Morgunblaðið - 10.02.2006, Side 22

Húsavík | Ásbjörn Björgvinsson,
forstöðumaður Hvalamiðstöðv-
arinnar á Húsavík, framkvæmir
það sem honum dettur í hug.
Nýjasta hugmyndin er að útbúa
golfvöll í hvalasafninu. Henni
hefur verið hrint í framkvæmd
og á myndinni reynir Björg
Jónsdóttir sig við eina holuna.
Morgunblaðið/Hafþór Hreiðarsson
Nú mega hvalirnir fara að vara sig
Leikur
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri sími 461-1601, Margrét Þóra Þórs-
dóttir, maggath@mbl.is, 669-1117 og Skapti Hallgrímsson, skapti@mbl.is, 669-1114.
Vesturland Guðrún Aðalsteinsdóttir, frett@mbl.is, sími 569-1290. Austurland Steinunn Ásmunds-
dóttir, austurland@mbl.is, sími 669-1115. Árborgarsvæðið og Landið Helgi Bjarnason, helgi-
@mbl.is, sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Vill ala bleikju | Einstaklingur hefur
sett sig í samband við fulltrúa bæj-
arstjórnar Sandgerðisbæjar vegna áhuga
síns á að kanna hvort nýta mætti tjarnir
í nágrenni bæjarins undir bleikjuseiði.
Telur hann að mikið æti sé í tjörnunum.
Bæjarstjórn Sandgerðisbæjar sam-
þykkti á síðasta fundi að láta kanna hug-
myndina og fól forstöðumanni Fræðaset-
urs og Náttúrustofu Reykjaness það
verk.
  
Úr
bæjarlífinu
HÉÐAN OG ÞAÐAN
Söngkeppni í kvöld | Undankeppni
söngkeppni Samfés, Samtaka fé-
lagsmiðstöðva, á Vestfjörðum fer fram í
félagsmiðstöð Ísafjarðar í kvöld, föstudag.
Alls verða flutt fimmtán atriði frá fé-
lagsmiðstöðvunum í Bolungarvík, á Flat-
eyri, Hólmavík, Ísafirði, Patreksfirði, Suð-
ureyri, Súðavík og Þingeyri.
Keppt verður um þátttökurétt í söng-
keppni Samfés en í ár eiga tveir kepp-
endur þess kost að komast í aðalkeppnina
sem haldin verður 4. mars. Kemur þetta
fram á vef bb.is.
Keppnin hefst kl. 19.30 og er opin öll-
um.
  
Fjöldi gesta | Yfir 30 þúsund gestir
skoðuðu sýningar Byggðasafns Skagfirð-
inga í Glaumbæ, á Sauðárkróki og Hofs-
ósi árið 2005. Tölur um fjölda gesta eru
birtar á vef safnsins á vefsvæði Sveitar-
félagsins Skagafjarðar, skagafjordur.is.
Flestir skoðuðu gamla bæinn í
Glaumbæ, eða 24.157 gestir sem þýðir
að yfir 28 þúsund manns hafa komið við
á safnsvæðinu þar, því samkvæmt taln-
ingu síðastliðin tvö ár fara 15–20%
gesta, sem koma á svæðið, ekki inn í
bæinn sjálfann. Á sýningarnar í Minja-
húsinu á Sauðárkróki komu 1438. Þang-
að komu til viðbótar 250 manns ein-
göngu í leit að upplýsingum, því í húsinu
er athvarf frá Upplýsingamiðstöðinni í
Varmahlíð. Á sýningu safnsins hjá Vest-
urfarasetrinu á Hofsósi komu um 4.500
manns.
Bresku brúðhjónin Jools Lee Sparkesog Katherine Spar-
kes voru gefin saman í Bláa
Lóninu – heilsulind í vik-
unni. Þau vildu fallegt vetr-
arbrúðkaup og eftir að hafa
séð mynd frá Bláa Lóninu –
heilsulind varð Ísland fyrir
valinu. Veðrið lék við brúð-
hjónin sem voru ánægð með
daginn.
Myndin var tekin við at-
höfnina, af brúðhjónunum
og vinum þeirra.
Áður en brúðkaupið fór
fram slökuðu þau á í baðlón-
inu. Að athöfn lokinni
snæddu þau kvöldverð á
veitingastaðnum í heilsu-
lindinni ásamt vinafólki sínu
sem kom með þeim hingað
til lands, að því er fram
kemur í fréttatilkynningu.
Giftu sig í Bláa Lóninu
Níræður hagyrð-ingur úr Hafn-arfirði yrkir um
þrjár týndar Guðsgjafir:
Nú sortnar í álinn sýnist mér
sérhver mun ástandið finna
þorskurinn týndur þar fór ver
það munar líka um minna.
Um tíma samt þjóðin betur bjó
bjargráðum engum státar.
Loðnan finnst ekki lengur í sjó
og liggja í höfnunum bátar.
Ekki heldur ég skynja né skil
ef skáldin munu vera þrotin
bráðum er ekkert brageyra til
býsn er nú fátæktin lotin.
Ingólfur Ómar Ár-
mannsson, er ættaður er
úr Lýtingsstaðahreppi:
Skundar nú á skemmtifund
Skagfirðingur glaður
sönghneigður með létta lund
ljúfur kvæðamaður.
Guðsgjafir
týndar!
pebl@mbl.is
Norðurland vestra | Stjórn Samtaka sveit-
arfélaga á Norðurlandi vestra fagnar
áformum stjórnvalda um flutning verkefna
og starfa í Húnavatnssýslur. Jafnframt
fagnar stjórnin ákvörðunum stjórnvalda
um öflugri stuðning við rannsóknar- og
þróunarstarfsemi í Þróunarsetrinu Verinu
á Sauðárkróki.
Ályktun þessa efnis var samþykkt á ný-
legum fundi stjórnar SSNV. Fram kemur
að stjórnin lýsir sig reiðubúna til samstarfs
við stjórnvöld um frekari flutning verkefna
á Norðurland vestra. „Nauðsynlegt er að
atvinnulíf á Norðurlandi vestra styrkist
enn frekar á næstunni. Fjölbreytt og öfl-
ugt atvinnulíf eru forsendur þess að byggð
geti eflst á Norðurlandi vestra,“ segir í
ályktuninni.
Fagna flutn-
ingi verk-
efna í Húna-
vatnssýslur
Hvammstangi | Safnaðarheimili við
Hvammstangakirkju verður vígt við hátíð-
lega athöfn næstkomandi sunnudag. At-
höfnin hefst með messu klukkan 14 þar
sem vígslubiskupinn í Hólastifti, Jón Að-
alsteinn Baldvinsson, predikar.
Fyrsta skóflustungan af safnaðarheim-
ilinu var tekin í maí 2003 og byggingunni
lokið að utan og gerð tilbúin til sandspörsl-
unar þá um haustið. Síðan var gert verkhlé
þar til sl. haust að næsta skref, sem miðaði
að því að flytja inn í húsið, var tekið. Húsið
er hið glæsilegasta, segir í fréttatilkynn-
ingu, en hefur einkum hagnýtt notagildi. Í
húsinu er skrifstofa sóknarprests, rúmgóð-
ur safnaðarsalur sem unnt er að opna inn í
kirkjuna við fjölmennar athafnir, lítið eld-
hús, vinnuherbergi fyrir starfsfólk og sjálf-
boðaliða, loftstofa undir súð, fjölnota her-
bergi í kjallara, geymslurými og aðstaða
fyrir búnað tengdan kirkjugarði.
Safnaðar-
heimili tekið
í notkun
♦♦♦
Sigraði hjá Friði | Sólveig Erla Valgeirs-
dóttir sigraði í söngkeppni félagsmiðstöðv-
arinnar Friðar á Sauðárkróki en keppnin
fór fram síðastliðinn föstudag. Sólveig söng
lagið „Þú styrkir mig“. Kemur þetta fram á
vef félagsmiðstöðvarinnar á skaga-
fjordur.is.
Sigurvegarinn fer sem fulltrúi í lands-
hlutakeppni sem haldin verður í kvöld í
Ólafsfirði. Þar verða valdir fimm kepp-
endur í aðalkeppni Samfés sem fram fer í
Mosfellsbæ 4. mars.
  
Opnuð á ný | Félagsmiðstöð barna og
unglinga á Bifröst, Gaukurinn, var opnuð á
ný sl. mánudag eftir eins og hálfs árs hlé.
Íbúaráð Bifrastar stendur fyrir starfsem-
inni í samstarfi við Borgarbyggð. Kemur
þetta fram á vef Skessuhorns.
Ákveðið hefur verið að aldursskipta
hópnum þar sem opið verður frá kl. 17 til
19 á mánudögum fyrir börn í 5. til 7. bekk
og á miðvikudögum fyrir 8. til 10 bekkinga.
Fáðu fréttirnar
sendar í símann þinn
♦♦♦