Morgunblaðið - 26.04.2006, Qupperneq 10

Morgunblaðið/Ásdís
EKKI er gert ráð fyrir því að
Guarnerius del Gesu fiðla frá árinu
1728 muni tilheyra hinu nýja hluta-
félagi Ríkisútvarpsins, að því er
fram kemur í minnisblaði mennta-
málaráðherra og fjármálaráðherra
til menntamálanefndar Alþingis.
Samkvæmt upplýsingum Morg-
unblaðsins er gert ráð fyrir því að
fiðlan muni tilheyra ríkissjóði. Minn-
isblaðið var lagt fram á fundi
menntamálanefndar í gær.
„Í frumvarpinu [um Ríkisútvarpið
hf.] er gert ráð fyrir að hið nýja félag
taki yfir eignir og skuldir RÚV,
þ.m.t. menningarverðmæti eins og
gamlar upptökur og annað sem
tengist starfsemi RÚV,“ segir í
minnisblaðinu. „Ekki er gert ráð
fyrir að hljóðfæri sem fjallað hefur
verið um í tengslum við þessar
breytingar og hafa verið nýtt af Sin-
fóníuhljómsveit Íslands muni til-
heyra hinu nýja félagi. Þar ber hæst
Guarnerius del Gesu fiðlu frá árinu
1728. Raunvirði þessara eigna hefur
ekki verið metið í efnahagsreikningi
RÚV og eru áhrif þessara breyt-
ingar á efnahagsreikning RÚV því
óveruleg.“
Fiðlan fer ekki
til RÚV hf.
Morgunblaðið/Eyþór
Kristinn H. Gunnarsson, Þórunn Sveinbjarnardóttir, Jóhanna Sigurðardóttir og Valdimar L. Friðriksson.
ÞINGMENN Samfylkingarinnar og
Vinstri grænna fóru fram á það á Al-
þingi í gær að frumvarpið um Rík-
isútvarpið hf. og fjölmiðlafrumvarpið
svonefnda yrðu rædd samhliða á Al-
þingi. Þeir ítrekuðu jafnframt þá ósk
sína að frumvarpið um Ríkisútvarpið
yrði ekki afgreitt á þessu vorþingi,
heldur unnið á ný í sumar, og af-
greitt sem lög um áramótin.
Sigurður Kári Kristjánsson, for-
maður menntamálanefndar þings-
ins, sagði hins vegar að stjórnar-
flokkarnir væru þeirrar skoðunar að
afgreiða ætti frumvarpið um Ríkis-
útvarpið í vor. Ekkert nýtt hefði
komið fram sem breytti því.
Mörður Árnason, þingmaður
Samfylkingarinnar, hóf umræðuna
og kvaðst harma að Sigurður Kári
skyldi hafna því sáttatilboði að frek-
ar yrði unnið að frumvarpinu um
Ríkisútvarpið í sumar. Mörður sagði
að fjölmiðlafrumvarpið gæti vel
komið inn í það starf. „Þetta var af
okkar hálfu hugsað sem sáttaumleit-
an og leið til þess að gera frumvarpið
um Ríkisútvarpið betra.“
Mörður sagði að á fundi mennta-
málanefndar þingsins, fyrr um
morguninn, hefði m.a. komið til tals
að í fjölmiðlafrumvarpið hefði verið
bætt við ákvæði, sennilega eftir há-
degi í fyrradag, sem bannaði Ríkis-
útvarpinu að eiga hlut í öðru fyrir-
tæki sem gæfi út dagblað eða ræki
útvarpsstöð. Sigurður Líndal, fyrr-
verandi lagaprófessor, hefði sagt á
fundinum, að það ákvæði væri vissu-
lega til bóta, varðandi jafnræðis-
reglu stjórnarskrárinnar, en þó væri
ástæða til að fara betur yfir sam-
hengi frumvarpsins um Ríkisútvarp-
ið og fjölmiðlafrumvarpið.
Mótsagnir koma fram
Ögmundur Jónasson, þingflokks-
formaður Vinstri grænna, sagði að
allar götur frá því vinna hefði hafist
við fjölmiðlafrumvarpið og frum-
varpið um Ríkisútvarpið hefði
fulltrúi Vinstri grænna í fjölmiðla-
nefnd menntamálaráðherra lagt of-
uráherslu á að málin yrðu unnin í
samhengi. „Það hefur ekki gerst og
nú eru ýmsar mótsagnir að koma
fram. Þær blasa við og ekki er séð
fyrir endann á því hvernig þær verða
til lykta leiddar.“ Að óbreyttu
stefndi í að Ríkisútvarpið yrði gert
að hlutafélagi, fyrirtæki á markaði,
og ljóst væri að önnur fyrirtæki á
þeim sama markaði myndu reisa
kröfur um að jafnræðis yrði gætt,
m.a. með skírskotun til þess mikla
menningararfs sem Ríkisútvarpið
hefði í sínum fórum.
Björgvin G. Sigurðsson, þingmað-
ur Samfylkingarinnar, sagði m.a. að
fjölmiðlafrumvarpið virtist strax
varpa ljósi á fjölmarga galla og á því
klúðri og pólitíska klastri sem frum-
varpið um Ríkisútvarpið hf. væri.
Frumvörpin ætti að ræða saman,
sagði hann og spurði síðar hvort rík-
isstjórnin hefði ekkert lært af átök-
unum um fjölmiðlana fyrir tveimur
árum. Einar Már Sigurðarson, þing-
maður Samfylkingarinnar, tók í
sama streng. Þeir hældu þó Sigurði
Kára fyrir störf hans í menntamála-
nefnd.
Sigurður Kári Kristjánsson, þing-
maður Sjálfstæðisflokks og formað-
ur menntamálanefndar þingsins,
sagði að engar nýjar upplýsingar
hefði komið fram sem leiddu til þess
að fresta ætti afgreiðslu frumvarps-
ins um Ríkisútvarpið.
Komu fyrir nefndina
Síðan sagði Sigurður: „Það er rétt
að Sigurður Líndal lagaprófessor
kom fyrir nefndina nú í morgun til að
gera grein fyrir þeim athugasemd-
um sem fram koma á forsíðu Frétta-
blaðsins í dag. Það er rétt að taka
það fram, úr því að háttvirtur þing-
maður Mörður Árnason gerði það
ekki í sinni ræðu, að Sigurður Líndal
tók fram að honum hefði ekki verið
kunnugt um þá breytingu sem gerð
var á fjölmiðlafrumvarpinu þegar
þau ummæli voru látin falla. Það
kom heldur ekki fram í ræðu hátt-
virts þingmanns Marðar Árnasonar
að á þessum fundi var einnig Páll
Hreinsson, prófessor í lögfræði við
Háskóla Íslands og formaður fjöl-
miðlanefndarinnar, og hann tók
fram að með þeirri breytingu sem
hér hefur verið gerð grein fyrir hefði
verið stoppað upp í þann leka sem
hugsanlega hefði verið gagnvart
jafnræðisákvæði stjórnarskrárinn-
ar.“
Birgir Ármannsson, þingmaður
Sjálfstæðisflokks, sagði að það hefði
legið fyrir frá upphafi að ágreiningur
væri milli stjórnar og stjórnarand-
stöðu um frumvarpið um Ríkisút-
varpið hf. Því væri langsótt af stjórn-
arandstöðunni að koma upp og tala
um mikið sáttaboð, með því að bjóða
ríkisstjórninni að draga málið til
baka. Guðlaugur Þór Þórðarson,
þingmaður Sjálfstæðisflokks, sagði
um Ríkisútvarpsfrumvarpið, að þar
væri pólitískur ágreiningur á ferð-
inni, eins og í svo mörgum öðrum
málum.
Ísólfur Gylfi Pálmason, varaþing-
maður Framsóknarflokksins, sagði
m.a. að gríðarlega mikil menningar-
verðmæti fylgdu Ríkisútvarpinu og
að okkur bæri að gæta þeirra. „Þess
vegna þurfum við að fara okkur
hægt og örugglega, við þurfum að
velta þessum hlutum fyrir okkur
eins vel og mögulegt er og alls ekki
að ana að neinu.“
Dagný Jónsdóttir, þingmaður
Framsóknarflokks, sagðist vonast til
þess að menntamálanefnd fengi frið
til að vinna að frumvarpinu um Rík-
isútvarpið áfram en Atli Gíslason,
varaþingmaður Vinstri grænna,
kvaðst ekki vilja standa í því að sam-
þykkja lög frá Alþingi sem kölluðu
síðar á deilu fyrir dómstólum. „Ég
vil taka það skýrt fram að það er
greinilegt samspil á milli fjölmiðla-
frumvarpsins, sem vel að merkja er
vel unnið, og Ríkisútvarpsfrum-
varpsins, sem er því miður ekki vel
unnið; það er hægt að vinna það
miklu betur. Það eru atriði í þessu
frumvarpi sem valda mér miklum
áhyggjum,“ sagði hann og nefndi
m.a. menningararfleifðina og höf-
undarréttarmál.
Segja frumvarp varpa ljósi
á galla RÚV-frumvarpsins
Stefnt að því að
afgreiða RÚV-
frumvarpið í vor
Eftir Örnu Schram
arna@mbl.is
10 MIÐVIKUDAGUR 26. APRÍL 2006 MORGUNBLAÐIÐ
FRÉTTIR
ÓVISSA ríkir um þinghaldið fram-
undan, en samkvæmt starfsáætlun
þingsins er gert ráð fyrir því að
þingfrestun verði fimmtudaginn 4.
maí nk. Ljóst er að það næst ekki.
Alls 87 stjórnarfrumvörp eru til
meðferðar á þingi og ellefu stjórn-
artillögur. Tuttugu og þremur
stjórnarfrumvörpum var útbýtt á
Alþingi í apríl. Samkomulag er gert
milli stjórnar og stjórnarandstöðu
um þingstörfin frá degi til dags.
Venjan er sú að þinginu ljúki fyrr
á vorin þegar sveitarstjórnarkosn-
ingar eru á næsta leiti, og er nú rætt
manna á milli að þinginu verði frest-
að rétt fyrir kosningar, en kallað
saman að nýju strax að þeim lokn-
um. Engar ákvarðanir hafa þó verið
teknar í þeim efnum.
Óvissa um
þingstörfin
SIGURÐUR Líndal, fyrrverandi lagaprófessor,
telur ekki rétt að fara of geyst þegar kemur að
því að afgreiða frumvörpin um fjölmiðla og Rík-
isútvarpið í gegnum Alþingi. Það sé alltaf góð
regla við lagasetningu að flýta sér hægt til að
komast hjá óþarfa málsóknum.
Sigurður sagði í viðtali við Fréttablaðið í gær
að það stæðist vart jafnræðisreglu stjórnar-
skrárinnar að undanskilja hlutafélag um Rík-
isútvarpið reglum sem takmarka eignarhald á
fjölmiðlum. Þá hafði hann hins vegar ekki heyrt
að setningu hafði verið bætt inn í frumvarpið, í
greinina um eignarhald á fjölmiðlum, á síðustu
stundu, en þar segir að Ríkisútvarpinu sé
óheimilt að eiga hlut í öðru fyrirtæki sem gefur
út dagblað eða rekur útvarpsstöð.
„Ég hefði orðað þetta svolítið öðruvísi hefði
ég vitað um það. Það er örugglega gott spor í
rétta átt en hvort það tekur af öll
tvímæli er kannski meira álita-
mál,“ segir Sigurður, sem kom á
fund menntamálanefndar í gær-
morgun. Þar gerði hann grein fyr-
ir athugasemdum sínum í fyrr-
nefndu viðtali en það ákvæði komi
í veg fyrir að Ríkisútvarpið kaupi
aðra fjölmiðla og slái því á sam-
þjöppun á fjölmiðlamarkaði.
Sjá hvernig heildar-
myndin kemur út
„En það er svo sem ýmislegt
fleira sem ég spyr mig að. Rík-
isútvarpið má ekki kaupa dagblað
eða útvarpsstöð en hvað með ann-
ars konar miðlun?“ segir Sigurður
og horfir í því sambandi m.a. til mikilla tækni-
nýjunga sem orðið hafa á fjölmiðlamarkaði á
undanförnum árum. Jafnframt geti Ríkis-
útvarpið keypt aðra hluti sem komi
þeim fram fyrir keppinauta á sam-
keppnismarkaði. Á þetta hefur Sig-
urður bent og hvetur hann til að
meiri tími sé tekinn í að skoða frum-
varpið.
Sigurður er á því að frumvarpið
um Ríkisútvarpið þurfi einnig að
skoða betur. „Ég sagði það við
nefndina í [gær] að mér finnst að
skoða þyrfti þessi frumvörp, um
Ríkisútvarpið og fjölmiðlafrum-
varpið, saman. Hafa þau bæði undir
og sjá hvernig heildarmyndin kemur
út. Menn hafa unnið svolítið hver í
sínu horni við þetta og það finnst
mér svona álitamál. Ég er ekki að
spá neinu, en ég held að það sé góð
regla við lagasetningu að bjóða ekki upp á mála-
ferli, kærur og klögumál út og suður,“ segir Sig-
urður Líndal.
Sigurður Líndal, fyrrverandi lagaprófessor við Háskóla Íslands
Skoða ætti fjölmiðlafrumvarpið betur
Eftir Andra Karl
andri@mbl.is
Sigurður Líndal
ÞINGFUNDUR hefst kl. 12 í
dag. Á dagskrá eru m.a. eftir-
farandi fyrirspurnir til ráð-
herra:
1. Aðstoðarmenn og ráðgjafar
ráðherra.
2. Samkeppnisstaða ríkis-
banka á húsnæðismarkaði.
3. Ristilkrabbamein.
4. Sjálfstætt starfandi heimil-
islæknar.
5. Sjúkraliðar.
6. Hjúkrunarheimili og öldr-
unarþjónusta.
7. Samkeppnisstaða fiskverk-
enda.
8. Meðferð mála hjá Sam-
keppniseftirlitinu.
9. Ívilnanir til álvera á lands-
byggðinni.
10. Innflutningur á erfða-
breyttu fóðri.
11. Merkingar á erfðabreyttum
matvælum.
12. Malarnáma í Esjubergi.
13. Ljósmengun.
14. Umferðaröryggi á Kjalar-
nesi.
15. ILO-samþykkt um uppsögn
starfs af hálfu atvinnurek-
anda.
♦♦♦