Morgunblaðið - 10.02.2006, Qupperneq 51

MORGUNBLAÐIÐ FÖSTUDAGUR 10. FEBRÚAR 2006 51
DAGBÓK
Árið 1998 setti Bergþóra Reynisdóttir álaggirnar Liljuna ehf., fyrirtæki ágeðsviði sem býður upp á ýmsa þjón-ustu, s.s. viðtalsmeðferð, handleiðslu
og sjálfseflingarnámskeið.
Liljan ehf. hefur tvær starfsstöðvar; eina í
Kópavogi en hina í Fögruhlíð í Fljótshlíð en þar
mun Bergþóra stýra námskeiðinu „Innri friður –
Innri styrkur, sjálfsefling – lífsstíll til framtíðar“
í febrúar og mars.
„Tilgangurinn með því að halda námskeiðið úti
á landi er að gera fólki kleift að komast úr stress-
inu og amstrinu á heimilunum og leyfa því að
vera til fyrir sjálft sig. Þegar farið er að vinna við
að byggja upp sjálfstraust og skýra sjálfsmynd-
ina þarf fólk að fá vinnufrið,“ segir Bergþóra sem
haldið hefur námskeið sem þetta í hálft annað ár,
og sjö hópar kvenna útskrifast.
Hvert námskeið hefst á hádegi á föstudegi og
lýkur síðla sunnudags en dagskráin byggist á
fyrirlestrum og þjálfunaræfingum en gisting og
fæði eru innifalin í námskeiðsgjöldum.
„Námskeiðinu er ætlað að gera fólk sterkara
sem einstaklinga, bæði í einkalífi og í starfi; það
standi betur að vígi gagnvart umhverfinu sem
það er statt í, og kunni að standa með sjálfu sér:
svara fyrir sig en einnig eiga í jákvæðum sam-
skiptum við annað fólk. Þetta eru í raun grund-
vallaratriði sem gott er að hafa á hreinu,“ út-
skýrir Bergþóra.
Eftir námskeiðið koma þátttakendur saman á
mánaðarfresti í þrjá mánuði, til eftirfylgni, og
vinna áfram að þeim verkefnum sem þær byrj-
uðu á í Fögruhlíð, s.s. tengdum samskiptum inn-
an fjölskyldu eða á vinnustaðnum. Einnig hafa
þátttakendur á námskeiðum Bergþóru myndað
að eigin frumkvæði félagsskapinn Gleym mér ei
og hittast mánaðarlega.
Bergþóra segir námskeiðið sannarlega hafa
gagnast þátttakendum: „Þær eru öruggari innra
með sér og hafa lagt til hliðar þær neikvæðu
hugsanir sem koma í veg fyrir að þær nái árangri
í lífinu. Þær sem eru, t.d. að taka inn þunglyndis-
eða róandi lyf fara að átta sig á því að þær sjálfar
eru lykillinn að eigin velgengni og vellíðan.“
Nánari upplýsingar um dagskrá námskeiðsins
má finna á www.liljan.is, og þar er einnig hægt að
skrá þáttöku og finna ýmis ráð til sjálfstyrkingar
og aukinnar vellíðunar.
Námskeið | Í Fögruhlíð í Fljótshlíð er haldið sjálfseflingarnámskeið á vegum Liljunnar ehf.
Innri styrkur eykur vellíðan

Bergþóra Reynis-
dóttir lauk stúdents-
prófi frá Mennta-
skólanum við Hamra-
hlíð. Hún stundaði nám
við Hjúkrunarskóla Ís-
lands og lauk BS-námi í
hjúkrunarfræðum frá
Háskólanum á Akur-
eyri. Bergþóra lauk
mastersnámi í geð-
hjúkrunarfræðum við
Háskóla Íslands vorið 2003.
Bergþóra hefur unnið á þriðja áratug við
geðhjúkrunarstörf innan heilbrigðiskerfisins,
víðsvegar í þjóðfélaginu.
Í dag stjórnar Bergþóra Liljunni ehf., fyrir-
tæki á geðsviði, sem hún setti á laggirnar
1998. Bergþóra á 4 börn.
Í dýragarðinum.
Norður
♠Á654
♥K93 S/Allir
♦98
♣10932
Vestur Austur
♠DG972 ♠K83
♥D75 ♥G42
♦G102 ♦754
♣74 ♣ÁDG8
Suður
♠10
♥Á1086
♦ÁKD63
♣K65
„Ég hélt ég væri kominn í dýragarð-
inn með Victor Mollo sem leiðsögu-
mann,“ hóf Jónas P. Erlingsson símtal-
ið við umsjónarmann. Tilefnið var spil
sem kom upp hjá Bridsfélagi Reykja-
víkur á þriðjudagskvöldið.
Jónas var í suður og Júlíus Sigur-
jónsson í norður. Í AV voru Guð-
mundur Baldursson og Steinberg Rík-
harðsson:
Vestur Norður Austur Suður
Steinberg Júlíus Guðm. Jónas
– – – 1 lauf *
Pass 1 tígull Pass 2 tíglar
Pass 2 grönd Pass 4 hjörtu
Pass 4 grönd Pass 5 hjörtu
Pass Pass Pass
Kerfi Jónasar og Júlíusar er Prec-
ision, en „ekki sérlega vel rætt,“ segir
Jónas.
En hvað um það: Jónas vekur á
sterku laufi og fær afmeldingu á móti.
Hann sýnir þá tígulinn og Júlíus meld-
ar tvö grönd, sem hann meinar sem
eðlilega sögn, en Jónas skilur sem
hjartalit, „eins og mig minnti að við
hefðum sammælst um.“
Stökkið í fjögur hjörtu skýrist af
þessu, en Júlíus bjóst við 6-5 skiptingu
í rauðu litunum og spurði um lykilspil.
Svo heppilega vildi til að rétta svarið
var fimm hjörtu (tveir ásar án drottn-
ingarinnar í hjarta) og Júlíus ákvað að
sleppa slemmunni.
Út kom spaðadrottning. Jónas tók
sér smátíma til að aðlagast blindum, en
sá svo veika von. Hann drap á spaðaás
og spilaði laufi. Guðmundur rauk upp
með ás og reyndi spaðakóng. Jónas
trompaði og lét hjartatíuna renna yfir
á gosa austurs. Enn kom spaði, sem
Jónas trompaði með ás, spilaði hjarta-
áttu og svínaði níunni, tók hjartakóng
og loks fimm slagi á tígul. Ellefu slagir,
takk fyrir.
Mollo hefði getað notað þetta spil í
dýragarðssögur sínar.
E.s. Þetta voru mótslok í þriggja
kvölda „Þorrabutler BR“ og unnu
Matthías Þorvaldsson og Magnús E.
Magnússon.
BRIDS
Guðmundur Páll Arnarson | dagbok@mbl.is
1. e4 e6 2. d4 d5 3. Rc3 Rf6 4. e5 Rfd7 5.
f4 c5 6. Rf3 Rc6 7. Be3 cxd4 8. Rxd4
Bc5 9. Dd2 0–0 10. 0–0–0 a6 11. Df2
Bxd4 12. Bxd4 b5 13. Be3 b4 14. Ra4 a5
15. h4 Ba6 16. h5 Bxf1 17. Hhxf1 f6 18.
h6 g6 19. exf6 Rxf6 20. De2 Re4 21.
Db5 Hc8 22. Rb6 Hc7 23. Kb1 Dd6 24.
g4 Ra7 25. Dxa5 Dc6 26. Ka1 Db5 27.
Dxb5 Rxb5 28. f5 Hcf7 29. Hg1 exf5 30.
gxf5 Hxf5 31. Rxd5 Hf3 32. Hge1 Rbd6
33. Rxb4 Rf5 34. Bc1 Rf2 35. Hd7 Rg4
36. a4 Ha8 37. b3 Rgxh6 38. Rd5 Rg4
39. He4 h5
Staðan kom upp í B-flokki Corus-
skákhátíðarinnar sem lauk fyrir
skömmu í Wijk aan Zee í Hollandi.
Ivan Cheparinov (2.625) hafði hvítt
gegn hollenska kollega sínum Daniel
Stellwagen (2.573). 40. Hxg4! hxg4 41.
Rf6+ Kf8 svartur hefði orðið mát eftir
41. … Kh8 42. Hh7#. 42. Ba3+ Re7 43.
Hxe7 Hxa4 44. Rd7+ hvítur verður nú
manni yfir. 44. …Kg8 45. bxa4 Hxa3+
46. Kb2 Hxa4 47. Rf6+ Kf8 48. He4 og
svartur gafst upp.
SKÁK
Helgi Áss Grétarsson | dagbok@mbl.is
Hvítur á leik.
Eitt stykki hjónaband –
200 þúsund krónur, takk
ÉG er mjög ósátt við hvernig málin
eru að þróast fyrir fólk í sambúð eða
hjónabandi. Kerfið er bókstaflega að
hvetja fólk til að vera ekki í sambúð.
Einstæðir foreldrar fá hærri
barnabætur, lægri leikskólagjöld,
lægri dagmömmugjöld, hærri náms-
lán, hærri vaxtabætur, hærri húsa-
leigubætur auk annarra fríðinda.
Auðvitað má einstætt foreldri vel
við þessu og finnst mér frábært að
það fái þennan stuðning. En þetta
leiðir til þess að fólk sem vantar
meiri peninga til að borga skuldir og
til að lifa, leita til þess að slíta sam-
búð.
Ef par skráir sig úr sambúð getur
það fengið rúmum 200 þús. krónum
meira á ári. Það eru næstum 20 þús-
und á mánuði. Það er eins og afborg-
un af leikskólagjöldum fyrir einn
mánuð.
Auðvitað eru þessu réttindi sett til
að gera lífið auðveldara fyrir ein-
stæða foreldra en það breytir því
ekki að mjög margt fólk skráir sig
ekki í sambúð því það hreinlega hef-
ur ekki efni á því! Við eigum að
hvetja fólk til að virða lögin og við
eigum að styrkja fjölskylduna,
hvernig svo sem hún er samansett.
Það þarf ekki endilega að vera
samasemmerki á milli þess að vera
hjón og að eiga nóg af peningum.
Ég geri mér fulla grein fyrir því
að auðveldara er fyrir tvær mann-
eskjur að borga af mánaðargreiðsl-
um heldur en fyrir eina manneskju.
En það breytir því samt ekki að ef
fólk skráir sig úr sambúð þá fær það
meiri pening og hver vill ekki búa
sér og sínum betra heimili?
Margrét Kristín Helgadóttir.
Mannvænar virkjanir
ÉG vil leyfa mér að benda á að ef
listamenn og arkitektar tækju þátt í
hönnun á virkjunum og að skapa
augnayndi fyrir ferðalanga, þá
myndi hin mikilfenglega tækni og
vísindi njóta sín.
Ég vil meina að virkjanir séu hluti
af vísindum og tækni mannsins, sem
er skref í átt til að þekkja sig og tak-
mörk sín sem mannvit. Virkjanir og
önnur vísindi eru mannbætandi fyrir
mannkynið og það sem það skapar í
þeirri framgöngu er holl og heilbrigð
þróun. Miklu betri en að horfa í
gaupnir sér og bíða eftir að arfinn
vaxi yfir mann í sinnueysi.
Framsókn er málið og það er óra-
langt til endiloka jarðarinnar og
mannkynsins.
Með kveðju,
formaður Orkuflokksins,
Bjarni Þór Þorvaldsson.
Velvakandi
Svarað í síma 5691100 frá 10–12
og 13–15 | velvakandi@mbl.is
Morgunblaðið/Ómar
90 ÁRA afmæli. Í dag, 10. febrúar,er níræð Ingileif Guðjóns-
dóttir, Dvalarheimilinu Höfða, Akra-
nesi. Hún tekur á móti ættingjum og
vinum á morgun, laugardaginn 11.
febrúar, kl. 14–17 í hátíðarsal Höfða.
Árnaðheilla
dagbók@mbl.is
LEIÐHAMRAR - FRÁBÆR STAÐSETNING
Stórglæsilegt og vel skipulagt 281 fm einbýlishús, staðsett innst í botnlanga á frábærum útsýnisstað
við óbyggt svæði. Húsið er á tveimur hæðum með innbyggðum tvöföldum 61 fm bílskúr, stór afgirt
verönd með heitum potti og svölum meðfram húsinu. 4-5 svefnherbergi, vandaðar innréttingar, mikil
lofthæð og stórar og bjartar stofur. V. 80,0 m. 5616
Sverrir Kristinsson löggiltur fasteignasali
FÉLAGASAMTÖKIN Snarrót við
Laugaveg halda matarboð til fjár-
öflunar starfsemi sinni í kvöld. Að
þessu sinni verður boðið til norður-
afrískrar veislu, Maghreb, með
couscous, margvíslegu grænmeti
og heimabökuðu brauði. Seiðandi
tónlist frá þessum heimshluta,
verður leikin til að skapa góða
stemningu. Snarrót er á Laugavegi
21, í kjallaranum undir Kaffi
Hljómalind. Mataboðið hefst kl.
19.30 og stendur fram eftir kvöldi.
Maghreb og rai
í Snarrót
Innihaldið
skiptir máli