Morgunblaðið - 10.02.2006, Side 18

18 FÖSTUDAGUR 10. FEBRÚAR 2006 MORGUNBLAÐIÐ
ERLENT
Aðalfundur Össurar hf.
Á dagskrá fundarins verða:
Reykjavík 10. febrúar 2006
Stjórn Össurar hf.
1. Venjuleg aðalfundarstörf samkvæmt grein 4.02 í samþykktum félagsins.
2. Tillaga til breytinga á 1. tl. í gr. 5.01 í samþykktum félagsins sem felst í því að fækka
stjórnarmönnum úr sjö í fimm.
3. Tillaga um að heimila stjórn að kaupa eigin bréf félagsins.
4. Tillaga um heimild til stjórnar um að auka hlutafé félagsins um allt að 10% án forgangsréttar.
5. Önnur mál sem eru löglega borin fram.
Dagskrá og endanlegar tillögur munu vera hluthöfum til sýnis á skrifstofu félagsins að
Grjóthálsi 5, Reykjavík, viku fyrir aðalfund og verða auk þess aðgengilegar á heimasíðu
félagsins, sem er www.ossur.com
Aðgöngumiðar, atkvæðaseðlar og önnur fundargögn verða afhent á fundarstað.
Hluthafar eru hvattir til að mæta tímanlega til að taka við fundargögnum.
Fundurinn hefst stundvíslega kl. 8:15
Aðalfundur Össurar hf. verður haldinn í fundarsal á 2. hæð á Nordica Hóteli,
Suðurlandsbraut 2, Reykjavík, föstudaginn 24. febrúar 2006 og hefst hann kl. 8:15
Vi› hjálpum fólki a› njóta sín til fulls
LÍKLEGT er talið að fleiri tilfelli fuglaflensunnar geri
fljótt vart við sig í Afríku, en í fyrradag var greint frá því
að mannskætt afbrigði fuglaflensuveirunnar, H5N1,
hefði greinst í Nígeríu. Embættismenn Alþjóðaheil-
brigðismálastofnunarinnar (WHO) óttast að „mjög al-
varlegt ástand“ muni skapast.
Von var á sérfræðingum Matvæla- og landbún-
aðarstofnunar Sameinuðu þjóðanna til Nígeríu í gær til
að rannsaka tilfelli sem greinst hefur í Kaduna, um 300
norður af borginni Abuja. David Nabarro hjá WHO
sagði hins vegar í samtali við BBC að hugsanlegt væri að
veiran hefði þegar dreifst mjög víða.
Kanna á hvort alifuglar annars staðar í Nígeríu og ná-
grannalöndum hafi drepist völdum H5N1 en Nabarro
sagði, að WHO gerði ráð fyrir að tilfelli myndu greinast
víðar. „Ef flensan hefur skotið upp kollinum í Nígeríu þá
kynni hún að vera í öðrum löndum, sem búa yfir færri úr-
ræðum,“ sagði hann.
AFP-fréttastofan sagði fréttir af því að sjúkdómur
sem líktist fuglaflensunni „breiddist nú út eins og sinu-
eldur“ í norðurhluta Nígeríu en eftir á að staðfesta hvort
þar geti verið um fuglaflensuna að ræða. Haft var eftir
Auwalu Haruna, forsvarsmanni alifuglaræktenda, að til-
kynnt hefði verið um 20.000 tilfelli í gærdag, sem þýddi
að alls hefðu 80.000 fuglar smitast.
Óttast útbreiðslu í Afríku
Embættismenn í Nígeríu segja að allt verði gert til að
hefta frekari útbreiðslu fuglaflensu í landinu en hún gæti
haft alvarlegar afleiðingar fyrir íbúana, sem margir
hverjir byggja allt sitt framfæri á fiðurfénaði.
Talið er að rekja megi 88 dauðsföll í heiminum til
fuglaflensunnar. Hún hefur þó ekki stökkbreyst þannig
að hún berist á milli manna, en ef það gerðist myndi það
að öllum líkindum hafa í för með sér faraldur og hugs-
anlegt að hún myndi valda milljónum dauðsfalla úti um
heim allan. Sérfræðingar hafa hins vegar lengi varað við
því að mikil hætta kynni að vera því samfara að veiran
bærist til Afríku. Staða heilbrigðismála sé veik í mörgum
löndum Afríku og menn því ekki undir það búnir að tak-
ast á við vandann. Ónæmiskerfi margra Afríkubúa sé
jafnframt veikt vegna vannæringar og útbreiðslu al-
næmisveirunnar.
Líkur á fleiri tilfellum
fuglaflensu í Afríku
Reuters
Nígeríumaður með kjúklinga á markaðstorgi í Abuja.
Fulltrúar WHO óttast
„mjög alvarlegt ástand“
London. AFP. | Bandaríski auðkýf-
ingurinn Steve Fossett er lagður
upp í nýja ævintýraför. Ætlar
hann sér að setja nýtt heimsmet,
með lengsta samfellda flugi sög-
unnar. Fossett hóf flugið í fyrra-
dag frá Canaveralhöfða í Flórída.
Ætlar hann sér að fljúga um-
hverfis jörðina og svo aftur yfir
Atlantshafið og lenda í Kent á
Englandi, allt án þess að milli-
lenda. Er áætlað að flugið taki
um 80 klukkustundir í heildina en
lengd þess er 41.978 kílómetrar.
„Steve er bara kátur,“ sagði
Kevin Stass, yfirmaður stjórn-
stöðvar flugsins, á blaðamanna-
fundi í gær. Stass sagði Fossett
hafa þurft að þola 40–54 gráðu
hita í stjórnklefanum fyrstu átta
klukkustundirnar en hitinn hefði
svo jafnast. Stass skýrði einnig
frá því að um 340 kíló af elds-
neyti hefðu tapast við flugtak og
gæti það valdið vandræðum undir
lok flugsins. Þá gæti vindasöm
veðurspá gert síðasta hluta flugs-
ins „áhugaverðan“.
Þetta er önnur tilraun Fossetts
við lengsta flug sögunnar en
hann hefur áður sett met á segl-
báti, svifflugvél og loftbelg. Hann
varð í mars í fyrra fyrsti mað-
urinn til að fljúga umhverfis jörð-
ina án millilendingar og án þess
að taka eldsneyti á leiðinni.
 !"#$ %##&#

+( + 2 !3+2*  +)
4& 
- 3  
  

511
 ! 
 
K"; 7+)
"

 $ %
6
 . 78 

   
 
!" #$%
 & ' &%(%)*)!+
9 

 

& 
 :
+  

/ 
Fossett reynir
við nýtt met
Jerúsalem. AFP. | Talsmenn Ísr-
aelsstjórnar reyndu í gær að gera lít-
ið úr ágreiningi milli hennar og
Bandaríkjastjórnar en Condoleezza
Rice, utanríkisráðherra Bandaríkj-
anna, hefur vísað á bug hugmyndum
Ísraela um að ákveða einhliða landa-
mæri ríkisins.
„Það er enginn ágreiningur við
Bandaríkjastjórn,“ sagði Zeev Boim,
ráðherra og náinn samstarfsmaður
Ehud Olmerts, starfandi forsætis-
ráðherra, en Olmert sagði fyrir
skömmu, að Ísraelar ætluðu sér að
halda Jórdandalnum, stærstu gyð-
ingabyggðunum á Vesturbakkanum
og Austur-Jerúsalem. Gaf hann í
skyn, að þeir myndu ákveða landa-
mærin einhliða ef ekki næðust samn-
ingar um þau.
Bandaríkjastjórn hefur tekið
þessari yfirlýsingu illa og Rice sagði
að enginn skyldi reyna „einhliða að-
gerðir vegna þess, að um þessi mál á
að semja“. Ísraelskir embættismenn
láta sem ekkert hafi í skorist og
segja, að Ísraelar vilji ræða um Veg-
vísinn, áætlunina um frið í Mið-Aust-
urlöndum. En verði viðræður við
væntanlega stjórn Hamas-manna í
Palestínu árangurslausar, verði að
huga að öðrum leiðum.
Gera lítið úr ágreiningi
Ustarzai, Hangu. AP. | Sprengja
sprakk í miklum fólksfjölda í bæn-
um Hangu í Pakistan í gær. Um
þúsund sjía-múslímar voru þar
samankomnir til að taka þátt í
Ashura, helgustu trúarhátíð sjíta.
Talið er að um sjálfsmorðsárás hafi
verið að ræða. Að minnsta kosti 32
létust og tugir til viðbótar særðust í
árásinni og átökum sem brutust út í
kjölfar hennar. Tók fólk reiði sína
út á nærliggjandi verslunum og bíl-
um og brenndi og eyðilagði allt sem
í vegi varð. Um 60% af markaði
bæjarins brunnu til grunna í lát-
unum.
Öryggisgæsla var mikil fyrir há-
tíðina enda hefur ofbeldi verið fylgi-
fiskur hennar undanfarin ár. Enn
hefur enginn lýst ábyrgð á sprengj-
unni á hendur sér en yfirvöld á
staðnum kenna súnní-múslímum
um en súnnítar eru meirihlutahóp-
ur í Pakistan. Upplýsingaráðherra
landsins, Sheikh Rashid Ahmed,
var hins vegar ekki á sama máli.
„Þetta er samsæri til að valda
árekstrum milli súnníta og shíta.
Enginn múslími hefur gert þetta.
Sá sem gerði þetta er hryðjuverka-
maður.“
Hermenn tóku fljótlega við stjórn
á svæðinu og var útgöngubann sett
á í bænum. Einnig voru settir upp
vegatálmar um 25 kílómetra fyrir
utan bæinn og engum hleypt í
gegn, ekki einu sinni sjúkrabílum.
Blaðamaður AP-fréttastofunnar
komst þó til Hangu eftir öðrum
leiðum. Sagði hann þykkt reykský
hafa verið yfir bænum og skot-
hvellir heyrðust öðru hvoru. „Ég sá
lík og slasað fólk hrópandi. Það
ríkti skelfing um allt. Sumir hlupu í
átt að hinum slösuðu en aðrir hófu
að kveikja í nærliggjandi verslun-
um,“ sagði Mohammed Jamil, vitni
að atburðunum.
Ghani ur-Rahman, bæjarstjóri í
Hangu, sagði seinnipartinn í gær að
að mestu væri búið að stilla til frið-
ar. Tóku leiðtogar bæði sjíta og
súnníta þátt í því að róa fólk með
því að tala gegnum hátalara mosk-
unnar. Útgöngubann var þó enn
gildandi og hermenn vöktuðu göt-
urnar. Herþyrlur sáu um að flytja
slasaða frá svæðinu.
Tugir féllu
í Pakistan