins verði, halda átökin áfram eða
tekst að róa fólk? Hvað á danska stjórnin að
gera, biðjast afsökunar?
„Það fer eftir því hvernig blaðið hagar sér. Ef
það vill biðjast afsökunar tel ég að það myndi
geta leyst vandamálið.
Við höfum alls ekki sagt að ríkisstjórnin eigi
að biðjast afsökunar, það er ranglega eftir okkur
haft í löndum múslíma núna. En við sögðum að
stjórnvöld gætu tekið afstöðu og sýnt ábyrgð-
artilfinningu. Í múslímalöndum vita menn ekki
að stjórnin getur ekki beðist afsökunar á því
sem blaðið gerði. Sumir hafa meira að segja
heimtað að drottningin bæðist afsökunar en það
getur ekki orðið vegna þess að drottningin er al-
gerlega áhrifalaus í stjórnmálum í Danmörku.“
– En skiptir þá ekki miklu að útskýra þessar
aðstæður fyrir almenningi …
„Við erum að reyna það af alefli þegar við töl-
um við arabíska fjölmiðla. Við segjum frá þessu
og það gerði ég sjálfur nokkrum sinnum í síð-
ustu viku. Við stungum upp á því við forsætis-
ráðherrann [Anders Fogh Rasmussen] að við
færum með honum í sjónvarpsþátt og við mynd-
um útskýra málið. Og það getur verið að við töl-
um við arabíska fjölmiðla í dag eða á morgun og
þá reynum við að útskýra þessar aðstæður.
Við höfum skýra afstöðu gagnvart ofbeldis-
verkunum sem hafa verið framin í Mið-Aust-
urlöndum. Við fordæmum þau afdráttarlaust af
því að þau koma ekki málstað okkar að gagni.
Við erum að nota kerfið hér, höfum leitað til
dómstóla og notfærum okkur tjáningarfrelsið
en höfum aldrei beðið um ofbeldi og erum alger-
lega á móti því.
Auk þess er að ég held verið að nota þetta of-
beldi í pólitískum tilgangi í arabalöndum. Ég get
ekki útskýrt þetta betur en viðbrögðin eru ekki
dæmigerð fyrir viðbrögð þorra múslíma í heim-
inum, ef vissir hópar eru undanskildir. Múslím-
ar grípa ekki til ofbeldis. Ef fólk er reitt getur
það sýnt reiðina með öðrum hætti,“ sagði
Ahmad Akkari, aðaltalsmaður samtaka músl-
íma í Danmörku.
„Vildum að danska stjórnin tæki afstöðu“
AP
Ahmad Akkari með gögn um teikningamálið
er hann sýndi mönnum í Kaíró og Beirút.
Teikningarnar af Múhameð
særðu marga en ofbeldi styrkir
ekki málstaðinn, segir aðaltals-
maður múslíma í Danmörku í
samtali við Kristján Jónsson.
’Ef mönnum fannst mynd-irnar fyndnar held ég að þeir
séu búnir að sjá núna, eftir við-
brögðin um allan heim, að þær
eru ekki mjög fyndnar.‘
kjon@mbl.is