Morgunblaðið - 07.04.2006, Blaðsíða 26

26 FÖSTUDAGUR 7. APRÍL 2006 MORGUNBLAÐIÐ
DAGLEGT LÍF Í APRÍL
Við fórum á svokallaðanblindraveitingastað, enborðsalurinn er algjör-lega myrkur og allir
þjónarnir eru blindir,“ segir Bryn-
dís Stefánsdóttir sem fór ásamt
manni sínum Kristjáni Frey Hall-
dórssyni í brúðkaupsferð til Berl-
ínar seinasta haust. „Vinkona okk-
ar sem bjó í Berlín benti okkur á
að fara á þennan veitingastað.
Staðurinn heitir Noctivagus og er
fyrsti blindraveitingastaðurinn í
heiminum.“
Bryndís segir að gengið sé inn á
bar þar sem maturinn er pantaður
auk þess sem farið er yfir regl-
urnar í borðsalnum. „Það þarf t.d.
að slökkva á farsímanum og það
má ekki kveikja á sígarettu eða
kveikjara. Það gleymdi einn gest-
urinn að slökkva á símanum sínum
meðan við vorum að borða, það
kom pínulítill blár bjarmi frá hon-
um og þá úuðu allir þjónarnir.
Þegar við vorum búin að panta
fórum við niður inn í lítið herbergi
með litlu ljósi, þar náði þjónninn í
okkur og leiddi okkur inn í salinn.
Þegar hurðin opnaðist inn í borð-
salinn slokknaði ljósið í herberg-
inu svo það fór aldrei nein birta
inn í salinn. Við löbbuðum í hala-
rófu að borðinu og þjónninn hjálp-
aði okkur í sætin. Það var al-
gjörlega svart, það sást ekki neitt.
Ég hélt kannski að ég myndi að-
eins venjast myrkrinu og sjá smá
en það gerðist ekki.“
Bryndís segir þjónana smella
fingrum þegar þeir eru á ferðinni
svo þeir klessi ekki hver á annan
ásamt því að þeir eru með tal-
stöðvar og listar á gólfinu vísa
þeim leiðina á milli borðanna.
Héngu ekki í myrkrinu
„Við pöntuðum okkur óvissu-
matseðil og því vissum við aldrei
hvað við vorum að borða. Við fór-
um einu sinni fram á milli rétta og
þá kölluðum við á þjóninn sem
leiddi okkur fram, svo þurftum við
að láta vita þegar við vildum fara
aftur inn en það má alls ekki
standa upp frá borðinu eða fara að
því án fylgdar. Um leið og við vor-
um búin að borða fórum við út því
þetta er ekki staður þar sem mað-
ur situr lengi og spjallar. Við vor-
um ekkert að hanga þarna inni í
myrkrinu. Þetta er náttúrulega
svolítið yfirþyrmandi, maður sér
ekki neitt og sumir gætu fengið
smá innilokunarkennd.“ Að lokinni
máltíðinni fengu þau að vita hvað
þau voru að borða en það var; sal-
at með gæs og túnfisksúpa í for-
rétt, krókódíla-, nauta- og kan-
ínukjöt í aðalrétt, saman á disk,
og grjónabúðingur í eftirrétt. „Við
hlógum að því hvað það yrði fynd-
ið að sjá myndband eftir á af
manni að borða í þessu myrkri,
það væri örugglega ekkert mjög
smekklegur. Ég passaði a.m.k. að
fara í fötum sem mátti sullast á.“
Bryndís segir þetta vera fínan
veitingastað með góðum mat á
sanngjörnu verði. Noctivagus er
fyrsti blindraveitingastaðurinn, en
annar slíkur staður er í Berlín auk
þess sem einn staður er í Frakk-
landi og annar í London.
„Ég veit ekki hvort ég færi aft-
ur út að borða á svona stað, þetta
er ógleymanlegt en kannski nóg
að gera það einu sinni á ævinni.
Annars er gaman að vera í Berlín,
maturinn þar er góður og mikið
úrval af veitingastöðum,“ segir
Bryndís að lokum og mælir með
því að þeir sem eiga leið um Berl-
ín fái sér máltíð í myrkrinu.
 FERÐALÖG | Þjónar smella fingrum á blindraveitingastað í Berlín
Máltíð í myrkrinu
Morgunblaðið/Brynjar Gauti
Bryndís sá ekki svona vel þegar hún borðaði í svartamyrkri í Berlín.
Eftir Ingveldi Geirsdóttur
ingveldur@mbl.is
Heimasíða blindraveitingastað-
arins er: www.noctivagus.com
Við höfum verið aðmarinera tugi kílóaaf fiski í ferming-arveislur, mat-
arboð og aðrar veislur und-
anfarið. Það hefur sjaldan
verið jafn mikil eftirspurn
eftir fiski og núna upp á síð-
kastið hjá okkur,“ segir Ei-
ríkur Auðunn Auðunsson í
Sjávargallerýinu við Háaleit-
isbraut. Marineraða fiskinn
segir Eiríkur Auðunn að
fólk ýmist baki í ofni eða
skelli á grillið. „Fiskurinn
getur ýmist verið forréttir
eða aðalréttir. Fólk vill fá
fiskinn og kartöflurnar hálf-
tilbúið og þess vegna bjóð-
um við líka upp á mariner-
aðan fisk í mjög notenda-
vænum umbúðum sem gott
er að ferðast með, til dæmis
fyrir þá sem eru að fara í
sumarbústaðinn. Þá er fisk-
urinn í bökkum með
ábrenndri plastfilmu yfir, sem fólk
stingur göt á, setur í ofninn og hit-
ar upp. Eins höfum við verið með
sérstaka grillbakka. Fólk getur til
dæmis pantað uppáhaldsfisk-
tegundina sína fyrir vissan fjölda
fólks og sækir þetta svo pakkað og
tilbúið og skellir beint í ofninn eða
á grillið, í bústaðnum eða heima
hjá sér,“ segir Eiríkur Auðunn sem
marinerar allra handa fisk en vin-
sælust er lúðan, skötuselurinn og
laxinn, en langan og keilan vinna
líka á.
 MATUR
Morgunblaðið/ÞÖK
Eiríkur Auðunn með einn af bökkunum
góðu sem fara svo vel í ferðalögum.
Marineraður fiskur
á grillið eða í ofninn
Sigurbjörg Snorra-dóttir, eða Boggaeins og hún er köll-uð, býr á Dalvík og
hefur alla tíð haft mjög mik-
inn áhuga á mat. Hún er al-
in upp á Krossum á Ár-
skógsströnd þar sem alltaf
var mannmargt heimili og
mikið að gera í eldhúsinu.
Hún tók snemma þátt í mat-
argerðinni og öðlaðist þann-
ig góða reynslu sem hefur
nýst henni vel sem matráðs-
kona en hún starfaði í meira
en tuttugu ár í Árskógs-
skóla í mötuneytinu. Sig-
urbjörg hefur yndi af að
bjóða gestum í mat og fyrir
skömmu borðuðu hjá henni
nokkrir Þingeyingar sem
voru sammála um að gott
væri að borða hjá Boggu
enda ekki skorið við nögl. Á
borðum var lasagna með
grænmeti og kartöflum auk
þess sem á eftir kom girni-
leg súkkulaðikaka.
Lasagna
400–500 g nautahakk
1 spergilkálshöfuð
1 kúrbítur
ferskt spínat
1 laukur
3 sveppir
2 hvítlauksgeirar
Pastasósa að vali – stór krukka
Lasagnablöð
500 g kotasæla
300-500 g mozzarella eða pitsuostur
2 egg
Rétturinn er eldaður á rafmagns-
pönnu. Hakkið soðið fyrst. Græn-
meti er skorið niður, lasagnasósunni
blandað við hakkið og þar með
grænmetinu saman við. Kotasælu,
osti og eggjum blandað saman.
Grænmetið og hakkið sett neðst á
pönnuna, síðan lasagnablöð þá kota-
sælu- og ostblandan. Efsta lagið er
svo grænmeti og ostur. Hiti 170
gráður en síðan er lækkað niður
þegar lasagnað er soðið.
Súkkulaðikaka í potti
1 pakki súkkulaðikökumix
2 egg
gulrót
½ epli
biti af kúrbít
1 sellerístöng
biti af hvítkáli
súkkulaðikrem
Ávextir og grænmeti skorið niður
afar smátt og öllu hrært saman.
Potturinn þ.e. Saladmaster-pottur,
forhitaður á lægsta hita og úðaður
með Pam-úða. Blöndunni er hellt í
pottinn og haft á minnsta hita á elda-
vélinni í 20–30 mínútur.
Gott er að taka lokið af til þess að
þurrka rakann úr lokinu af og til
meðan kakan er að bakast. Súkku-
laðikrem að vild, en Betty Crocker
er mjög gott og hægt að kaupa tilbú-
ið. Skreyta má kökuna að vild.
 MATUR | Sigurbjörg Snorradóttir eldar lasagna og notar spínat, kúrbít og kotasælu
Súkkulaðikaka bökuð í potti
Eftir Atla Vigfússon
Morgunblaðið/Atli Vigfússon
Sigurbjörg hefur yndi af að bjóða heim gestum og hér er hún með nýbakaða súkkulaðikökuna.
Blandaðir sjávarréttir
í hvítvínsbættri
Marinarasósu
Marineringin (lögurinn):
2 kg hakkaðir tómatar í dós
1/2 bolli olía
2 hvítlauksrif fínsöxuð
1 bolli hvítvín
2 tsk. salt
1 msk. malaður svartur pipar
2 msk. origano
2 msk. timjan
100 g parmesan-ostur
Allt sett í matvinnsluvél og hakk-
að saman. Því næst er ferskt spínat,
paprika og rauðlaukur saxað niður
gróft og sett út í löginn. Borið á roð-
og beinlausan fisk (fisktegund eftir
smekk) sem hefur verið skorin í
bita. Fiskurinn settur í eldfast mót
inn í ofn og bakaður við 180 gráður í
20 mínútur.